Почнува исплата на јулските пензии. Ќе се даваат од утре по групи во зависност од висината на пензијата.

„Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата“, информира Министерството за труд и социјална политика.

Во вторник, на 28.07.2020 година исплата на пензии со висина до 11.000 денари.

Во среда, на 29.07.2020 година исплата на пензии во висина од 11.001 денари до 14.000 денари.

Во четврток, на 30.07.2020 година исплата на пензии во висина од 14.001 денари до 18.000 денари.

Во петок, на 31.07.2020 година исплата на пензии во висина над 18.000 денари.

Пензионерите кои користат платежна  картичка поврзана со сметката на која се префрлува пензијата, со парите можат да располагаат од вторник  28 јули. Тие можат да ја подигнат јулската пензијата на банкомат, да ги користат средствата за плаќање во трговската мрежа или за електронски плаќања.

Етапното процесирање на пензиите ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.

Министерството за труд и социјална политика потсетува дека пензиите се сигурни на сметките на корисниците, пензискиот систем е стабилен и функционира без проблеми. Оттаму апелираат до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје.

Истовремено потсетуваат на обврската за носење лична заштитна опрема којашто ги покрива пределот на носот и устата, како и на држење растојание при чекање ред пред и внатре во банките.

Денеска успеавме да пронајдеме на интернет едно навистина интересно австралиско истражување за неверството. Во ова истражување била дел и страницата за запознавање на партнер, Victoria Milan, и во него учествувале 5, 650 корисници.

Според ова истражување се покажало дека луѓето кои имаат голем притисок на работното место како во финансиите, спремни се да го изневерат својот партнер.

Еве кои се деветте професии со кои луѓето најмногу изневеруваат:

1. Финансии
2. Авио индустрија
3. Доктори
4. Бизнисмени
5. Спортисти
6. Уметници
7. Работа во ноќни клубови
8. Правна индустрија
9. Комуникации и односи со јавност

Коронавирусот, најверојатно, ќе остави траен белег врз светската економија, донесувајќи трајни промени, но и важни лекции, проценува Си-Ен-Ен.

Следењето на вирусот веројатно ќе стане дел од нашите животи, како што се безбедносните мерки по нападите од 11 септември. Важно е, смета телевизијата, да се инвестира во потребната инфраструктура за откривање на идните вирусни епидемии. Оваа инвестиција ќе ја заштити економијата во случај да се покаже дека заштитата од Ковид-19 е привремена.

Многу економии за време на пандемијата усвоија верзии за работа со скратено работно време. Како резултат на тоа, работниците остануваат вработени и платени, а владата го компензира недостатокот на плати. Работата на далечина ќе стане почеста и постојат докази дека работењето од дома е исто толку продуктивно како и работењето во канцеларија.

Кризата предизвикана од пандемијата го забрза темпото на дигитална трансформација со натамошно проширување на е-трговијата и побрзо усвојување на телемедицината, видео конференции, учење преку Интернет, се наведува во текстот на телевиизјата.

Од друга страна, компаниите во меѓународниот синџир за снабдување се соочуваат со тешкотии. Веројатно многу од нив ќе ја сменат локацијата на нивно производство, а овој тренд нема да создаде нови работни места затоа што поголемиот дел од производството ќе биде автоматизирано.

Владите ќе бидат поголеми бидејќи играат улога на осигурител и последен инвеститор за време на кризата. Јавниот долг, како што се наведува, ќе се „надува“, создавајќи финансиски проблеми ширум светот.

Најважната лекција што може да се научи од пандемијата на Ковид-19 е важноста да се работи заедно за решавање на проблемите што влијаат врз целото човештво, се наведува во текстот на Си-Ен-Ен, и заклучува дека светот е многу посилен кога е пообединет отколку поделен.

До 10-ти август ќе се знае како ќе се одвива училишната настава во наредната учебна година. Ќе седнат ли децата во клупите и со колкава дистанца меѓу нив, колку ќе бидат скратени часовите, ќе бидат ли воведени дополнителни смени и крајно, каде ќе има настава со далечинско учење, а каде со физичко присуство?

Наставниот кадар и родителите подолго време ги поставуваат прашањата, а од Министерството за образование ветуваат одговори во наредните две недели.

“До 10-ти август ќе ги имаат сите тие информации. Нема потреба за паника. Има модели, треба да се усогласат и не е ништо задоцнето. Има снимање на состојбата, бројноста на учениците во паралелките, бараме просторни можности за оние училишта кои немаат капацитети, значи сите тие аспекти се разгледуваат”.

Наставник сам во училница и држи настава. Сликата може да стане реалност во случај на далечинско учење. Учениците дома, но наставниците материјалот да го предаваат од своето работно место – е еден од предлозите на работната група од Бирото за развој на образованието.

Сепак, од Министертвото најавуваат дека наставата со физичко присуство е приоритет при носењето на планот.     

“Она што и наставниците и директорите и родителите го бараат од нас е дека ништо не може да ја замени наставата со физичко присуство. И се додека постои и најмала алтернатива и можност за безбедно реализирање на наставата со физичко присуство, ние ќе правиме обиди да ја реализираме на таков начин”.

Од МОН велат дека најверојатно во функција ќе бидат повеќе модели на настава, во зависност од епидемиолошката слика во земјава. Со ова се согласува и опозицијата, иако смета дека барањето соодветен модел за настава од септември е задоцнето.

“Колку што ми е мене познато, ниту во Берово, ниту во Делчево, ниту во Виница нема заразени. Тие деца можат да почнат со настава сосема нормално, се разбира по скратена програма, за да бидат рамноправни со другите ученици. Таму каде што има најмногу заразени нека оди наставата он лајн”.

Расправата по сите модели и протоколи за тоа како ќе изгледа наставата од 1-ви септември почнува утре, а крајниот збор ќе го има Комсијата за заразни болести.