Цените на бензините од полноќ се намалија за денар ипол, а на дизелот и екстра лесното масло за домаќинство за половина денар.

Согласно новата одлука, ЕУРОСУПЕР БС-95 сега се продава по цена од 60 ден/лит, а ЕУРОСУПЕР БС-98 по цена од 62 ден/лит. Малопродажната цена на ЕУРОДИЗЕЛ изнесува 53 денари за литар, а на Екстра лесното масло за домаќинство 52,50 ден/лит.

Се намали и цената на мазутот за 0,370 ден/кг и тој сега се продава по 26,215 ден/кг.

– Пресметките на Регулаторната комисија за енергетика и водени услуги за периодот од 1 јули до 15 јули 2020 година на берзанските цени на нафтените деривати покажуваат дека средната дневна берзанска цена на горивото Prem Unl 10 ppm, кое служи како основа за пресметка на цените на бензините, на медитеранската берза публикувана на Platts е повисока од 390 USD/тон. Ова значи дека согласно Уредбата со законска сила за дополнување на уредбата за примена на законот за акцизите за време на вонредна сосотјба, дополнителната акциза за безоловен бензин се намалува од 3 на 2 денари и истата е инкорпорирана во денешната одлука со која има намалување за 1,50 денари за литар на бензините ЕУРОСУПЕР БС-95 и ЕУРОСУПЕР БС-98, изјави претседателот на Регулаторната комисија Марко Бислимовски.

Фондот за пензиско-инвалидско осигурување во својот тукушто објавен извештај за 2019 потврдува дека минатата година имало најмало зголемување на пензиите до сега, односно во последните 13 години за колку што е евиденцијата. Усогласувањето на пензиите било 0,7 отсто на 1 јануари 2019 и 0,4 отсто на 1 јули истата година, што значи вкупно биле усогласени за 1,1 проценти.

- Со извршените усогласувања, на пензиите, просечната пензија во декември 2019 изнесуваше 14.602 денари и истата во однос на 2018 година во износ од 14.445 денари е повисока за 1,1 проценти. Зголемувањето е резултат на извршеното редовно усогласување на пензиите во 2019 година, како и на висината на пензиите на новите корисници на пензија, гласи во извештајот на ПИОСМ.

Претходно најмало зголемување имало во 2010 кога тоа било 1,4 отсто. Најголемо е во 2008 кога било 21,66 проценти. Во 2018, односно една година пред изминатата, зголемувањето било 3,52 проценти, а во 2017 било само 1,59. Во 2007, првата година од евиденцијата, било 1,69 отсто. За 5 проценти и повеќе имало раст во 2009, 2013, 2014, 2015 и 2016.

Политиката на актуелната власт да се зголеми независноста на Фондот од државата дала резултати. Учеството на државата во финансирањето на структурата на фондот за пензии е намалено од 42,69 на 37,1 проценти. Државата дала 29,5 милијарди денари за пензии, односно 293 милиони денари помалку од 2018. 

Од друга страна, самиот фонд го зголемил своето учество во обезбедувањето на средствата за пензии и собрал за 10,26 проценти повеќе пари од придонесите за пензиско-инвалидско осигурување, односно безмалку 42 милијарди денари. 

Треба и да се каже дека тоа најмногу се должи и на зголемената стапка на пензиско осигурување кај платите од 18,4 проценти.

Лани биле евидентирани 324.039 пензионери, односно 6.761 корисници повеќе од 2018 и примиле пензија во износ од 73,1 милијарди денари, односно 4,5 милијарди повеќе од една година претходно.

Во понеделник напладне Регулаторната комисија за енергетика во Македонија се очекува да ги утврди новите цени на горивата во Македонија.

Според одлуката од минатиот понеделник малопродажна цена на бензинот ЕУРОСУПЕР БС-95 изнесува 60,5 денари за литар, ЕУРОСУПЕР БС-98 и ЕУРОДИЗЕЛ (Д-Е V) се продаваат за 63, односно 52,5 денари за литар.

Доколку се земе движењето на суровата нафта од типот Брент во текот на изминатата недела, не треба да се очекува некоја драматична промена на малопродажните цени на горивата, со оглед дека и тогаш и сега цената на барел од типот Брент според кој се утврдува и македонската цена беше и е околу 43 американски долари.