Повеќе од 1.000 студенти останаа без субвенциониран студентски оброк, објави СтудентаријаМК, најголемиот извор на студентски информации во Македонија.

Поради бавноста и неефикасноста на административните процеси на некои факултети и институции, многу студенти не беа вклучени на листите за ноември, што доведе до прекин на правото на субвенциониран оброк, се наведува во изјавата на СтудентаријаМК.

Сега, кога рокот за аплицирање е завршен, тие ќе можат повторно да аплицираат дури во декември, што значи дека ќе останат без оброк цели два месеца“, информираат од СтудентаријаМК. Тие апелираат до Министерството за образование и наука да излезе во пресрет и да ги овозможи правата на студентите утврдени со закон.

Тагови: администрација студенти студентски оброк

Транспарентноста во однос на платите наскоро ќе стане задолжителна пракса во сите земји членки на Европската Унија, а оваа регулатива постепено ќе влијае и на пазарот на труд во Македонија.

Новата ЕУ директива за транспарентност на платите, која ќе стапи во целосна примена до 2026 година, има за цел да ја намали разликата во платите меѓу половите и да создаде пофер услови за сите работници. Според директивата, работодавачите ќе имаат законска обврска во огласите за работа да наведуваат:

• Јасно дефиниран опсег на плата или минимална основна плата,
• Критериуми врз основа на кои се утврдува заработката,
• Транспарентни информации во процесот на селекција и интервју.

Со оваа промена, завршува времето на нејасни фрази како „плата по договор“, а кандидатите ќе добијат поголема доверба и еднакви можности уште при првиот контакт со работодавачот.

За компаниите, транспарентноста носи и бројни придобивки:

✅ Гради доверба и позитивен работодавачки бренд,
✅ Ги привлекува вистинските кандидати,
✅ Го подобрува задржувањето на постојните вработени.

На платформата KARIERA.mk веќе постои можност компаниите да објавуваат огласи со наведена плата, а токму ваквите огласи бележат најголем интерес и најмногу апликации.

Пазарот на труд се менува - прашањето е: Дали вашата компанија е подготвена за новата ера на транспарентност?

Прочитајте и за: 39% од денешните вештини ќе бидат застарени до 2030 година

Тагови: HR плата транспарентност на плата

Грција најави нов, автоматски систем за контрола на сообраќајните прекршоци кој нема да им дозволи на странците да ја напуштат земјата со неплатени казни, објави Никана.гр.

Министерството за дигитална управа најави воведување нов систем кој директно ќе ја поврзе сообраќајната полиција со царината.
Тоа значи дека, штом ќе пристигнете на граница, системот автоматски ќе ги прикаже сите неплатени казни за сообраќајни прекршоци. Без разлика дали полицијата ве застанала и ви напишала казна, или пак новите сообраќајни камери ве снимиле при прекршок (иако можеби не сте ни знаеле за тоа), на граница ќе ве чека „сметка“.

Еве како функционира:
Ако, на пример, сообраќајна камера ве сними во Солун, истиот момент ќе бидете регистрирани, а казната во реално време ќе биде доставена на граничниот премин — уште пред да пристигнете.

Мерката се применува автоматски, блокирајќи го излезот сè додека долгот не се подмири.
Оваа новина е неопходна бидејќи годишно се издаваат казни во вредност од 100 до 110 милиони евра, а се наплаќаат само околу 40 милиони евра.

Целта е јасна: правичен и избалансиран однос меѓу возачите и значително зголемување на безбедноста во сообраќајот.

Тагови: Евзони казни

Transcom Macedonia го продолжува својот импресивен раст и проширување на бизнисот. Глобалната компанија, која веќе со години вработува илјадници професионалци ширум светот, доби нов клиент – што значи само едно: започнува големо вработување на германски говорници во Скопје и низ целата земја.

Овој проект носи долгорочна стабилност и бројни можности за професионален развој, а во центарот на приказната се луѓето кои ја сакаат комуникацијата, тимската работа и сакаат да бидат дел од средина која го поддржува нивниот раст.

Флексибилност и сигурност од првиот ден

Вработените во Transcom можат да изберат дали ќе работат од модерната канцеларија во Скопје или 100% од дома, уште од самиот почеток. Со тоа компанијата нуди целосна флексибилност, прилагодувајќи се на животниот стил и потребите на своите вработени.

Дополнително, сите нови членови на тимот добиваат договор на неопределено време, што е реткост на пазарот, особено во растечките индустрии на корисничка поддршка.

Привлечни бенефиции и можности за напредување

Transcom е познат по своите конкурентни услови за работа, а овој нов проект само го потврдува тој стандард. Новите вработени можат да сметаат на:

• 600 € bruto welcome bonus при почетокот на работата,
• одлична почетна плата со можности за бонуси,
• платена обука и постојана поддршка од ментори,
• работа во смени помеѓу 7:00 и 22:00, со можност за ноќна работа,
• бројни можности за напредување како што проектот расте и се развива.

Особено интересна е внатрешната програма за препораки што ја поттикнува Transcom – вработените кои ќе препорачаат пријатели или познаници можат да остварат дополнителни бонуси, погодности и подароци-вaучери, што уште повеќе го зајакнува тимскиот дух и чувството на заедништво во компанијата.

Култура што поттикнува раст и развој

Она што ја издвојува Transcom Macedonia од другите работодавци е опуштената и поддржувачка работна култура. Компанијата поттикнува отворена комуникација, размена на знаења и соработка меѓу колегите, создавајќи пријатна средина во која вработените се чувствуваат ценети и мотивирани.

Како што проектот ќе расте, се очекува и отворање на нови позиции – од специјализирани тимови до лидерски улоги – што дополнително потврдува дека станува збор за долгорочен и стабилен проект со перспектива за раст.

Со тоа, Transcom Macedonia уште еднаш го потврдува својот статус како еден од најпожелните работодавци во земјата – особено за сите кои течно зборуваат германски јазик и бараат сигурна, флексибилна и динамична кариера во меѓународно опкружување.

Тагови: Transcom Macedonia