Дали „најбезбедните банки во светот“ ја губат довербата на клиентите? Поради што се поголем број на луѓе ги подигнуваат своите пари и ги сместуваат во приватни сефови?

Одговорот на ова прашање не е едноставен.

Швајцарските приватни банкари се жалат дека некои од нивните клиенти повлекле голем дел од своите пари од банките за да ги чуваат сами , и покрај фактот дека оваа земја има репутација како најбезбедно и најсигурно место во светот за складирање пари.

Се оценува дека тој потег е последица на петгодишните негативни каматни стапки.

Политиката, чија цел нила да спречи јакнење на швајцарскиот франк, им наложувала на банките да и плаќаат надомест на Швајцарската национална банка, па во некои случаи банките дел од тие дополнителни трошоци ги префрлила на своите најважни клиенти, наведуваат светските медиуми.

Таквата политика се покажала како непопуларна кај клиентие, кои навикнале да заработуваат од каматите на своите депозити, и сега разгледуваат како да ги избегнат плаќањата на тие трошоци.

Норман Виламен, главен директор за инвестиции за приватно банкарство при швајцарската УБП, рекол дека ограничен број клиенти веќе ги повлекле своите пари.

- Банката ги испитува сите опции со клиентите, но банките полека го губат својот избор во обидот да најдат начин да избегнат наплата на големи суми пари - вели Виламен.

Се потсетува дека негативните каматни стапки, кои се појавија во 2015 година во Швајцарија, им отежнале на банките да профитираат од заеми и хипотеки.

Швајцарската инвестициска банка Кредит Свис објави минатата година дека ќе примени негативна каматна стапка од 0,75 проценти за суми во износ поголем од два милиони швајцарски франци (2,1 милиони американски долари). Ова значи дека доколку еден клиент задржи три милиони швајцарски франци (3,1 милиони американски долари) за една година, ќе му бидат наплатени 7.500 швајцарски франци (7.750 долари).

Дури и ако клиентите сакаат да повлечат големи количини на пари, велат тие, треба да излезат со план за складирање и осигурување. Лудвиг Карл, од компанија која изнајмува сефови во Швајцарија и Лихтенштајн, вели дека има поголем интерес за чување на готовина од 2015 година.

Податоците исто така покажуваат дека бројот на банкноти во оптек постојано се зголемува од финансиската криза во 2008 година, со особено зголемување на употребата на 1.000 швајцарски франци банкноти.

Под притисок, Швајцарската народна банка во септември објави дека ќе собере сума што банките можат да ја чуваат без да применат негативни камати, по што Здружението на банкари објави дека „негативните каматни стапки повеќе не ја исполнуваат својата економска цел“.

Европската централна банка, која ги следи негативните каматни стапки во 19 земји што го користат еврото од 2014 година, се соочи и со барања да ги испита негативните последици од таквата политика.

За да бидеш среќен потребно е многу малку. Доволно е само езерцето да биде смрзнато и животните да уживаат. 

И ние имаме лизгалиште, вака оваа видео го опишаа на својот Фејсбук профил од Зоолошката градина. 

А погледнете за што станува збор. 

Новитетите кои се секојдневни мотивираат голем број луѓе, деца, млади и стари да ја посетат Зоолошка, да уживаат и да се едуцираат. 

Иако над 80% од граѓаните користат пластични кеси, дури 73% од нив се подготвени нивната употреба да се ограничи. Вакви резултати дава најновото истражување на јавното кое се потребите на Детектор го спроведе Институтот за политички истражувања Скопје.

Според него, 82,7% од граѓаните велат дека се уште користат пластични кеси кога пазарат во продавниците, додека само 15,7% велат дека ги исфрлиле од употреба.

Сепак, граѓаните покажуваат висока еколошка свест. Дури 72,9% од анкетираните велат дека законски треба да се ограничи користењето на пластика за една употреба додека само 12,9% се против.

Истражувањето на јавното мислење по нарачка на Детектор го спроведе Институтот за политички истражувања Скопје врз репрезентативен примерок од 1105 испитаници во периодот од 8 до 11 јануари годинава со маргина на грешка од плус-минус 3%.

Владата планира недела да биде прогласен за неработен ден за сите, а работниците да се плаќаат по час. Токму работењето прекувремени саати, работа на празници и во недела, се забелешките кои работниците ги изнесувале како проблеми со кои се соочуваат на средбите со претставници од Министерството за труд и социјална политика. Ваквите барања доаѓаат од работниците кои имаат најниски плати во земјава како што се текстилните работници, вработените во супермаркети, трговски центри и градежни работници.

Во Министерството за труд и социјална политика се размислува да се донесе ново законско решение со кое ќе бидат решени овие прашања. Токму тоа вчера го навести вицепремиерката за економски прашања, а поранешна министерка за труд и социјална политика Мила Царовска, на дебата на СДСМ во Штип.

„Недела неработен ден и плаќање по час се новите предизвици на коишто треба да работиме идниот период. За ова ќе мора да дебатираме со бизнис секторот и со синдикатите. Сите заеднички да ја донесеме одлуката што ќе биде најдобра за сите“, рече Царовска.

Истражувањето на здружението на граѓани „Гласен текстилец“ во кое биле опфатени 870 испитаници, покажува дека 70 отсто од нив работат прекувремено, 59,3 отсто работат над 50 часа неделно, а само 11,3 отсто се изјасниле дека не работат на празници и за викенд.

„Вработените во текстилните фабрики, трговските центри, во супермаркети, градежните работници имаат право на одмор еден ден во неделата. Сега тоа не е случај, недела е работен ден за голем број граѓани. Владата мора да донесе политичка одлука, како што направи со зголемување на минималната плата и во Законот за работни односи недела да биде неработен ден и да се најде систем како работниците да се плаќаат по час. Кога веќе се стремиме да станеме членка на Европската унија, треба да носиме и европски закони во кои работниците ќе имаат повеќе права“, вели Кристина Ампева активистка во здружението „Гласен текстилец“.