Основачот и сопственик на најголемата социјална мрежа во светот, Фејсбук, Марк Зукерберг изјавил дека „Фејсбук“ веќе забранил голем број страници кои објавуваат лажни вести, а посебно ја издвои Македонија како земја од каде најмногу се шират и објавуваат бројни лажни вести денеска пред пратениците во Европскиот парламент. Тој  повторно беше повикан на испитување по скандалот со злоупотреба на податоците на корисниците преку компанијата Кембриџ Аналитика.

Зборувајќи за злоупотребата да се дезинформираат корисниците на социјалната мрежа, тој повторно се осврна на лажните вести од Македонија.

Во 2016. година бевме многу бавни да го идентификуваме мешањето на Русија во претседателските избори во САД. Не бевме доволно подготвени за видови координирани операции за дезинформирање за кои сега сме свесни, рекол тој.

Во своето излагање одговараше и на прашањата на пратениците во ЕП, кое траеше час и половина по што за останатите прашања се обврза одговори да достави во писмена форма.

На десетта седница на Советот на Општина Карпош советниците одново одобриле одлука за субвенционирање при купување нови велосипеди за жителите на оваа скопска општина.

По масовниот интерес за првата ваква акција, за која беа предвидени 300.000 денари, локалната самоуправа продолжува со уште една, втора по ред акција за годинава, во која се предвидени дополнителни 360.000 денари финансиски средства, со кои ќе се помагаат карпошани да купат нови велосипеди.

Исто така, на денешната седница советниците едногласно ја одобриле одлуката за добивање финансиски средства, за замена на стари куќни водомери со нови ултразвучни и нивна интеграција  жво системот на далечинско отчитување на системот на Јавното претпријатие „Водовод и канализација“. Градоначалникот на општина Карпош, Стефан Богоев, нагласил дека ова е грант од ЕБРД преку Министерството за транспорт и врски, кој ќе изнесува околу 200.000 евра. Инаку, со овој проект би се опфатиле 500 куќни домаќинства.

Владата на вчерашната седница донесе одлука за вработувања на неопределено време во основните и средните училишта.

Владата на седницата ја прифати информацијата за вработувањата во основните и средните училишта и донесе одлука Министерството за образование и наука да побара согласност од Министерство за финансии за вработување на лица на неопределено работно време во дејноста на основното и средното образование, за работни места за кои може да се оствари полно работно време, се вели во соопштението на владината прес-служба.

Македонците и Албанците земаат најниски плати во регионот, и тие се во полоша состојба од Србите, наведува Истражувачко издавачкиот центар Демостат. 

Со просечна плата од 383 евра, Македонија е на дното во регионот. Просечната во БиХ е 440 евра, во Србија 422 евра, во Црна Гора 512 евра, во Хрватска 832 евра, Словенија 1.077 евра, Бугарија 457 евра. Албанците земаат 378 евра во просек. Грција иако има мерки за штедење, платите во просек се 917 евра. Во Унгарија платите се 703 евра во просек, а во Романија 535 евра. 

Подраматични се споредбите со најмноќните држави во Европа. Во Велика Британија просечната плата е 1.990 евра, во Франција 2.157 евра, во Германија 3.771 евра, Италија 1.758, Австрија 2.324, Данска 3.270 евра.