Единечното пакување на цигарите има форма на квадар со рамни или заоблени ивици и содржи најмалку 20 цигари, ова стои во најновиот нацрт закон за тутун, производи од тутун и сродни производи, пренесува Фактор. 

На пазарот до сега дел од кутиите цигари имаат по 19 цигари на број. Законот беше предложен уште лани, на текстот имаше коментари и забелешки, но и покрај тоа што беше објавена изменета верзија, се уште не го помина владиниот филтер.

Се забранува пуштање во промет на пакувањата на цигари кои немаат форма на квадар, кои содржат помалку од 20 цигари, со исклучок на пакувањата на цигари кои што се наменети за извоз, стои во нацрт законот.

Во продавниците каде има и цигари, се разбира пушачите тоа добро го знаат, дел од кутиите се со по 19 цигари внатре. Тоа впрочем се тие кои се пакуваат овде во Македонија.

Според одредбите, единечното пакување на цигари се состои од картон или мек материјал и не треба да има отвор кој ќе може повторно да се затвори или повторно да се залепи откако е еднаш отворено, освен капакот со преклоп (флип-топ) и капаците со преклопување.

Остануваат одредбите  дека на кутијата јасно треба да е наведено за каков производ станува збор, и колку содржи катран, никотин и јаглероден моноксид. Ако тоа не е наведено производот не смее да биде пуштен во продажба.

Исто така, не смее да се продаваат цигари кои содржат ознаки, зборови или изрази што упатуваат или сугерираат на тоа дека тој вид на приоизвод е помалку штетен па на кутијата е наведено дека е на пример Lowtar, light, mild, ultra light, односно малку катран, лесен, благ, ултра лесен и други слични ознаки.

Производот не смее да има ознаки кои ќе укажуваат на тоа дека има витализирачки, енергетски, исцелителски, подмладувачки, природни и органски својства. Не треба да личи на на храна или козметички производ и не смее да укажува на тоа дека одреден производ од тутун има подобрена биоразградливост или други еколошки предности.

Според законот, на единечното пакување на производите од тутун за пушење се ставаат општо и комбинирано здравствено предупредување. Општите се дека пушењето убива / пушењето може да убие или пушењето е штетно за вас и за луѓето околу вас.

Тагови: казни цигари

Телекомуникациската компанија Vip со гордост ја објавува соработката со Сојузот на извидниците на Македонија и ја најавува поддршката за 12 –та македонска извидничка смотракоја ќе се одржи од 14 до 22 јули во охридското село Скребатно.

На овој  извиднички настан од интернационални размери што се одржува на секои пет години, Vip се приклучува како компанија која секогаш безрезервно ги поддржува младите и нивните афинитети за стекнување нови вештини, за дружење и авантури на отворено, надвор од урбаните средини. Во рамките на настанот, покрај 100 таканаречени работилници во кои извидниците ќе имаат можност да ги испробаат и надградат своите вештини, вработени – волонтери од Вип, со особено задоволство ја прифатија поканата за одржување работилници за најмладите скаути на тема “Безбедно користење на интернет” и предавање за развојот на најнапредните дигитални технологии кои претставуваат секојдневие на младите луѓе.

Самата локација и теренот нудат голем број на можности за извиднички авантури и забава. Планинскиот терен и околината на селото нудат прекрасно окружување за копнените активности кои се дел од програмата, како планинарење, хајк, качување по карпа, потрага по богатство, додека непосредната близина на кампот до Охридското Езеро овозможува реализација на доста водени активности како, пливање, нуркање, едрење, рафтинг и многу други, но секако и можност за запознавање на извидниците со убавините кои ги нуди Охридскиот регион.

На смотрата учество ќе земат над 1.200 извидници од Македонија и од 15 други земји: Белгија, Босна и Херцеговина, Бугарија, Германија, Израел, Молдавија, Русија, Словачка, Словенија, Србија, Украина, Франција, Хрватска, Црна Гора и Чешка.

Здружение на медицинските сестри, техничари, акушерки и стоматолошки сестри (ЗМСТА – ЗА НАС) му испратија известување до министерот за здравство Венко Филипче.дека се преморени и дека имаат само 10 дена годишен одмор во годината.

Медицинските сестри и другиот медицински персонал од тоа ниво во моментот се револтирани од односот на институциите во кои работат, оти  работат со само еден слободен ден во неделата, може да земат само минимален годишен одмор од 10 дена, а честопати се и повикувани да го прекинат и да се вратат на работа.

Медицинските сестри периодов се соочуваат со приморано користење на минимално законско ниво од 10 дена годишен одмор поради недостатокот на персонал во институциите. Работат дежурства и во смени со само еден ден слободен. Вишокот работни часови и работата во дежурства не се дефинирани дали ќе бидат исплатени по основ на дежурства, на ноќна работа или пак преку слободни денови за кои не се знае дали ќе може да ги искористат поради дефицитот. Голем дел од медицинските сестро се повикуваат да ги прекинат и веќе започнатите годишни одмори и да се вратат на работа, велат од здружението, појаснувајќи дека  покрај малите плати и недоволно вреднуваниот труд, сега овој медицински персонал е дополнително оштетен поради случајот со годишните одмори.

Безмалку 315 милиони долари пратиле работници во земјава како лични дознаки од странство во цела 2017 година. Според податоци на Светската банка оваа сума е за 25 милиони долари поголема од таа во 2016 година кога во земјава по тој основ влегле 290 милиони долари. Но ланската сума секако е пониска од рекордот во 2011 година кога како лични дознаки се водат 434 милиони долари. Од тогаш наваму трендот беше надолен се до 2017 кога има зголемување на сумата.

Пари се за преживување, за туркање на месецот, многу ретко за некоја инвестиција, за старт на нов бизнис. Нашинците кои работат во странство на своите семејства речиси на месечна основа им праќаат пари назад. Сепак се тврди дека сумата која официјално е прикажана е доста помала од реалната оти голем дел од парите се префрлуваат овде по неофицијални канали. Тоа значи дека ги носат со себе кога се враќаат или ги праќаат по роднини.

Ако се анализираат само податоците од Светска банка, по години, од 2002 до 2008 година има постојан раст на сумата која се води како дознаки од странство. Во 2002 година по тој основ во земјава влегле 106 милиони евра, додека во 2008 година се над 406 милиони евра. Следните две години вкупната сума е пониска, но во 2011 година личните дознаки стасуваат до рекордните 434 милиони евра

Од таа година навака сепак е евидентиран пад и тоа драстичен, затоа што во 2016 година сумата се спиштила до ниво од 2006 година. Познавачите велат дека тоа се годините на кризата, па разбирливо и помалку пари стасуваа во земјава и од нашинците. Тоа сепак не коинцидира со податокот дека се повеќе луѓе се исселиле од државата во последните години. Упатува дека надвор се по цели семејства па и практично нема потреба од испраќање пари назад.

Инаку статистика за личните трансфери води и Народната банка. Според податоци оттаму лани, трансферите од работници изнесуваат 198 милиони долари. Годинава по тој основ приливот во земјава за три месеци е  38 милиони долари.