Со пролетта доаѓа и можноста за поголема употреба на велосипедите, и сѐ повеќе граѓани го користат тоа. Градот и општините ги охрабруваат сите да купат и користата велосипед давајќи одредени субвенции. И сѐ повеќе се зголемува бројот на учесници во сообраќајот со велосипеди.

Законот предвидува соодветна опрема што мора да ја поседува секој велосипед, или велосипед со мотор како што е пропишано. Покрај возилата и велосипедите и велосипед со помошен мотор , во сообраќајот на патиштата треба да имаат исправни пропишани делови и опрема.

Глоба во износ од 100 евра во денарска противвредност ќе му се изрече за прекршок на возач што постапува спротивно на правилата за велосипед.

Согласно правилникот од страна на министерството за внатрешни работи како задолжителна опрема на возилото и велосипедот за безбедно учество во сообраќајот на патиштата е пропишано следното:

Опрема за велосипед и велосипед со помошен мотор

* Светло за осветлување на патот и обележување на возилото
Едно светло за осветлување на патот на велосипеди и на велосипеди со помошен мотор треба да биде поставено и прицврстено на предната страна на возилото. Светлината што ја дава светлото треба да биде во бела боја, а оддалеченоста на светлечката површина на тоа светло од површината на патот не треба да биде помала од 40 cm ниту поголема од 120 cm.

Едно задно позиционо светло во црвена боја на велосипедите и на велосипедите со помошен мотор треба да биде поставено и прицврстено на задната страна на возилото. Оддалеченоста на светлечката површина на светлото по површината на патот не треба да биде помала од 25 cm ниту поголема од 90 cm. Светлото може да биде поставено со катадиоптер.

* Катадиоптери на велосипеди и велосипеди со помошен мотор

Еден катадиоптер во црвена боја на велосипедите и на велосипедите со помошен мотор треба да биде вграден и поставен на задната страна на возилото, а по еден катадиоптер во жолта или портокалова боја – на секоја страна на педалот (од предната и задната страна). Оддалеченоста на рефлектирачката површина на катадиопетерот со црвена боја на задната страна на возилото од површината на патот не треба да биде помала од 25 cm ниту поголема од 90 cm.

Рефлектирачката површина на катадиоптерот во црвена боја на задната страна на возилото треба да биде најмалку осум cm. На бочните страни на предното и задното тркало на велосипедот и велосипедот со помошен мотор треба да има рефлектирачки тела што рефлектираат светлина во бела или жолта боја.

Сопирачки на велосипед и велосипед со помошен мотор

Сопирачките на велосипеди и велосипеди со помошен мотор треба да бидат вградени и поставени за секое тркало, и тоа најмалку по една сопирачка така што да се меѓусебно независни, со тоа што сопирачката на предното тркало треба да биде рачна.

Механичко или електрично ѕвонче

Механичкото или електричното ѕвонче на велосипедите и велосипедите со помошен мотор служи за давање звучни знаци и треба да биде вградено така за да дава едноличен звук со непроменлив интензитет.

Друга опрема за велосипеди и велосипеди со помошен мотор
Друга опрема за велосипеди и велосипеди со помошен мотор со која се опремени овие возилата е:

• брзиномер;
• циклокомпјутер и пулсметар;
• носач или ногарки за потпирање;
• пумпа, алат и прибор;
• калници;
• бидони и држач за бидони;
• багажник;
• кошница;
• клучалка, сајла со катинар;
• торбичка за ставање на резервен алат и
• седиште за деца.

Самошто пред неколку дена побараа државна помош, текстилниот кластер повторно со прес-копнференција на која се заканија дека ќе бидат отпушптени 5.000 шнајдерки доколку не им се излезе во пресрет со, според нив, „високата“ минимална плата од 12.000 денари. 

