Од 00:01 часот на 17 ноември 2026 година, возачите во земјава ќе плаќаат пониски цени на горивата, откако Регулаторната комисија за енергетика одлучи да ги намали малопродажните цени на нафтените деривати во просек за 2,43%.
Според новата одлука, Еуросупер БС-95 ќе чини 84 денари за литар, а Еуросупер БС-98 86 денари за литар, што е намалување од по 2 денари. Цената на Еуродизел БС се намалува за 2,5 денари и ќе изнесува 92 денари за литар, додека екстра лесното масло за домаќинство ќе се продава за 100,5 денари за литар, односно за 3 денари поевтино. Цената на мазутот М-1 НС ќе изнесува 48,314 денари за килограм.
Од Регулаторната комисија образложуваат дека намалувањето е резултат на падот на референтните цени на светскиот пазар, како и на намалените акцизи и повластената стапка на ДДВ за дизелот. Во споредба со цените утврдени на 9 ноември, ова е ново олеснување за граѓаните и транспортниот сектор.
Тагови: нафтените деривати Регулаторната комисија за енергетика-(РКЕ)