Следниот неработен ден за граѓаните од православна вероисповед во Македонија е 6-ти април (Велики петок, а после викендот исто така неработен ден ќе биде и вториот ден од Велигден, 9-ти април, што значи дека следуваат 4 споени неработни денови.

После големиот празник следниот неработен ден е вторник 1. мај. Споен викенд ќе имаме и на 24 мај кога (четврток) кој е неработен ден за сите граѓани на Македонија, а денот потоа, 25. мај (петок) е Духовден, кој е неработен ден за граѓаните од православната вероисповед.

Ова се сите неработни денови кои преостануваат до крајот на годината:

Согласно со Законот за празниците на Република Македонија во 2018 година неработни денови се:

За сите граѓани на РМ

• 09 април (понеделник), Велигден, вториот ден на Велигден според православниот календар

• 01 мај (вторник), Ден на трудот,
• 24 мај (четврток) „Св. Кирил и Методиј“ Ден на сесловенските просветители
• 15 јуни (петок), Рамазан Бајрам, првиот ден на Рамазан Бајрам,
• 02 август (четврток), Ден на Републиката
• 8 септември (сабота), Ден на независноста

• 11 октомври (четврток), Ден на народното востание,
• 23 октомври (вторник), Ден на Македонската Револуционерна Борба,
• 8 декември (сабота), “Св. Климент Охридски”

За граѓаните од православна вероисповед

• 06 април (петок), Велики Петок, петок пред Велигден
• 25 мај (петок), Духовден, петок пред Духовден
• 28 август (вторник), Успение на Пресвета Богородица (Голема Богородица)

За граѓаните од католичка вероисповед

• 02 Април (понеделник), Велигден, вториот ден на Велигден
• 01 ноември (четврток), Празникот на сите светци
• 25 декември (вторник), првиот ден на Божик

За граѓаните од муслиманска вероисповед

• 21 август (вторник), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 ноември (четврток), Ден на Албанската азбука

За граѓаните припадници на српската заедница во РМ

• 27 јануари (сабота), Свети Сава

За граѓаните припадници на ромската заедница во РМ

• 08 април (недела), Меѓународен ден на Ромите

За граѓаните припадници на влашката заедница во РМ

• 23 мај (среда), Национален ден на Власите

За граѓаните припадници на еврејската заедница во РМ

• 19 септември (среда), Јом Кипур, првиот ден на Јом Кипур

За граѓаните припадници на бошњачката заедница во РМ

• 28 септември (петок), Меѓународен ден на Бошњаците

За граѓаните припадници на турската заедница во РМ

• 21 декември (петок), Ден на настава на турски јазик

На работното место е тешко да избегнете болест, особено ако колегата позади вас кашла, а колешката до вас кива. И тоа не е се што може да ни се случи на работа, порано или подоцна.

За жал, повеќето од нас мораат да го поминуваат времето во затворени простории додека се на работа.

Работното опкружување, на различни начини може да не разболи:

Болка во грбот

Кој од нас сеуште седи правилно во канцеларија? Скоро никој. Столовите се неудобни, прениски, превисоки, а и ние самите се кривиме во нив. За да го избегнете тоа, обидете се да се држите под прав агол - со рацете на маса и нозете на под.

Рутината убива

Одите на работа, се враќате дома. Утре повторно на работа и така до недоглед. Доколку не ја менувате дневната рутина, постојат добри шанси да паднете во депресија. Раздвижете се, тоа е едно од решенијата, а доколку работите излезат од контрола поразговарајте со некој пријател или дури и со стручно лице.

Бактериите се секаде околу нас

Бактериите живеат со часови на тврдите подлоги. Тоа значи дека болниот колега кој ќе ја допре рачката од фрижидерот или работел пред вас на компјутерот, позади себе остава бактерии. Колку и да ги миеме рацете, тешко дека нема да се допреме за лице или да јадеме откако ќе допреме некоја „заразена“ површина. Одвоите малку време за чистење на тастатурата и ризичните површини.

