Лидерската позиција не значи само повисока плата, поголема титула или повеќе одговорности. Вистинското лидерство подразбира способност да преземате иницијатива, да им помагате на другите и да носите одлуки дури и кога ситуацијата не е едноставна. Но, како да знаете дали сте подготвени за следниот чекор во кариерата?

Еве 5 знаци дека можеби сте подготвени за лидерска позиција.

1. Преземате иницијатива без некој да ви каже

Ако не чекате постојано инструкции, туку самостојно забележувате проблеми и предлагате решенија, веќе покажувате важна лидерска особина.

Лидерите не чекаат секогаш некој друг да го направи првиот чекор, тие преземаат одговорност.

2. Колегите ви се обраќаат за совет

Дали колегите често ве прашуваат за мислење, помош или совет? Тоа е добар знак дека ве гледаат како личност на која можат да ѝ веруваат.

Лидерството не се добива само со функција. Во многу случаи, влијанието врз другите се гради уште пред да ја добиете лидерската титула.

3. Знаете да преземете одговорност за грешките

Лидер не е човек кој никогаш не греши. Добриот лидер знае да каже: „Ова беше моја грешка“, да извлече лекција и да продолжи понатаму.

Ако не барате виновник секогаш кога нешто ќе тргне погрешно, туку размислувате како да го решите проблемот, покажувате зрелост потребна за лидерска улога.

4. Успехот на тимот ви е важен колку и вашиот личен успех

Ако сакате да споделувате знаење, да им помогнете на колегите да напредуваат и да ги поддржувате кога се соочуваат со предизвици, веројатно веќе размислувате како лидер.

Лидерството не е само „Јас успеав“, туку и „Како можеме сите да успееме?“

5. Не се плашите од тешки одлуки и разговори

Лидерските позиции носат ситуации во кои нема совршено решение. Понекогаш треба да дадете непријатен фидбек, да решите конфликт или да донесете одлука со која нема сите да бидат задоволни.

Ако можете да останете професионални, да слушате различни мислења и да донесете одлука врз основа на факти, тоа е силен показател дека сте подготвени за поголема одговорност.

Како да се подготвите за лидерската улога?

Ако се препознавате во овие знаци, започнете да инвестирате во себе уште пред да ја добиете позицијата. Работете на комуникациските и организациските вештини, учете како да давате и примате фидбек и барајте можности да водите помали проекти или иницијативи.

Исто така, разговарајте со вашиот менаџер за вашите кариерни цели. Можеби следната лидерска можност е поблиску отколку што мислите.

Лидерството не започнува со титулата започнува со начинот на кој се однесувате уште денес. Ако преземате одговорност, им помагате на другите, носите иницијатива и размислувате за успехот на целиот тим, можеби веќе сте подготвени за вашиот следен голем чекор во кариерата.

Прочитајте и за: 5 знаци дека сте заглавени во професионална рутина

Тагови: лидери совети за работа

Скопје како главен град и економски центар на Македонија нуди широк спектар на можности за вработување во разни индустрии и сектори. Во последно време, пазарот на трудот во Скопје забележува зголемена побарувачка за професионалци од различни области, од технологија и маркетинг до угостителство и администрација. 

Еве некои од најновите и најпопуларни огласи за работа во градот:

Право-административен соработник HR
Materials Administrator – Logistic Center in Skopje Office
HR Officer – Logistic Center in Skopje Office
Автолакер - Фарбара
Заварувачи

Останатите оглси за во Скопје можете да ги најдете ТУКА.

Прочитајте и за: Најнови огласи за работа во Струмица!

Кога на крајот од интервјуто регрутерот ќе праша: „Дали имате прашања за нас?“, повеќето кандидати ја пропуштаат најважната можност да остават силен впечаток. Наместо вообичаени прашања за културата, задачите или напредувањето, искусни регрутери советуваат кандидатите да се фокусираат на суштината: кој проблем компанијата сака да го реши со отворањето на позицијата. Според поранешен регрутер со искуство во Google, Uber и The New York Times, компаниите не вработуваат „за забава“, туку бараат личност што може да реши реален проблем со што помал надзор.

Едно директно прашање како „Што е навистина расипано во моментов, а што очекувате новиот вработен да го поправи?“ може веднаш да ве издвои од конкуренцијата. Подеднакво силни се и прашањата: „За една година, што ќе ве натера да кажете дека ова вработување беше погодок?“, „Која личност во тимот би сакале да ја клонирате?“ и „Кој дел од оваа работа луѓето најчесто го потценуваат?“. Ваквите прашања покажуваат дека кандидатот не е фокусиран само на титулата, туку на резултатите, очекувањата и реалните предизвици на улогата.

Пораката што ја испраќа ваквиот пристап е јасна: веќе размислувате како дел од тимот. Наместо интервјуто да го доживувате како аудиција во која треба само да бидете избрани, најуспешните кандидати го користат разговорот за да откријат што точно треба да се поправи — и веднаш да покажат како би го направиле тоа. Токму таа комбинација од љубопитност, зрелост и ориентација кон решенија е она што најчесто ги освојува работодавачите.

Тагови: Google интервју за работа

Започна исплатата на повратот преку апликацијата „Мој ДДВ“ за вториот пресметковен период, кој ги опфаќа април, мај и јуни.

Средствата веќе се префрлаат на трансакциските сметки на граѓаните кои редовно ги скенирале фискалните сметки.

Од Управата за јавни приходи и Министерството за финансии информираат дека, согласно законските рокови, целосната исплата треба да заврши најдоцна до 31 август.

Граѓаните кои користат „Мој ДДВ“ можат да ги проверат своите трансакциски сметки за да видат дали повратот веќе им е исплатен.

Тагови: исплата Мој ДДВ