Солта е неизбежен дел од нашата исхрана — го збогатува вкусот на храната и има важна улога во одржување на рамнотежата на течности и функцијата на мускулите и нервите. Без натриум, телото не може правилно да ја регулира водата и крвниот притисок, па токму затоа умерената количина сол е неопходна за здравјето.

Сепак, проблемот настанува кога внесот на сол ја надминува препорачаната дневна доза. Според Светската здравствена организација, возрасните треба да внесуваат најмногу 5 грама сол дневно — тоа е околу една кафена лажичка. Премногу сол во исхраната може да доведе до висок крвен притисок, срцеви заболувања, мозочен удар и заболувања на бубрезите. Најголемиот дел од солта не ја внесуваме само со готвењето, туку преку преработена храна, грицки, сувомеснати производи и конзервирани јадења.

За да ја најдете вистинската мера, обидете се да ја намалите употребата на сол постепено, заменувајќи ја со зачини, лимонов сок, лук, билки и маслиново масло. Читајте ги етикетите и бирајте производи со понизок процент на натриум. Балансот е клучот – доволно за да му помогнете на телото, но не премногу за да му наштетите. Вашето срце и бубрези ќе ви бидат благодарни.

Тагови: брза храна здравје сол

Следната недела ни доаѓа уште еден неработен ден кој многумина од нас со нетрпение го очекуваат. На 23 октомври, кој оваа година се паѓа во четврток, се одбележува Денот на македонската револуционерна борба, ден кој традиционално се слави и почитува како државен празник.

Овој празник е посветен на историските напори, револуционерните акции и желбата за самостојност кои ја обликуваа историјата на Македонија. На овој ден, сите граѓани ќе имаат можност да се одморат и истовремено да размислат за важноста на борбата за слобода и независност.

По овој празник, работниците ќе имаат уште еден посебен ден за одмор до крајот на годината – на 8 декември, кога се слави Св. Климент Охридски, ден кој оваа година се паѓа во понеделник. Овие неработни денови се одлична можност за одмор и прилика граѓаните да ја почитуваат својата историја и традиции.

Тагови: државни празници неработни денови

На 28 Септември 2025 година во Скопје се одржа конференција насловена „Јас сум жена“. Во рамките на конференцијата, учество на панелот „Македонки во светот“, учество зеде и Катерина Митровска, Потпретседател за односи со клиенти која зборуваше за нашата компанија, како место каде можете да работите за американска компанија, без да ја напуштите Македонија. Инаку, конференцијата беше поделена на пет панел-дискусии и тоа: Македонки во рурални средини, Македонки во нетипични професии, Македонки во енергетика, Македонки во светот, Мајките за Македонија и Мајките за Америка.

Од аспект на жена, тешко дека ке најдете подобри услови за работа од АПС. Родовата еднаквост е тука апсолутна, иако повеќето менаџерски позиции во компанијата ги држат жени. Не постои апсолутно никаква разлика во вреднувањето на трудот без разлика на пол, националност, религија, возраст. Правата на секоја вработена во однос на породилно отсуство, здравствена грижа и социјална сигурност се апсолутно почитувани, без никакви условувања.

Кога ќе ги земете во предвид и генералните услови за работа во АПС, како што се надпросечно високите плати, слободните викенди, и многуте регуларни привилегии, АПС е компанија во која навистина сакате да се вработите, без оглед дали ви е прво работно место или имате децениско искуство. Ве каниме да ги разгледате отворените работни позиции на нашиот веб сајт, и се надеваме дека ќе станете наши колешки. 

Погледнете ги сите отворени работни позиции ТУКА.

Тагови: Agile Pro Solutions

Министерството за енергетика, рударство и минерални суровини ги потсетува граѓаните дека, согласно Одлуката за денот и моментот на воведувањето и денот и моментот на завршувањето на летното сметање на времето во 2025 година, донесена од Владата на Република Северна Македонија на 28 март 2025 година и објавена во „Службен весник на Република Северна Македонија“ бр. 68, летното сметање на времето ќе заврши во недела, на 26 октомври 2025 година.

Со завршувањето на летното сметање на времето, во 03:00 часот наутро стрелките на часовникот ќе се поместат еден час наназад, односно времето во 03:00 часот ќе се смета како 02:00 часот.

Во согласност со Одлуката:

• Летното сметање на времето во 2025 година започна на 30 март во 02:00 часот, кога времето беше поместено еден час нанапред.
• Завршувањето на летното сметање ќе се изврши на 26 октомври во 03:00 часот, со поместување еден час наназад.

Тагови: зимско сметање на времето