Од вчера важи забраната за плаќање со кеш на стоки и услуги во износ поголем од 2.000 евра.

Оваа одредба предвидена во новиот Закон за спречување на перење пари кој влегува во сила в сабота треба да го намали работењето со пари во готово, што е детектирано како еден од вентилите за сива економија. Со стариот закон, лимит за готовински плаќања беше 15.000 евра.

Новиот закон предвидува уште поголемо затегнување на готовинските плаќања. Интенцијата, како што објаснуваат даночните експерти, е без картичка да можеш да купиш само нешто ситно.

Законот предвидува од први јануари догодина, ограничувањето од 2.000 евра да се спушти на 1.000 евра. А по половина година, од први јуни 2019, забраната за плаќање со готовина на стоки и услуги ќе се однесува на готовински плаќања, во износ од 500 евра во вид на една или повеќе очигледно поврзани трансакции што не се извршени преку банка, штедилница или преку сметка во друга институција која дава платежни услуги, вели законот.  

Од вчера се укина забраната за продажба на алкохол по 19 часот.

Собранието пред десетина дена ги изгласа измените на Законот за трговија, на предлог на Владата. Со измените се дозволува продажба на алкохол во киосците, но останува забраната за бензинските пумпи како и забраната за продажба на алкохол на лица помлади од 18 години.

Средното училиште „Јунг Пинг“ во Тајван прво во светот нуди настава за професионално играње игри. Станува збор за средно училиште во кое има насоки и за автомеханичари, кувари, графички дизајнери и туристички работници. 

На насоката за игри ќе се запишат стотина ученици во септември оваа година, но сите тие треба да се изберат уште една од постоечките насоки. Покрај тоа што ќе го гледа успехот од основното училиште, упправата ќе посвети внимание и на интервјуата со кандидатите и на нивните квалификации со цел да се уверат дека способноста на кандидатите кога станува збор за игри е навистина одлична.

Меѓу вработените во училиштето има „пензионирани“ е-спортисти, кои во моментов предводат гејминг тим надвор од наставата, но од септември веќе тоа ќе влезе во наставата.

Се разбира, учениците од септември нема само да играат игри. Бидејќи станува збор за приватно училиште, тоа има слобода да избере предмети кои ќе ја сочинуваат програмата. Така учениците ќе имаат часови каде што ќе научат како да состават или поправат компјутер, како различни компоненти влијаат на ефикасноста, ќе ја изучуваат историјата на компјутерските игри и основите на односите со јавноста и маркетингот.

Македонските граѓани почнувајќи од 2018 година можат да се вработат во Германија и без ЕУ пасош, а поради огромниот недостиг од работници што го има оваа земја кој се движи до милион слободни рaботни места.

Доколку не сте од Европската Унија (ЕУ) или од Европската Економска Зона тогаш во Германија Ви треба работна дозвола/ работно одобрение кое се добива врз база на најдена работа.

Доколку имате професионално образование со завршен степен, универзитетски степен или училишен степен мора да ги дадете овие свидетелства/документи да се преведат и заверат.

Заверување значи: некоја официјална инстанца проверува дали Вашите документи се вистински. Најдобро е тоа да го направи некоја државна служба во Вашата татковина. Понекогаш Вашиот завршен степен не важи во Германија. Тоа може да го проверите уште во Вашата татковина (Признавање на странски дипломи). Повеќе информации ќе добиете на интернет страната „Признавање во Германија“.

Има многу можности: огласи за работа може да најдете на интернет, во весниците или преку агенцијата за вработување/центарот за вработување. Во весникот најчесто ќе најдете работни места од регионот. Меѓутоа огласите се актуелни.

На интернет има многу повеќе огласи за работа, но тие не се секогаш актуелни. Во центарот за вработување ќе добиете советување и тие ќе ги побараат соодветните работни места за Вас. Но, може да прашате и директно во фирмата. Понекогаш имаат слободни работни места, но не се на интернет или во весникот. На интернет страната на фирмата понекогаш се наоѓаат слободните работни места Уште го има.

Професионалниот информативен центар (Berufsinformationszentrum скр. BIZ) на Агенцијата за вработување: таму ќе најдете огласи за работа и многу информации на темата професии и работа. Таму и во Центарот за вработување може да го ставите Вашиот профил на интернет. Професионалниот информативен центар нуди и професионално советување, кога не знаете што можете да правите или што сакате да правите.

Исто од корист може да биде и праксата во фирмата: ќе се запознаете повеќе со работата и ќе добиете контакти Аплицирањето е првиот чекор на работниот пазар. Многу важни се документите за апликацијата. Ви треба покривно писмо (писмо до фирмата), добра фотографија за аплицирање, биографија и Вашите свидетелства (на германски јазик). Професионалниот информативен центар нуди работилници за: „Аплицирање во Германија“. На нив се учи како изгледа апликацијата и како да се подготвите за интервјуто за работа.

Во многу градови има советување за мигранти. Тука ќе Ви помогнат и при барањето на работа и со апликацијата(видете Сојузна служба за миграции и бегалци). За младите до 27 години има специјално советување кај службите за миграција на младите.