Министерот за внатрешни работи кој денеска беше во посета на делот од полицијата одговорен за Безбеден град рече дека се регистрирани 65.000 прекршоци за само 12 часа.

Со овој проект започнуваме нова етапа во унапредувањето на сообраќајната безбедност – сторителите на сообраќајни прекршоци ќе добиваат електронско известување за сторениот прекршок, документиран со современи технички средства и уреди за снимање. Нашата цел е јасна: повеќе безбедност, помалку прекршоци и нулта толеранција за несовесно возење, без разлика дали се работи за урбана зона или пат надвор од населено место. Во првите 12 часа од пробното функционирање на системот беа регистрирани неверојатни 65.000 прекршоци од кои за поминување на црвено светло 2800 и за нерегистрирано возило 1000. Оваа алармантна бројка уште еднаш ја потврдува неопходноста и оправданоста на системот, од кој очекуваме значително подобрување на сообраќајната култура, зголемена безбедност за сите учесници во сообраќајот и намалување на штетите и жртвите на патиштата, посочи Тошковски во својата објава на ФБ.

Со „Безбеден град“ обезбедуваме подобра дисциплина во сообраќајот, транспарентни процедури и брза електронска комуникација со граѓаните. Овој систем е инвестиција во спасени животи и побезбедни улици за сите. Продолжуваме посветено да ги модернизираме процесите и да го унапредуваме квалитетот на работата на МВР - додаде Тошковски.

Тагови: Сејф сити - Безбеден град

Во првите две недели откако стапи во сила законската обврска за задолжително поседување зимска опрема, на територијата на СВР Скопје санкционирани се вкупно 50 возачи. Казните се изречени во периодот од 15 ноември до 29 ноември 2025 година, кога и официјално започна примената на оваа мерка согласно Законот за безбедност во сообраќајот на патиштата.

Од Министерството за внатрешни работи потсетуваат дека сите возачи се должни во возилата да поседуваат соодветна зимска опрема – зимски гуми или соодветни помагала, зависно од законските одредби – со цел да се намали ризикот од сообраќајни незгоди во зимски услови. Непочитувањето на оваа обврска, како што покажуваат податоците, веќе резултира со конкретни парични казни.

Апелираме до возачите да се придржуваат кон законската обврска за поседување на зимска опрема, бидејќи така овозможуваме непречено и безбедно одвивање на сообраќајот на патиштата во зимски услови, порачуваат од МВР, додавајќи дека контролите ќе продолжат и во наредниот период. Возачите се охрабруваат да ја проверат подготвеноста на своите возила пред да тргнат на пат.

Тагови: зимска опрема МВР

Уште од основањето, повеќе од седум децении, Макпетрол АД отсекогаш бил предводник во примената на новитетите во погонските горива, во унапредувањето на квалитетот на своите производи, како и во воведувањето на алтернативни погонски горива кои придонесуваат за поголема заштита на животната средина.

Како компанија која константно расте и се унапредува, моментално го проширува својот тим и има отворено позиции за:

Бравар во Одделение за регионски поправувачи
Виш стручен соработник во Одделение за финансии
Стручен соработник во Одделение за безбедност и здравје при работа 

Доколку сакте да станете дел од Макпетрол аплицирајте и станете дел од една од водечките компании во Македонија.

Останатите рабони позиции можете да ги најдте ТУКА.

Тагови: МАКПЕТРОЛ

Во време кога притисокот, динамиката и брзите промени станаа секојдневие, компаниите сè повеќе сфаќаат дека успехот не почнува од бројките – туку од луѓето. Менталното здравје на вработените престана да биде „додатна вредност“ и стана клучен фактор за продуктивност, задржување на талентите и позитивна организациска култура.

Wellness програмите како нова HR стратегија

Се повеќе организации инвестираат во wellness иницијативи: флексибилно работно време, ментални health days, програми за физичка активност, mindfulness сесии, психолошко советување и активности за намалување стрес. Причината е едноставна: кога вработените се чувствуваат добро – работат добро.

Истражувањата покажуваат дека компаниите кои имаат развиени wellness програми бележат:

• До 25% поголема продуктивност,
• Повисока ангажираност,
• Помал отсуствување и намален стрес во тимовите.

Burnout – тивкиот непријател на модерните компании

Burnout-от веќе не е реткост, туку секојдневна HR реалност. Вработените често работат под висок притисок, со кратки рокови и ограничени ресурси, што доведува до замор, пад на мотивацијата и емоционална исцрпеност.

Компаниите кои го игнорираат burnout-от се соочуваат со:

• Повисока флуктуација,
• Пад на квалитетот на работа,
• Намалена креативност,
• Зголемени трошоци за рекрутација и обука.

Затоа современите HR тимови активно воведуваат алатки за следење на работниот товар, редовни check-in состаноци, поддршка од менаџерите и програми за resilience и стрес-менаџмент.

Благосостојбата – новата конкурентска предност

Компаниите што инвестираат во благосостојба не само што создаваат посреќни и здрави тимови, туку стануваат и поатрактивни за талентите. Денес кандидатите не гледаат само плата – туку култура, грижа и поддршка.

Организациите кои го ставаат менталното здравје како приоритет:

• Градат доверба,
• Подобруваат тимска динамика,
• Креираат стабилна, одржлива и човечка работа средина.

Добрата компанија не се гради само со KPI, туку со луѓе кои имаат енергија, креативност и психолошка сигурност. Менталното здравје не е трошок – туку најисплатлива инвестиција која се враќа преку подобри резултати, подобар тимски дух и поголема лојалност.

Компаниите кои ќе го препознаат ова навреме ќе бидат победници во новата ера на работа – ера во која благосостојбата станува темел на успехот.

Прочитајте и за: Вештини над дипломи: зошто сè повеќе фирми избираат skills-based hiring

Тагови: HR ментално здравје работа