Најпогодени се работниците кои земаат минимална плата, односно 62 проценти од вработените кои се осигурени на минимална плата, добиле плата во плико.

„FinanceThink” направи анализи во која се прикажува дека 17,8 проценти од работниците во државата, кои имаат формален договор за вработување, добиле плата во плико, односно плата на рака.

Според анализата најпогодени се работниците кои земаат минимална плата, односно 62 проценти од вработените кои се осигурени на минимална плата, добиле плата во плико. Притоа, во просек, платата во плико изнесува скоро исто колку и формалната плата на сметка.

„Ова укажува дека постојат сектори и занимања кај кои постои тенденција договорот за вработување да се склучи на минимална плата, со истовремен формален договор, остатокот од платата да се добива во готовина, се наведува во анализата на „FinanceThink” за квалитетот на живот во 2017 година.

Гледано по занимања, анкетата покажува дека 23,2 проценти од мајсторите во металната, машинската, текстилната и прехранбената струка и 21,5 проценти од вработените во услужните дејности примаат плата во плико. До сличен заклучок се доаѓа и ако платата во плико се набљудува низ призма на секторите на дејствување. Така, платата во плико е најзастапена кај работниците во градежништвото со 28 проценти.

Платата во плико не е карактеристична само за одредена возраст, на вработени, но интересно е тоа што давањето на ваква плата е повеќе застапено кај жените, отколку кај мажите.

Највисоки плати во плико примаат работниците во скопскиот регион, а најмногу плата во плико се исплаќа во Пелагонискиот регион (42 проценти). Висок е и процентот на исплата на плата во плико и во југоисточниот и скопскиот регион.

Платата во плико е плата исплатена во готово врз основа на неформален устен договор меѓу работникот и работодавачот. Со ваквото исплаќање на платата, работодавачите заштедуваат во износот на даноци и социјални придонеси што се плаќаат во државата.

Според „FinanceThink”, решавањето на овој проблем бара долгорочен напор насочен кон градење договор меѓу државата, работодавачите и работниците, а за да се намали и искорени оваа појава потребни се мерки на казнивост и мерки на мотивација и едукација.

Музичката терапија е една од најстарите методи на лекување и се користи во многу древни цивилизации.

Многу оддамна е познато дека со помош на музиката може да предизвикаш радост, да се ублажи болката и дури да излекуваш некои видови на сериозни заболувања.

Во древниот Египет, несоницата била третирана со хорско пеење и ослободување од болка. Докторите на древна Кина, дури испратиле музички мелодии како рецепт, верувајќи дека музиката може да ги излечи сите болести. Големиот математичар и научник Питагора предложил да се користи музика против гнев, бес, заблуди и пасивност на душата. Неговиот следбеник Платон верувал дека музиката ја враќа хармонијата на сите процеси во телото и во универзумот. Авицена ефикасно користел музика за третман на ментално болни луѓе. Музиката може да го зголеми или намали крвниот притисок, може да влијае и на централниот нервен систем, да влијае на длабочината на дишењето, ритамот на срцевите контракции, да влијае позитивно врз депресивни состојби и речиси сите витални процеси.

Т.н. "музичката терапија" успешно се користи за помагање на луѓе дијагностицирани со аутизам.

Покрај тоа, со специјални експерименти, научниците  откриваат и влијание на музиката врз растот на водата и растенијата.

Музиката, како ниеден друг фактор, ни помага да ги надминеме тешкотиите во животот. Музиката може да создаде добро расположение, ја подобрува емоционалната состојба, а исто така и да ве наполни со енергија за целиот ден или да ве опушти на крајот од работниот ден. Во утринските часови, интуитивно луѓето претпочитаат да слушаат рекреативни и ритмички мотиви кои конечно ќе ги натераат да се разбудат и да се спремат за секојдневните задачи.

Бавните мелодии се посоодветни за вечерта, придонесувајќи за релаксација, одмор и балансирање. Опуштената музика пред спиење е одличен лек за несоница.

Добро е познато дека музиката на Моцарт помага да се намали стресот и да се контролираат емоциите. Лично, Шопен е многу релаксирачки. Откријте кои се вашите класици и искористете ја моќта на класичната музика за да се релаксирате.

Работата исто така знае многупати да биде стресна. Зависно од вашата професија и вие можеби се соочувате со стресна околина, па затоа кога и да имате можност пуштете си ја омилената музика и олабавете се.

Со агресивна кампања и теренска вакцинација ќе се надминува епидемијата од морбили во земјава.

Ова денеска го кажа министерот за образование Арбр Адеми.

Министерството за образование заедно со министерството за здравство и со усогласување со законот, најавуваат дека, утре, петок ќе се започне со вакцинирање на терен. Оваа најава на Адеми, доаѓа по вчерашната најава на министерот за здравство Венко Филипче дека нема да се примаат невакцинирани деца ниту во училиштата.

Според Адеми агресивната кампања за теренска вакцинација ќе ги даде очекуваните резултати и дека ќе помогне во надминувањето на епидемијата на ситни сипаници во земјава. 

Зошто не сте биле поканети за вториот круг

Побарувањата за работа се полни со фрустрации, но ништо не е по досадно од постојано заглавување на истата точка во процесот на интервју. Без разлика дали имате проблем да го свртите вниманието на менаџерот за вработување на прво место, или потешкотии да се истакнете и да ја добиете понудата.

Може да биде уште поголем предизвик кога не сте избрани за второ интервју, иако мислевте дека сте дале сe од себе.

Но, пред да размислите за можните погрешни чекори, важно е да се знае дека има многу причини зошто можеби не добиле второ интервју кое нема никаква врска со вас. Некои од тие причини се:

• Потребите на работодавачот можеби се промениле;
• Можеби не сте вие кадарот што тие очекуваа;
• Менаџерот за вработување можеби тајно има некој друг во умот;

Но, тоа што вие самите може да го го контролирате и да го имате на ум за успешно да поминете на првото интервју е пред се да бидете искрени. Секогаш кажувајте ја вистинската приказна за вас, секогаш пратете белешка за благодарност откако ќе ви заврши интерјуто, следете ги насоките на инструкторот, немојте да бидете премногу напорни, напишете ги во вашето CV само тие странски јазици кои вистински ги знаете.

И секогаш имајте го ова на ум, без разлика како сте поминале на интервју, заблагодарете им се за своето време и продолжете понатаму.