Во секоја компанија постојат вработени кои природно се издвојуваат – не затоа што најгласно зборуваат или постојано се во центарот на вниманието, туку затоа што нивната работа, став и професионалност зборуваат сами за себе. Истакнувањето на работното место не мора да значи наметнување или самопромоција. Напротив, најценетите вработени се оние кои создаваат вредност и оставаат позитивен впечаток преку својата работа и однос кон колегите.

1. Бидете доследни во квалитетот на вашата работа

Најсилниот начин да се истакнете е преку резултатите. Кога задачите ги завршувате навреме, прецизно и со внимание на деталите, колегите и менаџерите природно ќе ја препознаат вашата посветеност. Конзистентноста во квалитетот создава доверба.

2. Покажете иницијатива

Не чекајте секогаш некој да ви каже што треба да направите. Ако забележите процес што може да се подобри или задача што може да се реши побрзо, предложете решение. Иницијативата покажува дека сте заинтересирани за успехот на тимот, а не само за сопствените обврски.

3. Бидете тимски играч

Луѓето кои им помагаат на колегите, споделуваат знаење и придонесуваат за позитивна атмосфера секогаш оставаат силен впечаток. Тимската работа не само што ги подобрува резултатите, туку и ја гради вашата професионална репутација.

4. Комуницирајте јасно и професионално

Добрата комуникација е клучна. Слушајте внимателно, изразувајте ги вашите идеи јасно и почитувајте ги мислењата на другите. Луѓето кои знаат како ефективно да комуницираат често се препознаваат како лидери во тимот.

5. Бидете позитивни и проактивни

Позитивниот став може да направи голема разлика. Наместо да се фокусирате на проблемите, обидете се да предложите решенија. Овој пристап покажува зрелост и професионалност.

6. Континуирано учете и развивајте се

Светот на работата постојано се менува. Вработените кои вложуваат во своите вештини – преку обуки, курсеви или нови искуства – стануваат повредни за тимот и организацијата.

Истакнувањето на работното место не значи да бидете најгласни или постојано да се промовирате. Доволно е да бидете професионални, доследни и подготвени да придонесете за успехот на тимот. Со вистински пристап, вашата работа и односот кон колегите ќе зборуваат многу погласно од било каква самопромоција.

А токму компаниите што ги ценат ваквите вработени можете да ги пронајдете на KARIERA.mk, каде што ве очекуваат нови можности за професионален раст и развој.

Прочитајте и за: Работете паметно, не под стрес: Како да го заштитите вашиот ум

Тагови: совети за работа

Од денеска 17 Март, граѓаните директно можат да летаат од аеродромот Св. Апостол Павле во Охрид до Братислава, објави министерот за транспорт и врски, Александар Николоски.

Веќе од 29 март воведуваме уште една линија од охридскиот аеродром директно до Милано.Овие авиолинии значи нови туристи во Охрид и повеќе можности за зајакнување на економијата.

Развојот на авиосообраќајот претставува еден од врвните приоритети на Владата и Министерството за транспорт. Преку конкретни политики и мерки, континуирано работиме на унапредување на цивилниот авиосообраќај, со што овозможивме значително проширување на мрежата на дестинации.Остануваме силно посветена на унапредување на авиосообраќајот заради развојот и поврзување на Македонија со големите центар, напиша тој.

Тагови: авио сообраќај Александар Николоски Охрид

Доколку сте ја промениле адресата на живеење, законска обврска ви е да ја замените вашата лична карта со нова која ќе ја содржи ажурираната информација. За да го започнете процесот на замена, потребно е да поднесете неколку документи до надлежната полициска станица.

