Безготовинските плаќања одамна се дел од секојдневието на современиот човек. Кредитните картички обезбедуваат сигурност, практичност и финансиска флексибилност при секоја трансакција. Вистинското прашање не е дали да имаме картичка, туку која Банка нуди најмногу вредност.

По однос на поволностите за корисниците, на пазарот особено се издвојува УНИБанка – динамична и современа Банка која задоволството на клиентите го става во прв план.

Со кредитна картичка од УНИБанка, доколку во месецот остварите промет во трговија од минимум 6.000 денари, се ослободувате од членарина – еден од најконкурентните услови на пазарот. Дополнително, клиентите кои остваруваат приливи на сметка во Банката, во првата година се целосно ослободени од членарина, без оглед на висината на прометот.

Посебна вредност носи и повратот на средства (cashback) од 0,5% за секоја трансакција во трговија – реална заштеда што директно влијае на домашниот буџет. Картичките овозможуваат месечна потрошувачка до висина од четири плати, до 40 дена бескаматен период, односно 0% камата доколку вкупниот потрошен износ се подмири во првите 10 дена од завршувањето на месечниот циклус, а доколку не се подмири се применуваат редовни каматни стапки согласно продуктот. Дополнително, достапна е и можност за купување на рати без камата кај бројни трговци со ПОС терминали на Банката, како и попусти кај широка мрежа на партнери.

За клиентите кои често патуваат, Mastercard^® Gold кредитните картички нудат дополнителни премиум бенефити, вклучително и бесплатен пристап за користење на услугите во деловните зони на над 1.500 аеродроми во светот – простор за одмор и уживање пред летот, со врвна услуга и комфор.

Сите картички на УНИБанка се со највисоки стандарди на сигурност и безбедност, овозможувајќи безгрижно плаќање – каде било и кога било.

Со УНИБанка како партнер од доверба, планирањето на патувања, пазарувања и лични задоволства станува поедноставно и поповолно.

Доколку сè уште немате кредитна картичка од УНИБанка, можеби токму сега е вистинскиот момент да изберете повеќе вредност за вашите финансии.

Тагови: УНИ БАНКА АД

Во денешниот брзопроменлив бизнис свет, компаниите кои не инвестираат во развојот на своите вработени ризикуваат да заостанат. Стагнацијата не е само чувство – таа се гледа во намалената продуктивност, низок морал и губење на конкурентската предност.

Обуките и развојните програми се клучот кој ја отвора вратата кон иновацијата. Тие не само што ги надградуваат вештините на вработените, туку ја поттикнуваат креативноста, ја зголемуваат ефикасноста и создаваат култура на учење во компанијата.

Компаниите кои редовно инвестираат во обуки забележуваат:

• Подобра адаптивност кон промени и нови технологии
• Зголемена мотивација и ангажман на тимот
• Брзо решавање на проблеми и иницијатива за нови проекти
• Намалување на тековноста на вработените и привлекување на таленти

Од стагнација до иновација е процес кој започнува со мал чекор – вложување во обука. Кога вашите вработени учат, расте целата компанија. Обуките не се трошок, туку стратегиска инвестиција која се враќа многукратно.

Поставете го прашањето денес: Дали вашата компанија е подготвена да ја трансформира иднината преку учење?

За најнови настани, работилници и саеми, најдобро е да ја посетиш директно страницата „Настани“ на KARIERA.mk каде редовно се објавуваат најави и агенди. 

Прочитајте и за: Што да ставите во CV кога немате работно искуство?

Тагови: настани обуки за вработени совети за работа

Скопје како главен град и економски центар на Македонија нуди широк спектар на можности за вработување во разни индустрии и сектори. Во последно време, пазарот на трудот во Скопје забележува зголемена побарувачка за професионалци од различни области, од технологија и маркетинг до угостителство и администрација. 

Еве некои од најновите и најпопуларни огласи за работа во градот:

Возач со Ц категорија
Продажен персонал - Capitol Mall
Оператори во производствен погон
Специјалист за корисничка поддршка на холандски јазик (Ц1 ниво)
Помлад истражувач во одделот Истражување и развој фармација

Останатите оглси за во Скопје можете да ги најдете ТУКА.

Прочитајте и за: Огласи за работа во Тетово!

