Компанијата Виз ер која е актуелна поради тоа што суспендира дестинации од аеродромите во Макеоднија откако Министерството за транспорт и врски ја прекина постапката за доделување финансиска поддршка за авиопревозници на која тие беа единствен понудувач достави одговори на прашањата кои Фактор ги испрати во петокот. Прашавме дали ќе се пријават на новиот оглас на Министерството за транспорт и врски, дали ќе летаат на сите дестинации и како го коменираат прекинот на постапката. Во одговорот нема конкретни одговори, но тврдат дека се псоветени на постојано проширување на својата мрежа со ниски цени и создавање на повеќе достапни туристички патувања од аеродромите в Скопје и Охрид.

Во последните 7 години, кога прв пат почнавме да работиме во Македонија, па се до денес Wizz Air е водечка авиокомпанија во државата. Компанијата со постојано инвестирање во локалните операции и со обезбедување на поволни можности за патниците ја стекна довербата и лојалноста на повеќе од 4,6 милиони патници, транспортирани од 2011 година од целата земја. Нашата македонска флота во Скопје се состои од 2 Airbus 321 и 2 Airbus A320, што значи инвестиција од над 430 милиони долари. Оваа година локалниот тим на WIZZ во Македонија порасна на повеќе од 140 локални членови и според индустриските стандарди, операциите на WIZZ отворија повеќе од 900 индиректни работни места во 2017 година, стои во одговорот.

Додаваат дека Wizz Air ја нагласува својата посветеност на македонските корисници преку постојано проширување на својата мрежа со ниски цени и создавање на повеќе достапни туристички патувања од аеродромите во Скопје и Охрид. 

„Wizz Air во моментов нуди 30 рути до 14 земји со капацитет од 1,6 милиони седишта, остварени во продажба во 2018 година, што претставува раст од 23% во споредба со 2017 година. Оваа година авиокомпанијата го зголеми капацитетот на своите седишта со замена на 2 Airbus A320 авиони од локалната флота со два нови Airbus A321 и најави една нова рута од Охрид до Виена, која започнува во ноември.”, стои во одговорот.

Нови моменти околу работата на „Виз ер“, во Македонија ја нишаат идната активност на оваа унгарска нискобуџетна компанија во земјава. Инаку станува збор за водечки авиопревозник во Македонија, кој во текот на минатата година превезе 1,2 милиони патници на ниско-буџетните македонски авиолинии. Тоа беше пораст од 20 отсто на годишно ниво. Во таа година всушност с еслучи и своевидна експанзија на „Виз ер“ кога авиокомпанијата ја прошири скопската флота на четири авиони и воведе четири нови авиолинии од главниот град на Македонија до Будимпешта, Малта, Рим и Ваксјо.

Според нивните планови за годинава „Виз ер“ требаше да превезе 1,6 милиони патници или да порасне за 23 отсто во однос на 2017 година. Сепак тоа најверојатно нема да се случи со оглед на тао што, веќе е јасно, компаниајта суспендира две дестинации. Како што веќе објавивме „Виз ер“ ја суспендира продажбата на билетите за две дестинации од Македонија, само осум дена откако Министерството за транспорт и врски ја прекина постапката за избор на авиокомпанија за субвенционирање, а на кој единствен понудувач беше оваа унгарска нискобуџетна компанија. Имено од денеска не може да се закажува лет од Скопје до Барселона, подоцна од 26 октомври годинава и од Охрид до Лондон ако се закажува за после 24 октомври. 

До 15. септември 2018 година, Снабдување со топлина Балкан Енерџи нуди можност за бесплатно приклучување во системот за топлинска енергија, продолжувајќи ја акцијата за бесплатен приклучок од претходните грејни сезони.

Акцијата за приклучување ќе биде спроведена по принципот „прв пријавен, прв услужен“, а ќе важи за сите заинтересирани корисници кои имаат техничка можност, но не се приклучени на системот за толинска енергија. Во минатогодишната акција од сличен карактер, можноста за бесплатно приклучување ја искористија близу 3000 корисници. Со новото намалување на цената на топлинската енергија за новата грејна сезона 2018/2019 од 3,1 отсто, се очекува интересот за приклучување на системот на централно греење со топлинска енергија да се зголеми.

За да ја искористат можноста за бесплатно приклучување, заинтересираните потрошувачи треба што поскоро, а најдоцна до 15-ти септември, да поднесат писмено барање за приклучување во некој од наплатните центри на Снабдување со топлина Балкан енерџи. За да се информираат за постапката за приклучување, потрошувачите можат да се јават во Центарот за грижа за потрошувачи на БЕГ, на телефонскиот број 02/3076-200.

