Управување на моторно возило под дејство на алкохол е еден од најсериозните прекршоци кој го прават одредени возачи.  Да се управува моторено возило под дејство на алкохол значи да се нема ниту најмала почит кон себе, кон сопствениот живот, кон семејството, кон другите учесници во сообраќајот и кон општеството во целина.  Со жалење може да се констатира дека и покрај сѐ,  одредени поединци  се уште се осудуваат да седнат позади воланот и тогаш  кога се под дејство на алкохол. 

Покрај слабиот карактер и комплетната неодговорност, една од причините за еден возач  да седне  „пијан “ позади воланот е потценувањето на ризикот и опасноста дека може да се случи сообраќајна незгода и убедувањето дека на кратко растојание може да се управува моторно возило и под дејство на алкохол.  Во однос на оваа констатација РСБСП со потсетување дека ниту еден возач кој учествувал во сообраќајна незгода со фатални последици не ни претпоставувал дека тоа може да му се случи токму нему и со потсетување дека  ниту еден возач,  не тргнал  под дејство на алкохол, да управува моторно возило на патување од 1000 км, напротив, најголем број од возачите кои биле под дејство на алкохол и кои учествувале во сообраќајна незгода со тешки и фатални последици, патувале на пократка дестинација а многу често патувале во рамките на населеното место или регионот во кој престојуваат или живеат.

Водејќи се од тоа, РСБСП со потсетување, совети и пораки до возачите:

    •   Возач под дејство на алкохол не смее да започне да управува возило во сообраќај на пат. 

    •  Дозволено количество алкохол во крвта кај возачите изнесува 0,5 г/кг. Кај професионалните возачи и возачите почетници, не е дозволено никакво количество алкохол во крвта (0,09 г/кг). Глобата за непочитување на оваа законска обврска изнесува од 225 до 375 евра во денарска противвредност.

     •  Полицискиот службеник на самото место привремено ќе му ја одземе возачката дозвола и ќе го исклучи од сообраќај возачот за кого ќе утврди дека е под дејство на алкохол.

     •  Управувањето на моторно возило под дејство на алкохол носи закана за одземање на возачката дозвола до 12 месеци.

Истражувањата покажуваат дека алкохолот ја намалува возачката способност, ја намалува концентрацијата и ја намалува функцијата на сетилата за слух и вид. Возачите под дејство на алкохол не се во способност благовремено да ги препознаат ризиците и опасностите во сообраќајот и се склони кон преземање на ризик и ги потценуваат последиците од сообраќајните незгоди.

РСБСП потсетува дека како последица на неодговорното учество во сообраќајот, изминатата година во Република Северна Македонија, 132 лица го загубија животот во сообраќајни незгоди, а 5164 лица беа  повредени.

Согласно тоа,  РСБСП со апел до сите возачи:

„Оваа лето безбедноста нека ви биде на прво место. Никогаш немојте да возите под дејство на алкохол затоа што возењето под дејство на алкохол носи смрт на патиштата!“

Влијанието на еврото на меѓународните пазари за валути ослабна и забележа најголем пад за 18 месеци, додека доларот забележа зајакнување бидејќи инвеститорите не сакаа да преземат ризик по најновите ескалации на напнатоста во односите меѓу Кина и САД.

За време на синоќешното тргување еврото за момент достигна највисоко ниво во последните 18 месеци и се продаваше за 1,1547 долари, откако челниците на земјите членки на Европската унија постигнаа договор за неопходниот пакет помош за поттикнување и опоравување на економијата погодена од корона кризата. Но, откако утрово се зголеми напнатоста во американско – кинеските односи, неговото влијание се намали на 1,1521 долари.

Индексот на доларот, кој ја покажува вредноста на оваа валута во однос на останатите шест највлијателни светски валути во овие околности зајакна за 0,2 отсто достигнувајќи 95,292 бодови, но се задржа до неодамна најниското ниво за временски интервал од четири месеци.

