Законот за сметководство на непрофитните организации ги пропишува сметководствените принципи и правила, како и основните финансиски информации по кои известуваат граѓанските организации.  15 години по неговото донесување и функционирање утврдена е потребата од измени и во Законот и во подзаконските акти.

Ова го покажува Анализата на Законот за сметководство на непрофитните организации изработена од Центарот за даночна политика (ЦДП) во рамки на проектот „Промени за одржливост“, финансиран од Европската унија, а спроведуван од Конект во партнерство со Фондација Аполонија и ЦДП. Анализата претставува основа за законски измени што ги бара Мрежата за финансиска одржливост на граѓанските организации која брои 79 членки. Препораките во анализата се подлога за започнување на дијалог со институциите за менување на Законот. Анализата е испратена до институциите за да им користи при дефинирањето на идните измени на Законот.

Дел од препораките за  законските и подзаконските измени се:

• усогласување на Законот со Правилникот за сметководството на непрофитните организации;
• редефинирање или донесување на нов правилник за формата и содржината на Сметковниот план;
• дополнување и промени во Сметковниот план;
• укинување на обврската за годишна ревалоризација на долгорочните средства;
• во насока на зголемување на транспарентноста на финансиските извештаи, покрај извештајот, се препорачува доставување и на наративен дел и белешки со објаснување;
• прецизно дефинирање на критериумите за утврдување на „микро“ непрофитни организации кои што не се обврзани да поднесуваат завршна сметка;
• пропишување на критериуми за утврдување на големи непрофитни организации и обврска за ревизија на нивните финансиски извештаи, итн.

Според анализата, ефикасноста на финансиските и на даночните контроли би се зголемила со подобрување на транспарентноста којашто е од клучно значење за привлекување на нови фондови и извори за финансирање. Преку зголемување на транспарентноста се подига довербата во мисијата и остварените резултати, а со тоа организацијата го зголемува својот капацитет за апсорбирање на нови финансиски средства. Дополнително ова е во согласност со насоките за поддршка на ЕУ на граѓанското општество во земјите од процесот на проширување 2014-2020.

Во рамки на Анализата беше спроведена и анкета помеѓу испитаници од 70 различни  граѓански организации преку која се овозможи идентификување на потенцијалните недостатоци и делови кои создаваат конфузија во примената на Законот.

Ова е прва Анализа на Законот за сметководство на непрофитните организации донесен 2003 година и поттикнува инволвирање и на други учесници за постигнување на подобра правна рамка.

Новиот закон предвидува закупците на тезги да плаќаат 540 денари за здравствено, а 1.500 денари за пензиско осигурување.

Плаќањето на социјалното осигурување ќе биде задолжително, како за пензиско и инвалидско осигурување, така и за здравствено осигурување. Тие ќе се тарифираат по тарифата на индивидуалните земјоделци, како што сега плаќаат тие, а тоа е најниската тарифа, објаснува Златко Шекеров, претседател на Комора на трговци на тезги на зелени пазари.

Од Комората велат дека предлогот е широко прифатен меѓу пазарџиите. Очекувањата се дека ќе се создаде поголем ред на пазарите и ќе се потисне нелојалната конкуренција и сивата економија. Како што информираат, во некои градови во земјава, дури половина од продажбата се реализира надвор од зелените пазари, што сериозно придонесува за намалување на бројот на закупувачи на тезги.

Министерката за труд и социјална политика, Мила Царовска, на Денот на рударите од Македонска Каменица најави дека од следната година ќе се донесат законски измени  за намалување на старосната граница за пензионирање на рударите. Имено, мажите ќе можат да одат во пензија со навршување на 40 години работен стаж, а жените со 35.

- Не да чекаме да поминат 3 години за да им дадеме една година плус, туку, за секоја година ќе се пресметува бенефицираниот стаж и кога ќе го наполнат потребниот работен стаж за пензионирање, тие ќе се пензионираат.

Доколку Владата го донесе Законското решение, во рудникот за олово и цинк „Саса“ од Македонска Каменица, условите за одење по пензија од 1-ви јануари идната година ги исполнуваат 40 рудари, а заедно со  останатите рудници бројката не е поголема од 130 лица.

- Тоа не е оптоварување на пензискиот фонд, и мислам дека од тоа отстапка нема. Министерката вети и сигурно ќе се исполни.

Во однос на висината на платите, првиот синдикалец на „МЕСО“ вели дека, после протестите добиле линеарно покачување од 5 500 денари, но смета дека просечната плата од 650 евра не е доволна младите луѓе да се  определат за оваа исклучително тешка професија.

- Со покачување на плата во иднина, барем да стигне до некои 1000 евра, јас мислам дека ќе има доволен број на рудари и во рудник „Саса“ и во останатите рудници во Македонија- додаде Насковски

За најдобар рудар беше избран Душко Тодоровски, машинист на тролеј локомотива, за кој приоритет е безбедноста и здравјето на рударите.

- Во „Саса„ сум редовно 28 години, без бенефиции. Со бенефициран стаж имам 38 и пол години.

Поради несреќата во рудникот „Тораница“, каде пред 4 дена загина рудар под одрон на камења во ископна јама,  Пробиштип и Крива Паланка годинава ја откажаа свеченоста по повод „Денот на рударите“, 28 август.

За одреден дел од вработените во приватниот сектор, а особено во малите фирми вчерашниот ден беше работен како и сите други бидејќи од нив е побарано да бидат на своите работни места.

Всушност, истото се случува и за време на останатите државни празници кои се прогласени за неработни денови според закон.

Во случај работодавачот да наложи за време на празник да бидете на работа, должен е тоа да го пријави во Трудова инспекција, а вам да ви исплати празнична дневница.

Законот предвидува дека за работа во денови на празници и неработни денови утврдени со закон, работникот има право на надомест на платата што му припаѓа кога во тие денови не работи и платата за поминати часови на работа, зголемена за 50 отсто.

Ако при контрола од страна на трудовиот инспекторат е утврдено дека ваква дневница не била исплатена тогаш следи казна за работодавачот која може да биде во висина од 3.000 до 4.000 евра.

Тагови: работнички права празнична дневница