Доколку правите свадба ви следуваат три слободни денови, а доколку сте станале татко, тогаш добивате два дена според закон. Како што пишува Правдико, работникот има право на надоместок на платата за целото време на отсуство во случаите и во траење определени со закон, како и во случаите кога не работи од причини на страната на работодавачот. 

Работникот има право на платен одмор заради склучување на брак, раѓање на дете, што се однесува на таткото, или смрт на близок роднина, до седум работни дена.

Ова е табелата за според општиот колективен договор.

– за склучување на брак…………………………….. 3 дена

– за склучување брак на дете……………………… 2 дена

– за раѓање или посвојвуање дете……………….. 2 дена

– за смрт на сопружник или дете………………… 5 дена

– за смрт на родител, брат, сестра……………….2 дена

– за смрт на родител на сопружник…………….. 2 дена

– за смрт на дедо или баба…………………………… 1 ден

– за полагање на стручен или друг испит за потребите на работодавачот до.…………… 3 дена

– за елементарни непогоди до……………………. 3 дена

Исто така, работникот има право на отсуство од работа со надоместок на плата за празниците на Република  Македонија,  кои  што се определени  како слободни денови од работа и за другите со закон определени слободни денови. Ова право на работникот може да му се ограничи, ако работниот, односно производниот процес се одвива непрекинато или природата на работата бара вршење на работата и на празничен ден. Во тој случај работодавачот е должен за секое воведување на работа на државен празник претходно писмено да го извести подрачниот државен инспектор на трудот.  Работникот има право на отсуство од работа со надоместок на плата во случаи на времена неспособност за работа поради заболување или повреда и во други случаи во согласност со прописите на здравственото осигурување. 

Право на отсуство од работа со надоместок на плата има работникот заради вршење на непрофесионална функција, на која бил избран на непосредни државни избори, функции, односно должности на кои е именуван од страна на судот, како и работникот кој е повикан на должноста воен обврзник, како и на изведување на одбранбени должности и должностите на заштита и спасување, освен служење на воениот рок, или е без вина повикуван од управни или судски органи (државни советници, членови на општински совети, советници на општини, судии-поротници, судски вештаци, проценители, преведувачи, воени обврзници и друго), на товар на органот или установата каде што ја врши функцијата, односно каде што ја извршува обврската од посебен закон, пишува Правдико.

Работникот кој доброволно дава крв има право на отсуство од работа на два последователни работни дена за секое давање крв, а слободни денови следуваат и за работници кои се школуваат.

Повеќе од еден милион Европејци преку онлајн анкета се изјасниле дека не се за да се менува времето, односно повеќе да нема летно и зимско сметање на времето во Европа.

Европската онлајн анкета за евентуално укинување на практиката на поместување на стрелките на часовникот нанапред, во текот на летното сметање на времето, предизвика голем интерес. Дали промената на сметањето на времето ќе се случи уште оваа есен, ќе се знае наскоро и ќе зависи од одлуката на Европскиот парламент каде што и беше покренато прашањето за укунување на директивата на Европска комисија за поместување на стрелките на часовникот двапати годишно.

Според претставници на ЕУ, во момонтов се на средина на испитувањето, а само во првите три дена се регистрирале повеќе од 500.000 лица. Оваа анкета се смета за најобемна во историјата на ЕУ

Социолошкото испитување, кое почна во јули, а ќе трае до 16 август, ги прашува европските граѓани дали претпочитаат укинување на летното сметање на времето и дали преферираат лето или зима за менување на времето.

Врз основа на резултатите, но и наодите од другите анкети, ЕК сака да донесе одлука за предлогот за укинување летното сметање на времето.

Европскиот парламент, како и неколку земји членки, ја замолија Комисијата да ја преиспита сегашната практика за поместување на стрелките на часовниците на пролет и на есен, и да процени дали таа треба да биде променета.

Неофицијално повеќе од 80% од луѓето се за укинување на зимското сметање на времето. И претседателот на Европската комисија, Жан-Клод Јункер, изјави дека ЕУ планира да го укине преминувањето од летно на зимско сметање на времето. Ова следува откако анкета во ЕУ покажала дека повеќето луѓе се за укинување на промената.

Ако преовлада мислењето на мнозинството, предлогот ќе биде упатен до Европската комисија, највисокото извршно тело на ЕУ, која треба да се согласи со мерката и да предложи закон за укинување на мерката за заштеда на време. Европскиот парламент и 28 земји-членки на Унијата, исто така, ќе треба да ја одобрат мерката.

Ако така одлучи ЕУ, Македонија иако се уште не е земја на ЕУ, како кандидат за влез во Унијата исто така ќе го укине зимското сметање на времето.

Од Македонската Владата сметаат дека така е логично, бидејќи укинувањето на летното и зимското сметање на времето во Македонија би било дел од интегративните

процеси на земјава во приближувањето на целокупното законодавство кон европското

За нив стратешки интерес на РМ е членство во ЕУ, така што во рамките на интегративните процеси ќе се прави усогласување со сите активности и одлуки кои ќе бидат донесени од земјите членки на ЕУ во претстојниот период.

Македонските бизнисмени сметаат дека и ние треба да ја следиме ЕУ

Македонските бизнисмени веќе повеќе пати досега се изјаснија дека е логично одлуката да се примени и кај нас зашто ЕУ е нашиот најголем трговски партнер и над 70 отсто од извозот е насочен на европскиот пазар. Од најголемата комора во земјава, Стопанска комора на Македонија потенцираат дека ако ЕУ го укине досегашното сметање на времето тогаш би требало да се размислува во тој правец и кај нас.