Во изминатите 24 часа инвеститорите ризикуваа, но нивниот интерес се промени утрово откако кинеското министерство за надворешни работи објави дека САД на 21. јули побарале од Кина да го затвори конзулатот во Хјустон. Од Пекинг испратија силна осуда за ваквиот чекор и најавија противмерки.

Доларот за време на претходните тргувања беше притиснат и од загриженоста на инвеститорите дека договорот за новиот американски пакет со фискални поттикнувања би можел да доцни.

Влијанието на кинескиот јуан исто така забележа опаѓање во однос на доларот на странските пазари под влијание на најновите ескалирања на напнатите односи на 7,0028 јуана за долар.

– Сето ова се случува бидејќи дојде до уште поголемо затегнување на односите меѓу САД и Кина. Тоа додаде масло на огнот, изјави Кристи Тан, валутен аналитичар во Националната банка на Австралија.

Помалку стрес, повеќе време за семејството и уште поголема продуктивност тврди германска студија која открила дека работењето од дома за време на коронакризата работниците го доживуваат како позитивна промена.

Студија: Работењето од дома за време на пандемијата носи помалку стрес, а поголема продуктивност

Помалку стрес, повеќе време за семејството и уште поголема продуктивност тврди германска студија која открила дека работењето од дома за време на коронакризата работниците го доживуваат како позитивна промена.

„Вработените кои за време на коронакризата се префрлиле да работат од дома поретко се изложени на стрес и се попродуктивни“, според студијата спроведена од Институтот Форс и ИГЕС за компанијата за здравствено осигурување ДАК.

Пред појавата на пандемијата, 21% од анкетираните изјавиле дека биле под стрес, додека истото за време на коронакризата го тврделе само 15%.

56 проценти од оние кои редовно работат од дома изјавиле дека дома се чувствуваат попродуктивно отколку на работа.

Понатамошни позитивни ефекти од работењето од дома се подобро усогласување на работата и семејството (две третини од испитаниците), а истиот дел од испитаници како особено позитивен ефект на работењето од дома го наведуваат отсуството на патување на работа.

76,9 проценти од испитаниците изјавиле дека би сакале да ја задржат оваа форма на работа и во иднина.

„Работата од дома не само што го намалува ризикот од зараза, туку придонесува за ментална рамнотежа“, изјави директорот на ДАК Андреас Сторм.

Тој вели дека овие позитивни откритија треба да се искористат во однос на работењето во иднина и дека треба да се направат напори да се избегнат негативните аспекти на работењето од дома.

Ова првенствено се однесува на проблемот со јасната поделба на приватниот и работниот живот, што е особено наведено како проблем кај помладите вработени, на возраст меѓу 18 и 29 години.

Три четвртини од испитаните како негативност го истакнуваат фактот дека веќе не се гледаат со колегите.

Владејачката Социјалдемократска партија на Германија (СПД) најави иницијатива за законска регулатива која би овозможила право на работа од дома. На ова силно се спротивставуваат здруженијата на работодавачите.

Министерството за труд и социјална политика соопшти дека на работничките кои се на продолжено породилно отсуство, платеното отсуство им трае се додека траат времените мерки за заштита од ширење и превенција на заразата.

За да се обезбеди заштита и грижа за децата, посочуваат од Министерството, Владата донесе Уредба со законска сила за примена на Законот за работни односи за време на вонредна состојба („Службен весник на РСМ“ БР.90/20), со која отсуството од работа на работничка поради бременост, раѓање и родителство и посвојување, продолжува да тече и надоместот на плата продолжува да се исплаќа до истекот на траењето на времените мерки за заштита од ширење и превенција од заразата.

Одлуката за времетраење и завршување на времените мерки ја носи Владата на Република Северна Македонија, по препорака на Комисијата за заразни болести. Надоместот за породилното отсуство се регулира преку Фондот за здравствено осигурување, информираат од Министерството за труд и социјална политика.