Неопходни документи:

• Пополнето барање за издавање на лична карта (се добива на шалтер)
• Уплатница од 310 денари на соодветна сметка или електронска уплата преку ПОС терминал на лице место
• Купопродажен договор за стан или куќа заверен кај нотар или имотен лист не постар од 6 месеци
• Старата лична карта, која ќе се замени со нова

Вообичаено, процесот на издавање на новата лична карта трае неколку работни дена, по што ќе бидете повикани да ја подигнете. Важно е да знаете дека секоја промена на лични податоци, вклучувајќи ја и адресата на живеење, мора да биде евидентирана во вашата лична карта најдоцна во рок од 15 дена.

Тагови: лична карта промена на адреса

Иако располагаат со огромно богатство, многу од најбогатите луѓе во светот – меѓу кои Илон Маск и Марк Закерберг – често користат хипотекарни кредити при купување недвижности. Финансиските експерти велат дека тоа не е знак на недостаток на пари, туку промислена стратегија за управување со богатството.

Илон Маск, извршниот директор на „Тесла“, подигнал неколку големи хипотекарни кредити за своите имоти во Калифорнија. Според американските медиуми, еден од нив изнесувал 61 милион долари и бил земен од банката „Морган Стенли“ за финансирање на пет недвижности.

Иако оваа сума е мала во споредба со неговото богатство, проценето на околу 662 милијарди долари, многумина се прашуваат зошто милијардер би позајмувал пари наместо да плати со готовина.

Зошто богатите избираат кредит

Една од главните причини е структурата на нивното богатство. Поголемиот дел од капиталот на ултрабогатите не е во готовина, туку во акции, инвестиции, компании или фондови.

Финансиските советници објаснуваат дека тие претпочитаат да го задржат капиталот во инвестиции кои носат принос, наместо да го „заклучат“ во недвижност.

Со други зборови, парите можат да заработуваат повеќе ако се инвестирани на пазарот, отколку ако се потрошат на купување куќа без кредит.

Примерот на Закерберг

Слична стратегија користел и Марк Закерберг, основачот на „Мета“. Во 2012 година тој ја рефинансирал својата куќа во Пало Алто со 30-годишен хипотекарен кредит со камата од само 1,05 проценти.

Со толку ниска каматна стапка, кредитот бил речиси без трошок, па за него било поисплатливо да ги задржи милионите долари во инвестиции, наместо да ги вложи директно во недвижност.

Математиката зад оваа стратегија

Логиката е едноставна:

• Ако приносот од инвестициите е поголем од каматата на кредитот – тогаш е поисплатливо да се земе кредит.
• Така инвеститорите можат истовремено да купат недвижност и да продолжат да заработуваат од своите инвестиции.
• Даночни и инфлациски предности
• Во некои земји, како САД, каматата на хипотекарните кредити може делумно да се одбие од данок, што дополнително ја прави оваа стратегија привлечна.
• Инфлацијата исто така игра улога, бидејќи со текот на времето вредноста на парите опаѓа, па долгот реално станува полесен за враќање.
• Стратегија што ја користат и славните
• Оваа тактика не ја користат само технолошките милијардери. И Парис Хилтон земала хипотека за вилата вредна 63 милиони долари во Беверли Хилс, купена од актерот Марк Волберг.
• Иако нејзиното богатство се проценува на 300 до 400 милиони долари, таа и нејзиниот сопруг земале кредит од 43,75 милиони долари со камата од 5,25 проценти.
• „Buy, borrow, die“
• Меѓу најбогатите Американци е популарна стратегијата позната како „buy, borrow, die“ (купи, позајми, умри).
• Моделот функционира така што богатите:
• купуваат и акумулираат имот и инвестиции,
• позајмуваат пари користејќи го тој имот како гаранција и
• избегнуваат продажба на имот и плаќање данок на капитална добивка.
• Бидејќи позајмените средства не се сметаат за оданочлив приход, тие можат да финансираат потрошувачка без да плаќаат данок на добивка.

Ова покажува дека дури и кај најбогатите луѓе во светот, кредитот често е дел од внимателно испланирана финансиска стратегија, а не знак на недостаток на пари.

Тагови: Илон Маск милионери најбогат човек Свет