Во Милано отворен е првиот Старбакс во Италија.

Неодамна сопственикот на Старбакс изјави дека за нив е голема одговорност отворањето Старбакс во „земјата на кафето“, а ентериерот на барот укажува дека веројатно се обиделе да бидат дораснати на предизвикот.

Во средината на барот поставена е голема машина за печење на кафе околу која посетителите може да се движат и да го гледаат целиот процес.

Мозаикот на подот е рачно изработена во паладијски стил, историска техника посебна за Северна Италија и рачно реден од страна на локалните мајстори. Еден од типовите мермер во мозаикот се нарекува Кондоља – се вадел од каменолом и бил користен во изработката и реставрацијата на Дуомото и зградите на плоштадот.

За прв пат Старбакс користи мермер на шанковите, за да наликуваат на локалните италијански барови.

Паоло Гадалето, претседател на Италијанскиот национален институт за еспресо, рече:

“Навистина сме среќни што во Италија доаѓа голема компанија. Сепак сметаме дека кафето кое го служи не е како италијански еспресо, но сепак е кафе кое има добар вкус”.

Македонија треба да ја усогласи законската регулатива со ЕУ директивите и до крајот на 2019 година да има нов закон. Усогласувањето ќе подразбира и спојување на зелената карта со полисата за автоодговорност, каде пак, исто така, се најавуваат промени во делот на цената, односно либерализација на цената за полисата за автоодговорност. 

Ова го најавува претседателот на Советот на експерти на Агенцијата за супервизија на осигурувањето Климе Попоски во интервју за МИА.

Во периодот што доаѓа имаме неколку предизвици во делот на регулативата пред се заради усогласување со ЕУ регулативата. Таа е една револуционерна регулатива бидејќи се зголемуваат барањата на друштвата за осигурување во делот на поефикасно управување со ризиците, се зголемува нивото на потребен капитал, зголемено е и нивото на транспарентноста и зајакнато е пред се корпоративното управување. Веќе имаме нова регулатива во нацрт верзија и треба да отпочнеме дијалог со индустријата и заеднички да се подготвиме околу нејзиното целосно транспонирање преку нов закон за осигурување. Согласно националната програма за усогласување со европското законодавство предвидено е до крај на 2019 година веќе новиот закон да добие светло, вели Попоски.

Додава дека она што треба да се направи при усогласувањето со европската регулатива е зелената карта да не биде повеќе посебна полиса и посебна премија, туку да биде дел од полисата за автоодговорност која секое возило треба да ја има при годишната регистрација на самото возила.

Тој истакна дека она што треба да се направи, исто така е да се либерализира пазарот во сегментот на слободно формирање на цената за автоодговорност од страна на друштвата за осигурување.

Македонија има регулирани цени за задолжителното осигурување и исто така е една од ретките држави која има политика на одделна полиса и цена за зелена карта и поради тоа постои забуна  во јавноста околу концептот со зелена карта. Во земјите од ЕУ, меѓутоа во Србија, Црна Гора, БиХ, само не Албанија и Косово, зелената карта не претставува посебна полиса, туку таа е вклучена во цената на полисата на автоодговорност што се купува при регистрација на возилото. При тоа во овие земји се плаќа доплаток од пет до 20 евра за печатење на зелената карта, а не е тоа премија за зелена карта. Затоа во овие земји цената за автоодговорност е на повисоко ниво отколку во Македонија. Пример во Црна Гора е 125 евра, а кај нас 80 евра за патнички возила, но кога ќе се додаде и зелената карта тоа на некој начин ќе се доближи, појасни Попоски.

За тоа дали би се променила цената кога би се либерализирал пазарот, тој вели дека искуството од земјите што поминале како Хрватска, Бугарија, Романија и Албанија просечната цена имаше тренд на намалување, кој траеше и до пет години, но тогаш се констатира дека компаниите не можат редовно да ги сервисираат штетите предизвикани од сообраќајни нереќи и немаа доволно капитал да ги покријат штетите. Потоа, додава, Попоски, компаниите мораа да е докапитализираат и на таа смкетка мораа да ги корегираат цените нагоре. На пример во Бугарија за 30 проценти се зголемени цените оваа година во споредба со лани.

Тој потенцира дека засега не се знае каков концепт ќе се примени, но може да се направи, како што вели, и да нема голема промена на цениоте. Тоа зголемување може да биде неколку проценти поени или може да биде за возила со мала кубикажа да има минимален пораст, додека кај другите возила со поголема кубикажа да има повисока цена. За моделот не може да се каже во моменот, тоа ќе го понуди Владата по направени анализи.

Попоски истакнува дека нема временска рамка тоа кога би се случило, но оти тие како регулатор и самата индустрија се подготвени.

Според него, за да се случи сето ова треба да се решат неколку работи, а тоа е нула толеранција на неосигурани возила, потоа да се реши проблемот со доцнењето во обновувањето на полисите за автоодговорност, проблемот во делот на исплата на штета кога за ист вид повреда икма раслична судска пракса. Со ваквото регулирање, смета Попоски, на некој начин со друштвата ќе може да се најде заеднички интерес за спојувањето на зелената карта со автоодговорноста и да не биде со зголемување кое нема да биде на задоволство на граѓаните.

Став на Агенцијата е дека прво може да настане спојување на зелената карта со автоодговорноста, а потоа да се пристапи кон либерализација. Нашите анализи покажуваат дека  целата постапка би се извела во период од две години, но откако ќе се донесе одлуката, вели претседателот на Советот на експерти на Агенцијата за супервизија на осигурувањето Климе Попоски.