Никој не дава отказ преку ноќ. Зад секое „си заминувам“ стои процес тивок, постепен и често невидлив за менаџментот. Вработените не си одат кога се незадоволни. Си одат кога ќе престанат да веруваат дека нешто ќе се промени.

Како изгледа тој процес?

• Ангажираност: мотивирани, проактивни, вложуваат повеќе од очекуваното
• Разочарување: нешто не функционира (менаџмент, плата, култура)
• Дистанцирање: помалку иницијатива, повеќе „одработување“
• Тивко повлекување: минимален ангажман, максимум формалност
• Отказ: конечна одлука

Проблемот? Најчесто, компаниите го забележуваат дури во последната фаза.

 Што навистина ги оттурнува вработените?

1. Лош менаџмент

Луѓето не напуштаат компании – напуштаат менаџери. Недостаток на поддршка, микроменаџирање или игнорирање создаваат фрустрација.

2. Недостаток на развој

Кога нема напредок, нема ни мотивација. Вработените сакаат да учат, растат и да гледаат иднина.

3. Непрепознавање на трудот

Кога трудот се зема „здраво за готово“, ангажираноста брзо опаѓа.

4. Нејасни очекувања

Конфузијата создава стрес, а стресот – незадоволство.

5. Лоша работна култура

Токсична средина, лоша комуникација или недостаток на доверба се тивки „убијци“ на мотивацијата.

6. Плата што не следи пазар

Не е секогаш главната причина но често е последната капка.

Каде грешат компаниите?

• Реагираат предоцна
• Не слушаат feedback
• Фокусирани се на резултати, не на луѓе
• Претпоставуваат наместо да прашуваат

Како да се спречи ова?

• Редовен и искрен feedback
• Инвестиција во развој на вработените
• Култура на признание и доверба
• Јасни очекувања и комуникација
• Проактивно следење на ангажираноста

Отказот не е проблем, тој е последица. Вистинскиот предизвик е да се препознае моментот кога ангажираноста почнува да паѓа. Компаниите што ќе го фатат тој сигнал навреме ќе ги задржат најдобрите луѓе.

Прочитај и за: Разнообразност и инклузија: Клучни чекори за успешен HR план

Тагови: HR трендови

Во динамичниот свет на вработување, поврзувањето на младите таленти со вистинските компании е клучно за градење успешни кариери. Токму затоа, KARIERA.mk со задоволство беше дел од Кариерниот ден организиран од УНИВЕРЗИТЕТ АМЕРИКАН-КОЛЕЏ Скопје – настан кој обединува амбициозни студенти и реномирани компании на едно место.

Настанот претставуваше одлична можност за студентите директно да се запознаат со потенцијални работодавачи, да дознаат повеќе за актуелните можности за вработување и пракса, како и да добијат вредни совети за нивниот кариерен развој. KARIERA.mk активно комуницираше со посетителите, споделувајќи корисни информации за тоа како да креираат конкурентно CV, како да се истакнат на интервју и како да ги искористат дигиталните алатки за барање работа.

Дополнително, на настанот беа претставени и Моја Кариера картичките иновативен продукт на KARIERA.mk наменет за полесно поврзување помеѓу кандидатите и компаниите. 

Особено внимание привлече интересот кај студентите за платформата KARIERA.mk, која нуди широк спектар на огласи за работа, практикантства и кариерни можности. Нашиот тим им помогна на младите да се ориентираат како најдобро да ја користат платформата и да аплицираат на позиции кои одговараат на нивните вештини и интереси.

Покрај тоа, настанот беше одлична можност за вмрежување и размена на искуства. Присутните компании имаа можност да се претстават, да ги споделат своите вредности и да ги привлечат идните таленти, додека студентите стекнаа подобра слика за тоа што ги очекува на пазарот на труд.

Присуството на KARIERA.mk на вакви настани е дел од нашата мисија да бидеме мост помеѓу кандидатите и компаниите, да го олесниме процесот на вработување и да придонесеме кон развојот на пазарот на труд во Македонија.

Кариерниот ден на УНИВЕРЗИТЕТ АМЕРИКАН-КОЛЕЏ уште еднаш покажа дека кога образованието и бизнисот се поврзуваат, се создаваат вистински можности за иднината.

Следете нè за повеќе вакви настани, совети и најнови огласи за работа на KARIERA.mk!

Прочитајте и за: KARIERA.mk дел од Кариерен ден на Универзитет Скопје

Тагови: саем за кариера Кариера Онлајн

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

МАКСТИЛ е регионален лидер во производството на топловалани дебели лимови.

Моментално вработува:

МАШИНСКИ ТЕХНИЧАР
ЕЛЕКТРИЧАР

Алма-М е силна и современо организирана дистрибутивна компанија со над 30 години искуство, со силен логистички капацитет, технолошка поддршка, богат асортиман и национално и регионално присуство.

