Денеска Регулаторна комисија за енергетика (РКЕ) донесе одлука за утврдување на највисоки малопродажни цени на нафтените деривати и горива за транспорт.

Според најновиот ценовник, од полноќ, дизелот поскапува за 14,5 денари, додека бензините за 5 денари.

Највисоките малопродажни цени на нафтените деривати и горива за транспорт, изнесуваат:

• Моторен бензин - ЕУРОСУПЕР БС - 95 - 79,50 (денари/литар);
• Моторен бензин - ЕУРОСУПЕР БС – 98 - 81,50 (денари/литар);
• Дизел гориво - ЕУРОДИЗЕЛ БС (Д-Е V) - 85,50 (денари/литар);
• Масло за горење - Екстра лесно 1 (ЕЛ-1) - 82,50 (денари/литар);
• Мазут М-1 НС - 42,586 (денари/килограм).

Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките цени утврдени во став (1) од овој член.

Тагови: дизел Регулаторната комисија за енергетика-(РКЕ) цени на горивата

Во последните неколку години, се појавува нов тренд на пазарот на труд – side hustle и таканареченото polyworking. Сè повеќе луѓе покрај својата основна работа имаат и дополнителна работа, проект или мал бизнис со цел да го зголемат својот приход, да развијат нови вештини или да ја следат својата страст.

Side hustle најчесто претставува дополнителна работа која се извршува во слободно време. Тоа може да биде фриленс работа, онлајн продажба, дигитален маркетинг, фотографија, изработка на ракотворби или консултантски услуги. Од друга страна, polyworking се однесува на луѓе кои истовремено работат повеќе професионални улоги, наместо да се фокусираат само на една кариера.

Зошто овој тренд станува сè популарен?

Постојат неколку причини поради кои сè повеќе професионалци се одлучуваат за дополнителна работа:

1. Дополнителен приход

Зголемените трошоци за живот ги мотивираат луѓето да бараат дополнителни извори на приходи.

2. Развој на нови вештини

Side hustle често им овозможува на луѓето да експериментираат со нови индустрии и да стекнат практично искуство.

3. Поголема финансиска сигурност

Имањето повеќе извори на приход создава чувство на стабилност и сигурност.

4. Следење на лична страст

Многумина ја користат дополнителната работа како начин да се занимаваат со нешто што навистина ги исполнува.

Како реагираат компаниите?

Додека некои компании го гледаат polyworking како ризик за продуктивноста, други го препознаваат како можност за развој на креативност и нови вештини кај вработените. Сепак, многу организации поставуваат јасни правила за да избегнат конфликт на интереси.

Предности и предизвици

Иако овој тренд носи бројни придобивки, тој може да донесе и одредени предизвици. Управувањето со време, балансот меѓу работата и приватниот живот, како и ризикот од професионален burnout, се само дел од факторите на кои треба да се внимава.

Иднината на polyworking

Со растот на дигиталните платформи и фриленс економијата, експертите предвидуваат дека polyworking ќе стане сè почест модел на работа. Наместо една традиционална кариера, сè повеќе луѓе ќе избираат комбинација од повеќе професионални улоги кои им носат финансиска стабилност и лична исполнетост.

Во свет каде што работата постојано се менува, флексибилноста и разновидноста на вештини стануваат клучни за успехот на модерниот професионалец.

Прочитајте и за: Најбараните професии во 2026 година

Тагови: HR трендови

Цените на нафтата денес надминаа 110 долари за барел поради прекини во снабдувањето, објавува „Trejding ekonomiks“.

Фјучерсите за сурова нафта VTI денес пораснаа за дури 31 процент, пред да се вратат во трговија за 13 проценти над 100 долари за барел, поради намалувањето на производството од страна на големите производители од Блискиот Исток по прекините во Ормутскиот теснец.

Претседателот на Соединетите Американски Држави, Доналд Трамп, денес изјави дека порастот на цените на нафтата, предизвикан од војната во Иран, е мала цена што треба да се плати за безбедноста и мирот во светот.

Краткорочните цени на нафтата, кои брзо ќе паднат откако ќе се заврши уништувањето на иранската нуклеарна закана, се многу мала цена што треба да се плати за САД, светот, безбедноста и мирот. Само будалите би размислувале поинаку, рече Трамп во објава на социјалната мрежа Truth Social.

Во неделатa, цената на нафтата скокна на повеќе од 100 американски долари за барел, за прв пат од почетокот на војната во Украина во 2022 година, објавува CNN.

РИА Новости денес објавува дека цената на суровата нафта Брент надмина 118 долари за барел за прв пат по речиси четири години, според податоците за тргување.

Според Хомаџун Фалакшахи, водечки аналитичар за истражување на сурова нафта во Kpler, нафтата би можела да „скокне“ на 150 долари за барел до крајот на март доколку патувањето низ теснецот не се обнови, објавува CNN.

Претходниот скок го означува најголемиот еднодневен раст од април 2020 година и највисокото ниво на цените од јуни 2022 година.

Во Ирак, производството од трите главни јужни нафтени полиња се намали за 70 проценти, односно од 4,3 милиони барели дневно, што се произведуваше пред конфликтот во Иран, на 1,3 милиони барели дневно.

Кувајт, петтиот најголем производител на ОПЕК, исто така започна со намалување на производството во саботата.

Ова следеше по намалувањето на производството на течен природен гас од Катар минатата недела, што дополнително ја намали глобалната понуда.

Аналитичарите, исто така, предвидуваат потенцијално намалување на производството од ОАЕ и Саудиска Арабија поради брзото полнење на складишните капацитети, објавува Танјуг. 

Тагови: Доналд Трамп нафтените деривати цени светската криза

По повод Денот на жената, нашиот тим организираше мала, но значајна кампања со која сакавме да им оддадеме почит на сите жени. На градскиот плоштад делевме ружи на случајни минувачки – мајки, студентки, вработени жени, пензионерки – со едноставна порака: ви благодариме што постоите.

Секоја ружа беше мал знак на внимание и благодарност за огромната улога што жените ја имаат во општеството. Низ разговори, насмевки и топли реакции, успеавме барем за момент да го разубавиме денот на многу дами кои поминуваа низ плоштадот.

Жените се столб на семејството, двигател на општеството и силна инспирација во сите области – од образование и бизнис, до култура и уметност. Нивната посветеност, храброст и грижа се нешта кои заслужуваат признание не само на 8-ми март, туку секој ден во годината.

Нашата цел беше едноставна – да потсетиме дека малите гестови можат да значат многу. Една ружа, искрена насмевка и збор на благодарност понекогаш се доволни за да се почувствува почитта и вредноста што ја носи секоја жена.

На сите жени им посакуваме многу успех, љубов, почит и можности да продолжат да го менуваат светот на подобро

Тагови: 8ми март подароци ружа