Во новото издание на „ОД НУЛА“ ни гостува Ангела Костовска сопственичка на D Mimio, бренд кој преку креативни и едукативни календари им помага на децата да учат, да се развиваат и секојдневно да стекнуваат нови вештини преку игра. Нејзината приказна е доказ дека една идеја создадена со љубов и посветеност може да прерасне во успешен бренд што денес е препознатлив кај многу семејства.

Во разговорот со Ангела навлегуваме во нејзиниот претприемачки пат од првите чекори и инспирацијата за создавање на D Mimio, до предизвиците со кои се соочила при градењето на сопствен бренд. Таа открива како изгледа процесот на создавање на еден календар, колку време, истражување и креативност се потребни за секој производ и што ги прави D Mimio календарите поразлични од обичните планери.

Зборуваме и за важноста на креативноста, работата со клиенти, најемотивните реакции што ги добила од родители, како и за моментите кои ѝ потврдиле дека е на вистинскиот пат. На крајот, Ангела испраќа силна порака до сите млади луѓе кои имаат идеја, но сè уште се двоумат да го направат првиот чекор кон сопствен бизнис. Не пропуштајте уште една инспиративна приказна во „ОД НУЛА “ - приказна за храброст, креативност и верба во сопствената визија.

Целата емисија е достапна на нашиот Youtube канал:

Тагови: деца креативност Од нула семеен едукатор Ангела Костовска

Регулаторната комисија за енергетика, водни услуги и услуги за управување со комунален отпад (РКЕ) донесе одлука со која цената на топлинска енергија од 1 август се зголемува во просек за 5,96% за домаќинствата што се снабдуваат од најголемиот систем ЕСМ Снабдување, ЕСМ Дистрибуција и ЕСМ производство на топлина.

За потрошувачите на поранешна топлана Скопје Север, сегашна Енерџи Еколинк зголемувањето е во просек за 3,6%, а за ЕСМ Енергетика зголемувањето е за околу 5% за домаќинствата.

По извршените сеопфатни економско технички анализи за работењето на енергетските компании кои ги снабдуваат потрошувачите со топлинска енергија во Градот Скопје, РКЕ донесе одлука за корекција на цената од 5,96 %, односно просечната сметка ќе се зголеми за 140 денари. (од 2 353 денари на 2 493 денари). Вие го следевте процесот од почеток и јавноста е веќе информирана дека барањата на енергетските компании се движеа од 30% до 130%. Она што е клучно во периодот што следува и кое што ние го подржуваме е спојување на сите компании на ЕСМ за топлинска енергија, а со цел оптимизирање на ресурсите и зголемување на ефикасноста, што би значело поволна цена за потрошувачите. Она што сакам да го споделам со јавноста се резултатите од направените аналзии кои укажуваат дека на годишно ниво жителите на Скопје кои се греат на топлинска енергија имаат најнизок годишен надоместок, за разлика од жителите на Белград, Љубљана, Софија и Сараево, посочи Ацо Ристов, претседател на РКЕ.

За една грејна сезона има ново приклучени 1.521 потрошувачи, а вкупно 67.494 потрошувачи се снабдуваат со топлинска енергија.

Тагови: ЕСМ поскапува парното сметка

Која е Ивана Костадиновиќ кога не е во улога на косплеер? Кажи ни нешто повеќе за себе.

Кога не сум во улога на косплеер, јас сум личност која постојано бара нов начин да создава. Професионално имам работено како 2D Game Artist, а покрај тоа сум голем љубител на видео игри, цртање, филмови, музика и фотографија. Сакам да учам нови техники и постојано да се усовршувам, без разлика дали станува збор за дигитална уметност, изработка на реквизити или нови материјали за косплеј. Косплејот е само една страна од мојата креативност  всушност, сè што правам е поврзано со создавање уметност.

Како започна оваа приказна и кога сфати дека косплејот ќе стане многу повеќе од обично хоби?

Сè започна од мојата љубов кон видео игрите и фантазијата. Отсекогаш ме фасцинирале дизајните на ликовите и сакав да ги оживеам во реалноста. На почетокот тоа беше само љубопитност и желба да направам еден костим за себе, но со текот на времето сфатив дека процесот на изработка ми носи огромно задоволство.

Моментот кога сфатив дека косплејот е многу повеќе од хоби беше кога почнав да учествувам на натпревари. Toa ми покажа дека косплејот не е само костим, туку уметност, настап и начин на изразување.

Се сеќаваш ли на првиот костим што го изработи? Какви спомени те врзуваат за тој проект?

