Во време кога организациите се соочуваат со постојани предизвици, безбедноста и отпорноста стануваат клучни теми за секој бизнис. KARIERA.mk со задоволство го најавува настанот со Наталија Федорова, експерт за управување со кризи со повеќе од 10 години искуство во IT секторот и поранешен извршен директор за човечки ресурси во BRIGHTGROOVE.

Работилницата има за цел да понуди практични стратегии кои ги поврзуваат информациската безбедност, стандардот ISO 27001 и грижата за луѓето – со фокус на создавање функционални тимови и системи кои успешно се справуваат со кризни ситуации.

На 25.09.2025 во Holiday Inn, Скопје учесниците ќе дознаат:

• Како ISO 27001 може да биде алатка за вклучување на човечката димензија во безбедносната стратегија
• Зошто HR и IT треба да соработуваат при кризни ситуации и како тоа да го направат системски
• Како да се изгради тим кој носи стабилни одлуки под притисок и развива психолошка отпорност
• Кои се ризиците од работа на далечина, користење лични уреди и деловни патувања, и како тие да се минимизираат

Настанот ќе понуди реални сценарија, практични вежби и студии на случај, од релокација за време на криза, до анализа на безбедносни инциденти и процена на ризици.

Оваа работилница е дизајнирана за HR професионалци, IT менаџери, лидери на тимови и сите кои имаат улога во градењето на организациска отпорност.

📌 Резервирајте го вашето место по EARLY BIRD цена и осигурете се дека вашата организација е подготвена за идните предизвици!

Тагови: настани технологија

Македонската сообраќајна полиција не ги поштедува ниту пешаците како учесници во сообраќајот доколку не ги почитуваат правилата. Во извештајот за месец август, нотирано е дека санкционирани се и 164 пешаци и 81 возач на електричен тротинет.  

Согласно одредбите од Законот за безбедност на сообраќајот на патиштата минатиот месец санкционирани биле 1.149 возачи на мотоцикли за неносење заштитен шлем. 

Извештајот што вчера го објави МВР покажува дека во август биле сторени 19.343 сообраќајни прекршоци, а уапсени 82 возачи низ патиштата во земјава. 

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и заеднички да придонесеме за побезбедни патишта, потсетуваат од МВР. 

Тагови: МВР санкции

Банкси на брзата храна: Герила уметникот кој ги субвертира постерите на Мекдоналдс

Во светот на современата уметност, еден анонимен уметник наоѓа креативни начини да се спротивстави на корпорациите преку субверзирање на нивните рекламни кампањи во среде бел ден. Овој мистериозен уметник, кој ги привлекува интересите на многумина, успева да предизвика насмевки и размислување кај минувачите.

Опремен само со шестар и силжива, нашиот анонимен соговорник вешто ги вади рекламните постери на Мекдоналдс и ги заменува со свои креативни пораки што осудуваат конзумеризмот. Новите постери го тераат публиката да размислува за порокот на рекламирањето.

Уметникот на оваа форма на „анти-рекламирање“ вели дека е инспириран од заедницата на Брандализам, група на активисти кои се занимаваат со субвертирање на рекламите. Нивниот хумор и мастерство во креирањето на сатирични пораки ги тераат минувачите да го преиспитаат влијанието на корпоративниот свет.

Според него, пионерската битка против порокот на рекламирање може да се води на мирен начин, без насилство и без загрозување на јавниот имот. Тој верува дека ова е фер начин да се изрази незадоволство кон корпорациите, кои можат да си дозволат да изгубат некој рекламен простор.

Нашиот анонимен уметник веќе работел на околу 40 постери и не планира да застане тука. Покрај тоа што го доби прекарот „Банкси на брзата храна“, тој истакнува дека нема намера да се споредува со легендарниот уличен уметник, туку сака неговата порака да биде јасна и директна.

Тагови: маркетинг McDonalds

И оваа година, со особена радост, УНИБанка ја поздрави новата генерација првачиња, децата на своите вработени, кои започнаа едно ново и возбудливо поглавје во светот на знаењето.

Веруваме дека во секое дете се крие талент и сон кој заслужува да биде поттикнат и поддржан. Затоа УНИБанка организираше настан за првачињата на своите вработени,  исполнет со многу насмевки, креативност и дружба.

Оваа година, настанот беше збогатен со присуството на две гостинки: Ирина Тошева, модна дизајнерка препознатлива по својата посветеност кон одржливоста и Дуња Иванова, концертен пијанист, доктор на науки, наставник, автор, државен првак во велосипедизам. Преку своите приказни тие им покажаа на децата дека вреди да веруваат во сопствените соништа и дека секој талент може да биде пат кон успехот.

На работилницата, првачињата одговараа на едноставни, но многу симпатични прашања, како ја гледаат Банката, што сакаат да бидат кога ќе пораснат, дали спортуваат и какви се нивните навики. Одговорите предизвикаа многу насмевки и можете да ги погледнете на следниот линк:

За родителите, пак, УНИБанка обезбеди слободен ден, за да можат да бидат покрај своите деца во овој значаен момент и да создадат заеднички семејни спомени.

УНИБанка континуирано се грижи за благосостојбата на своите вработени и за подобар баланс меѓу работата и приватниот живот. Освен овој слободен ден, Банката нуди и други бенефиции како, слободен ден за роденден, слободен ден за загуба на домашно милениче како и Surprise day, односно дополнителен слободен ден како награда за исклучителен придонес и резултати.

Со вакви иницијативи, Банката уште еднаш ја потврдува својата посветеност кон семејните вредности, грижата за своите вработени и поддршката кон нивните семејства.

УНИБанка им посакува среќен и успешен почеток на сите првачиња во нивните нови училишни авантури.

Тагови: УНИ БАНКА АД