Тиго Фајнанс ја проширува својата понуда на финансиски производи и влегува во нов сегмент со лансирање на својот прв кредит обезбеден со хипотека, кој на клиентите им овозможува пристап до финансирање во износ до 50.000 евра, со рок на отплата до 20 години.
Новиот производ претставува значаен чекор во понатамошниот развој и проширување на портфолиото на Тиго. Со него, компанијата ја надградува својата понуда надвор од рамките на краткорочните финансиски решенија и одговара на потребите на клиентите на кои им се потребни повисоки износи и значително подолг период на отплата.
Под концептот „Твојот стан веќе има вредност. Претвори ја во можност.“, Тиго воведува финансиско решение кое им овозможува на клиентите да го искористат станот што веќе го поседуваат како обезбедување и да пристапат до средства за реализација на поголеми лични и финансиски планови.
Кредитот ќе биде достапен во износ од 10.000 до 50.000 евра, со рок на отплата од 12 до 240 месеци, овозможувајќи поголема флексибилност при планирањето на поголемите финансиски обврски.
Нов пристап кон вредноста што клиентите веќе ја поседуваат
За разлика од класичниот станбен кредит, новиот производ на Тиго не е наменет за купување недвижност. Наместо тоа, им овозможува на клиентите да ја искористат вредноста на станот што веќе го поседуваат и да обезбедат пристап до поголем износ на финансиски средства.
Средствата може да се користат за различни намени – од поголеми лични инвестиции и потреби за ликвидност, до рефинансирање или обединување на постојните финансиски обврски во едно подолгорочно решение.
Производот е креиран и со цел да овозможи поширок пристап до финансирање за клиенти чии финансиски профили или потреби не секогаш се вклопуваат во стандардните модели на кредитирање. Тука спаѓаат претприемачи, самовработени лица, фриленсери, лица со сезонски или нестандардни приходи, како и други клиенти кои ги исполнуваат критериумите и бараат алтернативно финансиско решение.
„Финансиските потреби на клиентите се менуваат, а ние веруваме дека финансиските производи треба да се развиваат заедно со нив. Досега Тиго беше препознатлив пред сè по брзи, едноставни и достапни финансиски решенија. Со воведувањето на кредитот обезбеден со хипотека влегуваме во нов сегмент и отвораме нови можности за клиентите чии планови бараат повисоки износи и подолг период на отплата. Идејата зад производот е едноставна: нашите клиенти веќе создале вредност преку имотот што го поседуваат – ние сакаме да им помогнеме таа вредност да ја претворат во нова можност.“
Од краткорочно финансирање до поголеми животни и финансиски планови
Лансирањето на новиот производ е дел од пошироката стратегија на Тиго за развој на портфолиото во согласност со променливите потреби на клиентите и проширување на опсегот на финансиски решенија што компанијата може да ги понуди.
Со воведување финансирање до 50.000 евра и рок на отплата до 20 години, Тиго влегува во нова категорија на кредитирање, задржувајќи го својот фокус на едноставно корисничко искуство, транспарентен процес и достапни финансиски решенија.
Во почетната фаза, кредитот обезбеден со хипотека ќе биде достапен преку филијалите на Тиго. Клиентите ќе можат директно во филијалите да добијат детални информации за условите, потребната документација, достапниот износ, можностите за отплата и процесот на аплицирање.
Новиот производ е уште еден чекор во континуираниот развој на Тиго Фајнанс и ја одразува амбицијата на компанијата да одговори на поширок спектар финансиски потреби – од секојдневни финансиски решенија до поголеми и подолгорочни планови.
Затоа што понекогаш можноста што ја барате веќе ја поседувате.
Твојот стан веќе има вредност. Претвори ја во можност.Тиго знае како!
Тиго кредит обезбеден со хипотека
Од 10.000 до 50.000 евра
Рок на отплата: од 12 до 240 месеци
Финансиско друштво Тиго Фајнанс ДОО Скопје. Одобрувањето на кредитот е предмет на важечките услови, кредитна проценка и исполнување на критериумите на кредиторот.
Тагови: Финансиско друштво ТИГО ФАЈНАНС ДОО Скопје