Правото на платен годишен одмор е уставно загарантирано право . Уставот на Република Македонија става посебен акцент на неприкосновеноста на правото на одмор, со определбата дека од ова право вработениот не може да се откаже. Доследно на ова, евентуална изјава со која вработениот би се откажал од правото на годишен одмор, односно од правото на паричен надомест за годишен одмор (што му следува доколку не го искористи) , во правна смисла е ништовна, а тоа значи не произведува правно дејство. Со други зборови –секоја изјава што би ја потпишале дека се откажувате од годишен одмор или од правото да бидете платени – нема да важи на суд. Истото се однесува и за евентуална спогодба меѓу работодавачот и работникот.

Минимално и максимално траење на годишен одмор

Работникот има право од платен годишен одмор од најмалку 20 работни дена, со тоа што со колективен договор или договор за вработување годишниот одмор може да се продолжи најмногу до 26 дена. Тоа значи дека иако во договорот за вработување не е внесена посебна клаузула за годишен одмор, според важечките Колективни договори и за приватниот и за јавниот сектор кои се однесуваат на сите компании, независно дали се или не се негови потписници законскиот минимум за годишен одмор е 20 работни дена, а максимумот е 26 работни дена.

Повозрасен работник, инвалид, работник со најмалку 60% телесно оштетување и работник кој негува и чува дете со телесен или душевен недостаток има право на уште три работни дена годишен одмор. Работодавачот е должен на работникот да му издаде решение за правото на користење на годишен одмор.

Годишен одмор со скратено работно време

Работникот кој е пријавен со скратено работно време има право на годишен одмор со минимално времетраење од 10 работни дена

Користење на годишниот одмор

Според Законот годишниот одмор може да се користи во повеќе делови во договор со работодавачот, со тоа што еден дел од годишниот одмор мора да трае најмалку две непрекинати работни недели.

Работодавачот е должен на работникот да му обезбеди искористување на 12 работни дена годишен одмор до крајот на тековната календарска година, а остатокот до 30 јуни идната година. Годишниот одмор кој што не бил искористен во тековната календарска година заради отсутност поради боледување или повреда, породилен одмор или одмор за нега и чување на дете, работникот има право да го искористи до 30 јуни идната календарска година.

Исто така работникот има право два дена од годишниот одмор да ги искористи во денови коишто самиот ќе ги определи, ако тоа посериозно не го загрозува работниот процес, за што мора да го извести работодавачот најдоцна три работни дена пред користењето

Во годишен одмор не се пресметуваат:

Како други случаи на оправдано отсуство од работа што не се пресметуваат во годишен одмор се и деновите на платено отсуство (поради смртен случај, полагање на стручен испит за потребите на работодавачот, елементарни несреќи и сл.) , како и неплатено отсуство до три месеци во календарската година ( селидба и други приватни потреби).

Доколку се случи боледување за време на годишниот одмор работникот нема право да го продолжи одморот. Според ЗРО како ден на годишен одмор се смета секој ден на конкретниот работник одреден според распоредот на работното време кај работодавачот. Со други зборови ако во неделата работникот има 4 работни дена и три слободни во годишниот одмор се пресметуваат само 4 работни дена неделно.

Право на цел годишен одмор

Работникот кој за прв пат заснова работен однос (воопшто, не кај конкретниот работодавач) се стекнува со право на користење цел годишен одмор (од 20 до 26 работни дена) кога ќе оствари непрекината работа од најмалку 6 месеци, независно дали работи полно работно време или пократко. При тоа мора да се знае дека работниците, во случај на прво вработување, кои се пријавени на определено работно време кое е помало од 6 месеци формално правно немаат право на користење на цел годишен одмор, затоа што во тие 6 месеци биле пријавувани и одјавувани, без разлика што се работи за ист работодавач и помеѓу пријавувањето нема пауза. Тие имаат право на користење на пропорционален дел од годишниот одмор и тоа по два работни дена од секој месец работа.

Префрлување на цел одмор

Доколку во календарска година работникот не бил во можност да го искористи одморот за таа година поради: боледување или повреда, породилно отсуство или нега и чување на дете – може неискористениот одмор целосно да го искористи во наредната година, но само до 30 јуни.

Тагови: HR работнички права слободни денови неискористени