Релеватните показатели говорат дека користењето на топлинската енергија од системот за централно греење нуди најголем конфор за корисниците и истовремено значително е поисплатливо од другите начини на греење. Благодарение на континуираните вложувања кои значително ја зголемија ефикасноста и заштедите во системот, цената на топлинската енергија за корисниците на БЕГ, во периодот од 2013-та, од кога БЕГ ги поседува лиценците за производство, дистрибуција и снабдување со толинска енергија, до денеска, вкупно е намалена од 33% до 66%, во зависност од категоријата на потрошувачи. Заинтересираните граѓани можат и лично да се уверат во исплатливноста и предностите на овој систем преку калкулаторот за потрoшувачка на топлинска енергија, поставен на интернет страницата наСнабдување со топлина Балкан Енерџи (www.beg-snabduvanje.com.mk) кој овозможува секој потрошувач да направи индикативна пресметка и споредба на трошоците за греење на иста загревна површина при користење различни начини за греење.

Покрај индивидуалните придобивки за корисниците, со приклучување на што поголем број потрошувачи кон системот за централно греење се придонесува и за намалување на загадувањето на воздухот во градот Скопје, особено изразено за време на грејната сезона, бидејќи централниот градски систем за греење користи природен гас како гориво, задоволувајќи ги највисоките еколошки стандарди.

Поволностите од оваа акција важат само во објектите кои се приклучени на централниот систем за греење и каде има техничка можност за приклучување на потрошувачите. Секоја дополнителна интевренција во мрежата и инсталацијата во објектот на корисниците ќе се наплатува согласно ценовникот на БЕГ. По 15-ти септември, а заклучно со 30-ти септември, за повторното приклучување корисниците ќе плаќаат 50% од предвидените трошоци за оваа услуга, а од 1-ви октомври, повторното приклучување ќе се наплаќа во целост, согласно важечкиот ценовник.

Граѓаните ќе треба да ги правдаат и докажуваат и парите кои ги добиваат од роднините во странство поради новите измени со кои Управата за јавни приходи ќе добие слободен пристап до банкарските податоци. Ваквите приходи не припаѓаат на системот на оданочување.

Проблематични ќе бидат средствата од родителите према децата што работат во странство. Или некои такви средства кои не припаѓаат на системот на оданочување. Луѓето ќе треба да ги докажуваат, дека тие приходи всушност се приходи од нивни блиски роднини кои се дадени како поклон. Тоа важи исклучиво за прво колено, сето останато се даночи, вели економистот Горан Рафајловски.

Граѓаните ќе ја добиваат Годишната даночна пријава од УЈП која ќе можат во целост да ја отфрлат, прифатат или да спорат одредени приходи кои сметаат дека не треба да бидат оданочени.

Рафајловски смета дека Управата била принудена да ги направи овие законски измени.

- Проблемот се јави во оној момент кога УЈП се реши сама да ја прави даночната пријава на граѓаните. Кога си ја постави таа цел мораше да направи некаква законска измена за да ги добие сите приходи и приливи што може вас да ви стасаат на една сметка, која што понатаму ќе ве оданочат, вели Рафајловски.

Засега не е познато колку вработени во Управата ќе имаат пристап до податоците на граѓаните, но од УЈП уверуваат дека податоците се сигурни. Оттаму појаснуваат дека од банките и досега добивале податоци, но во хартиена форма.

Податоците до УЈП најверојатно ќе се доставуваат на месечна основа. Оттаму велат оти се свесни дека може да се појави проблем со приходите од странство, бидејќи потребните податоци за приходите од земјава Управата ги добива и од исплатувачите.

Македонската асоцијација на банки остро се спортиставува на овие измени, бидејќи сметаат дека со ова се навлегува во приватноста на граѓаните и заштитата на личните податоци, а со тоа се губи правниот термин „банкарска тајна".

Увид во трансакциските сметки на клиентот претставува директна повреда на неговата приватност, навики, начин на живеење, со што може да се направи непоправлива штета доколку податоците бидат доставени до трети неовластени лица или бидат објавени во јавност. Ова може негативно да влијае на довербата на граѓаните во банките, која макотрпно се гради последниве 20-тина години - велат од Македонската асоцијација на банки.

Банкарите бараат јавна расправа за да се разгледаат сите опасности кои може да ги донесе овој закон, а ако законот помине, тогаш ќе мора прецизно да се дефинира кои податоци, и во кој обем и рок ќе се разменуваат, како и начинот на чување, но и на нивно уништување.

Со измените се предвидува увид во банкарските сметки да добие и Царинската управа, но со поднесување на писмено барање до банките. На тој начин ќе се овозможи Царината да врши присилна наплата на царинските давачки.