Мојот прв костим беше Lady Deadpool од Marvel. Денес кога ќе ги погледнам фотографиите, гледам многу грешки, но истовремено гледам колку сум напредувала. Немав искуство, немав професионални алати, а голем дел од работите ги учев преку видеа и со многу обиди и грешки.

Токму тој прв костим ме научи дека најважни се трпението и упорноста. Иако не беше совршен, ми даде самодоверба да продолжам понатаму.

Што е пресудно за да одлучиш кој ќе биде твојот следен косплеј? Што треба да има еден лик за да те инспирира?

Најважно ми е да имам поврзаност со ликот. Не би избрала лик само затоа што е популарен, треба да ми се допадне неговата приказна, карактер или визуелен дизајн.

Исто така, сакам костимот да ми претставува предизвик и да научам нешто ново при неговата изработка. Ако чувствувам дека преку тој лик можам да ја покажам мојата креативност и да се надминам себеси, тогаш знам дека тоа ќе биде мојот следен проект.

Колку е предизвик да се занимаваш со косплеј во Македонија? Дали лесно се наоѓаат материјали и колку често мораш да импровизираш?

Косплејот во Македонија е доста поголем предизвик отколку во многу други земји. Голем дел од специјалните материјали, алати и додатоци не можат да се најдат локално, па најчесто ги нарачуваме од странство или бараме алтернативи.

Импровизацијата е речиси секојдневие. Често користиме материјали кои првично не се наменети за косплеј и ги приспособуваме за да го добиеме посакуваниот резултат. Мислам дека токму тоа нè прави покреативни и нè учи како да најдеме решение за секој проблем.

Кој костим досега ти бил најголем предизвик и што беше најтешко при неговата изработка?

Најголем предизвик досега ми беше косплејот на Gaige и Deathtrap од Borderlands 2. За целиот проект ми беа потребни околу шест месеци. Најсложен дел беше изработката на Deathtrap – робот поголем од мене, кој го направив да се движи со помош на тркала и механизам управуван со далечински управувач.

Дали имало момент кога некој целосно заборавил дека гледа костим и те доживеал како вистинскиот лик? Која реакција од публика никогаш нема да ја заборавиш?

Тоа е едно од најубавите чувства што може да ги доживее еден косплеер. Имало моменти кога луѓе ми приоѓале толку воодушевени што зборувале со мене како навистина да сум ликот што го претставувам.

Особено ми останаа во сеќавање реакциите на децата и на големите фанови на игрите. Нивната искрена возбуда и насмевки се многу повредни од која било награда, затоа што покажуваат дека си успеал барем за момент да ја оживееш нивната омилена приказна.

Што би им порачала на младите кои сакаат да влезат во светот на косплејот, но мислат дека е прескапо или премногу тешко?

Би им рекла да не се споредуваат со луѓе кои се занимаваат со косплеј повеќе години. Секој почнува од некаде.

Не мора првиот костим да биде совршен, ниту најскап. Најважно е да уживаат во процесот и постепено да учат нови техники. Денес има огромен број бесплатни туторијали и заедници кои се подготвени да помогнат.

Најголемата инвестиција не се парите, туку времето, трпението и желбата да не се откажеш кога нешто нема да успее од првиот обид.

За крај, на што работиш во моментов и што ново можеме да очекуваме од тебе во периодот што следи?

Во моментов работам на неколку нови косплеј проекти и постојано експериментирам со нови техники и материјали. По неодамнешниот успех на меѓународниот натпревар во Белград, мотивацијата ми е уште поголема да продолжам да ја претставувам Македонија на регионални и европски настани.

Освен нови костими, сакам повеќе да го споделувам процесот на нивната изработка и да придонесам за развојот на косплеј заедницата кај нас. Се надевам дека во иднина ќе има уште повеќе можности за косплеерите од Македонија да ја покажат својата креативност пред домашна и меѓународна публика.

Тагови: видео игри креативност Ивана Костадиновиќ. косплеј

Скопје како главен град и економски центар на Македонија нуди широк спектар на можности за вработување во разни индустрии и сектори. Во последно време, пазарот на трудот во Скопје забележува зголемена побарувачка за професионалци од различни области, од технологија и маркетинг до угостителство и администрација. 

Еве некои од најновите и најпопуларни огласи за работа во градот:

Material Planner – Logistic Center in Skopje Office
Продажен персонал - Ramstore Mall - Part Time 30 часа неделно
Оператор за контрола на квалитет - Скопје
Оператор во производство - Скопје
Магационер пикер во Скопје

Останатите оглси за во Скопје можете да ги најдете ТУКА.

Прочитајте и за: Огласи за работа во Куманово!