Лош ден

Научно е докажано дека, на квалитетот на нашиот сон, и тоа како влијае количината на времето поминато пред монитор. Обидете се пред спиење да не седите премногу на компјутер или, уште полошо, да проверувате некој бизнис меил.

Проблеми со видот

Седењето пред компјутер цел ден ги оптоварува очите. Многу често може да се појави заматен вид, или поради тоа што не трепкаме, очите да ни се „исушат“. Држете се до правилото 20/6/20, а тоа значи, на секои 20 минути гледајте во далечина од 6 метри 20 секунди.

Наскоро ќе биде пуштена во употеба автопатотската делница Демир Капија – Смоквица. Плусинфо објавува фотографии од новиот автопат.

Лани, Владата потпиша анекс на договорот за изградба на оваа делница долга 28 километри. Инвестицијата во автопатот во должина од 28 километри изнесува 218 милиони евра.

Началникот на управата на сообраќајната полиција Небојша Арсов изјавил денеска дека во последната недела од април на сите патишта во Србија ќе почне да се контролира и казнува преминување на просечната брзина на возење.

Возачите при плаќање на патарина ќе добијат информации за дозволената брзина на возење, поради што веднаш ќе знаат дали го прекршиле законот. Тој истакнал дека на домашните возачи казната ќе им стигнува на домашна адреса, а на странците ќе им биде наплатувано на наплатните рампи.

За почеток, доколку некој во автомобилот, вклучително и патниците на задните седишта, не е врзан со ремен ќе плати казна од 10.000 српски динари по човек, или околу 85 евра. Намалена е и дозволената, толерантна стапка на алокохол во крвта од 0,3 на 0,2 промили, но и во тој случај возачот ќе биде казнет со 10.000 динари.

За “насилничко возење“ казната е драстична, 30 до 60 дена затвор откако насилниот возач веднаш ќе биде полициски проследен кај судијата за прекршоци и суден во скратена постапка. Домашните возачи одговараат за казните по пат на писмена пријава од полицијата, а за странците возачот оди веднаш пред прекршочен судија во најбилското место каде има таков суд.

Она што е за нас во Македонија, кои повремено патуваме во или низ Србија најважно се радикалните промени во мерењето брзо возење и високите казни во Србија. Имено, сега возењето по автопатот од Белград до македонската граница (и обратно) нема да се мери само со радар, туку со пресметка на просечната брзина според времето кога возилото влегло пред наплатната рампа на една точка и кога излегло на другата наплатна рампа. Кога возачот на првата наплатна рампа подига картичка за патарина таа евидентира време, а камерата на наплатната рампа го снима тоа, како и самиот автомобил и возачот.

Истата постапка е кога возилото излегува од автопатот на некоја следна наплатна рампа, и при излезот се гледа за кое време возилото ја поминало дестинацијата. Не се пресметува времето на чекање за наплата на патарина, дуку времето дека сте стасале до патарината и сте влегле во зоната во која снимаат камерите. Доколку прсечната брзина е над 100 килиометри, тогаш имате проблем и следат високи казни во рамки на 200-300 евра. За екстремни брзини, над 150 километри на час во просек, казните се затворски со изрекување 30 дена затвор. За само 10 километри прекорачување се плаќа казна 30 евра, а за поголеми брзини казната се качува до 200 евра.

Доколку сте возеле брзо а по пат сте застанале да пиете кафе или ставите бензин сте направиле паметен потез бидејќи тоа време ви се смета како да сте возеле. Доколку пак тврдите дека не сте возеле вие, а камерата не е во состојба освен детали за возилото и регистарскиот број да утврди и лик на возачот, казната ја плаќа сопственикот на возилото и зависно од брзината таа се движи до 200 евра.

Овој систем предизвика многу негодувања во Србија но, и покрај тоа од 1 април стапи на сила. Полицијата во Србија тврди дека тоа не е нов систем, туку веќе се употребува во Австрија, Италија, Холандија или Велика Британија.