Министерството за внатрешни почна да дели прекршочни пријави за несменето презиме во патна исправа .

Моминското презиме на невестите во пасошот ги чини од 100 до 500 евра. Според информациите на МВР, досега постојано се изрекуваат прекршочни мерки токму поради оваа причина. Нема ниту една казна од 500 евра, казните најмногу изнесуваат 100 евра.

Инспекторите најчесто делат опомени за оние што не ја напуштиле земјата или пасошoт го искористиле само за медениот месец, анализира СкопјеИнфо.

Граѓаните се соочуваат со казни и кога ќе стигнат на шалтер на одделението за патни исправи. Оттаму се повикани на разговор со инспектор. Доколку пасошот е искористен, од страна на МВР следува глоба.

Ако истата не се плати во рок од осум дена прекршочната пријава се испраќа до судија за прекршоци.

Во Законот за патни исправи е предвиден рок од 30 дена за промена на патните исправи доколку има промена на лични податоци.

Зоран Заев вчера истакна дека младите треба да ја искористат владината поддршка и да се фокусираат на сопствени бизниси, наместо да чекаат вработувања во администрација.

- Во прашање се 17. милиони евра наменети за сериозен фокус, истакна тој на прес-конференција и додаде дека младите треба да се насочат кон свој бизнис, а не да чекаат работа во администрација каде плата со средно е 15.000.

Мерките според него се насочени и кон жените и лицата со посебни потреби.

Пратеникот Илија Димовски кој доаѓа од редовите на ВМРО ДПМНЕ вчера на фејсбук сподели иницијатива новиот клинички центар да се гради на територија на општина Петровец. И токму овој предлог наиде на низа позитивни коментари од корисниците на оваа социјална мрежа.

Тој предлогот го образложи со десетици причини меѓу кои позначајни се географската положба на општината и близината до околните градови во кои живеат број на граѓани кој е речиси приближен до половина од бројката на населението во Македонија. Понатаму, помеѓу аргументите е близината до скопскиот аеродром и големиот број на слободни државни парцели со кои располага општината.

Предлог иницијативата за изградба на клиничкиот центар во општина Петровец ќе биде доставена на разгледување до сите пратенички групи.

Се надевам на поддршка, совети и коментари од стручни лица кои ќе можат да ја збогатат оваа иницијатива, напиша Димовски во објавата.

Инаку, Владата на Република Македонија донесе одлука новиот Клинички центар наместо на постојната локација во центарот на Скопје да се гради во населбата Бардовци.

Во градот Даје во кинеската провинција Хубеј, властите смислија нов начин како да ги натераат пешаците да не минуваат улици на црвено светло, односно ако не почекаат да се појави зеленото светло на семафорот, тие ќе бидат испрскани со вода.

Столбовите се опремени со неколку методи, кои се со цел да ги одвикнат пешаците да ги поминуваат улиците на црвено светло.

Оние кои нема да се огласат на предупредувањата, ќе бидат испрскани со вода.

Полициските функционери го одобрија инсталирањето на пет жолти столбови на секој пешачки премин, на една од најфреквентните крстосници.