Тие денеска на прес-конференција во Стопанската комора на Македонија уште еднаш побараа предвидените 50 отсто од придонесите што треба да им бидат исплатени на трудоинтензивните дејности, да се пренасочат директно кон работниците.

- Не ни треба поддршка за минималната, туку за повисоките плати, за да ги стимулираме работниците и да ја зголемиме продуктивноста, истакна претседателот на Кластерот за текстил, Марјана Перковска.

Текстилците се пожалија и дека по воведувањето на минималната плата практично станале социјални претпријатија. Доведени се во ситуација да земаат кредит за да обезбедат плати.

- Околу 80 отсто од вкупниот приход на текстилните компании оди за плати што е премногу. Минималната плата е неодржлива во секоја смисла, по однос на продуктивноста, техничката подготвеност, конкурентноста, потенцира Перковска.

Претседателот на Организацијата на работодавачи Ангел Димитров, рече дека производството на облека во периодот  јануари-април 2018 е намалено за четири отсто во споредба со истиот период лани, а производството на кожа за 6,3 проценти.

- Продолжува намалувањето на производството поради намалувањето на бројот на работниците, посочи Димитров.

Во текстилната индустрија работат 35.000 лица или вкупно 40.000 заедно со кожарството.

Министерот за  здравство Венко Филипче на денешниот симпозиум на тема „Вродени аномалии - предизвици, дилеми и третман“ во организација на Македонското лекарско друштво кажа дека се подготвува нов закон за прекин на бременоста.

Како што кажа министерот со тој закон на жената и се дава можност за слободен избор за абортус до 12-та недела, во консултација со матичниот гинеколог како и слободен избор за прекин на бременоста жената ќе има и до 22 гестациска недела од бременоста, со оценка на комисија составена од двајца гинеколози и еден социјален работник. 

„По наполнување на 22 гестациска недела, ќе се формира посебна стручна комисија која ќе треба да направи проценка за одобрување прекин на бременост. Таа комисија, освен гинеколози и акушери, ќе биде составена и од специјалист од детска хирургија, детска кардиологија, кардиохирургија, неврохирургија, анестезиологија и социјален работник. Во случај на вродена аномалија кај плодот жената има право да ја прекине бременоста врз основа на мислење од овие специјалисти, кажа министерот  додавајќи дека одлуката за прекин на бременоста е право на жената и оти тоа никој не може да и го одземе. 

Она што досега го немаше во постоечкиот закон според Филипче сега ќе биде на прво место.

Волјата на жената ја ставаме на прво место во овој период,,  драфт верзијата на законот е подготвена и потребна е уште една финална консултација со сите кои се заинтересирани за промена на законот, со стручните лица од Клиниката за гинекологија и акушерство, МТСП и невладините организации, кажа министерот.

Шпекулација е дека ќе се воведе зонско паркирање во општините Кисела Вода, Карпош и Гази Баба. Ова денеска го изјави скопскиот градоначалник Петре Шилегов, одговарајќи на новинарско прашање, пренесува Фокус. 

Не сме влезени во имплементација на таков тип на паркирање. Она што излезе во медиумите во последниот период не е ништо освен Годишната програма за развој. За да дојдете до таква имплементација треба да имате Годишна програма за развој на „Градски паркинг“ што е вообичаено. Ниту сме разговарале, ниту тоа е предмет на имплементација. Мислам дека беше погрешно интерпретирана Годишната програма, рече Шилегов во Изложбениот центар за електрична енергија „Матка“, кој од вчера ја збогатува официјалната туристичка понуда на Скопје.

Шилегов појасни дека не знаат дали во текот на годината ќе се пројави интерес кај определена општина за воведување зонско паркирање.

Ако ги немате предвидено во Годишната програма нема да може да ги имплементирате. Не сме отидени во таа фаза на имплеменатција. И поради лошо интерпретирање или нецелосно интерпретирање се појави во јавноста таква шпекулација дека ќе се воведува зонско паркирање во овие општини, рече Шилегов.