Моментално вработува:

УНАПРЕДУВАЧ НА ПРОДАЖБА (АРАНЖЕР НА РОБА) - ОХРИД / СТРУГА
АГЕНТ ЗА ПРОДАЖБА ВО ОХРИД ЗА ХО-РЕ-ХА

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи.

Моментално вработува:

МАГАЦИНСКИ РАБОТНИК И АДМИНИСТРАТОР ВО ЛОГИСТИЧКИ ДИСТРИБУТИВЕН ЦЕНТАР КУМАНОВО

Откако е лансиран во 1996 година брендот Интимисими го освои пазарот за долна облека благодарение на својата спецфичност и стил, брзо станувајќи водечки бренд во својата индустрија.

Моментално ваработува:

АСИСТЕНТ ЗА ПРОДАЖБА

Банката е формирана во 1993 година како една од првите приватни банки во земјата под името Кредитна Банка АД Скопје. Од мај 2016 година, Банката работи под името Силк Роуд Банка АД Скопје и е единствена банка во Р. Македонија и регионот со 100% швајцарски капитал.

Моментално вработува:

БАНКАРСКИ СЛУЖБЕНИК ВО ЕКСПОЗИТУРА ВО СКОПЈЕ

Рамстор Македонија е една од водечките малопродажни синџири во земјата. Од своето основање во 2005 година, компанијата постојано расте и денес располага со широка мрежа на супермаркети и трговски центри низ цела Македонија.

Сите огласи од Рамстор Македонија можете да ги најдете ТУКА.

Вдл Ван Хоол Македонија Дооел Илинден, белгиски реномиран производител на автобуси, лоциран во Технолошко Индустриската Развојна Зона – Скопје 2, во Бунарџик.

Сите огласи од Вдл Ван Хоол Македонија можете да ги најдете ТУКА.

Компанијата А1 Македонија е член на Групацијата А1 Телеком Австрија, водечки провајдер за комуникациски и дигитални решенија во Централна и Источна Европа.

Сите огласи од А1 Македонија можете да ги најдете ТУКА.

Виола Аптеки се современа компанија чиј примарен фокус на работа е здравствената заштита на граѓаните.

Моментално вработува:

ФАРМАЦЕВТСКИ ТЕХНИЧАР - НАС. КАРПОШ
ФАРМАЦЕВТСКИ ТЕХНИЧАР - НАС. ЦЕНТАР
ФАРМАЦЕВТСКИ ТЕХНИЧАР - НАС. АЕРОДРОМ
ФАРМАЦЕВТ - НАС. КАРПОШ
ФАРМАЦЕВТ - НАС. ЦЕНТАР
ФАРМАЦЕВТ - НАС. АЕРОДРОМ

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Вработува повеќе од 4.000 луѓе.

Моментално вработува:

ВОЗАЧ/ДИСТРИБУТЕР

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.

Во време кога границата помеѓу работата и приватниот живот сè повеќе се брише, постигнувањето на вистинска рамнотежа станува еден од најголемите предизвици. Постојаната достапност, роковите и високите очекувања можат лесно да доведат до стрес и прегорување. Затоа, свесното градење на здрав баланс не е луксуз, туку неопходност.

Поставете јасни граници

Еден од најважните чекори е да дефинирате кога завршува работното време. Избегнувајте одговарање на мејлови и пораки надвор од работните часови, освен ако не е навистина неопходно. Со ова не само што го заштитувате вашето време, туку и поставувате очекувања кај колегите и претпоставените.

Научете да приоритизирате

Не секоја задача е подеднакво важна. Фокусирајте се на она што носи најголема вредност и избегнувајте да се преоптоварувате со непотребни обврски. Користењето на едноставни техники како „to-do“ листи или методот на приоритети може значително да ја подобри вашата продуктивност.

Одвојте време за себе

Вашето физичко и ментално здравје треба да бидат приоритет. Вклучете активности што ве релаксираат – прошетка, вежбање, читање или време поминато со блиските. Дури и кратки паузи во текот на денот можат да направат голема разлика.

Искористете го одморот

Годишниот одмор не е привилегија, туку потреба. Редовните паузи од работа помагаат да се намали стресот и да се врати енергијата. Вработените кои користат одмор се покреативни и попродуктивни.

Комуницирајте отворено

Доколку се чувствувате преоптоварени, разговарајте со вашиот тим или менаџер. Отворената комуникација може да помогне во редистрибуција на задачите и создавање поодржливо работно опкружување.

Прифатете дека балансот не е совршен

Важно е да се разбере дека рамнотежата помеѓу работата и животот не значи совршена поделба 50/50. Постојат периоди кога работата ќе бара повеќе внимание, но клучно е долгорочно да се одржи стабилност и благосостојба.

Создавањето на поздрав професионален и приватен живот е процес што бара свесни одлуки и дисциплина. Малите промени во секојдневието можат да доведат до големи резултати – повеќе енергија, помал стрес и поголемо задоволство и на работа и во животот.

Прочитајте и за: Стратегии за успешно барање работа и избегнување на грешки

Тагови: работен баланс совети за работа