Банкси на брзата храна: Герила уметникот кој ги субвертира постерите на Мекдоналдс

Во светот на современата уметност, еден анонимен уметник наоѓа креативни начини да се спротивстави на корпорациите преку субверзирање на нивните рекламни кампањи во среде бел ден. Овој мистериозен уметник, кој ги привлекува интересите на многумина, успева да предизвика насмевки и размислување кај минувачите.

Опремен само со шестар и силжива, нашиот анонимен соговорник вешто ги вади рекламните постери на Мекдоналдс и ги заменува со свои креативни пораки што осудуваат конзумеризмот. Новите постери го тераат публиката да размислува за порокот на рекламирањето.

Уметникот на оваа форма на „анти-рекламирање“ вели дека е инспириран од заедницата на Брандализам, група на активисти кои се занимаваат со субвертирање на рекламите. Нивниот хумор и мастерство во креирањето на сатирични пораки ги тераат минувачите да го преиспитаат влијанието на корпоративниот свет.

Според него, пионерската битка против порокот на рекламирање може да се води на мирен начин, без насилство и без загрозување на јавниот имот. Тој верува дека ова е фер начин да се изрази незадоволство кон корпорациите, кои можат да си дозволат да изгубат некој рекламен простор.

Нашиот анонимен уметник веќе работел на околу 40 постери и не планира да застане тука. Покрај тоа што го доби прекарот „Банкси на брзата храна“, тој истакнува дека нема намера да се споредува со легендарниот уличен уметник, туку сака неговата порака да биде јасна и директна.

Тагови: маркетинг McDonalds

И оваа година, со особена радост, УНИБанка ја поздрави новата генерација првачиња, децата на своите вработени, кои започнаа едно ново и возбудливо поглавје во светот на знаењето.

Веруваме дека во секое дете се крие талент и сон кој заслужува да биде поттикнат и поддржан. Затоа УНИБанка организираше настан за првачињата на своите вработени,  исполнет со многу насмевки, креативност и дружба.

Оваа година, настанот беше збогатен со присуството на две гостинки: Ирина Тошева, модна дизајнерка препознатлива по својата посветеност кон одржливоста и Дуња Иванова, концертен пијанист, доктор на науки, наставник, автор, државен првак во велосипедизам. Преку своите приказни тие им покажаа на децата дека вреди да веруваат во сопствените соништа и дека секој талент може да биде пат кон успехот.

На работилницата, првачињата одговараа на едноставни, но многу симпатични прашања, како ја гледаат Банката, што сакаат да бидат кога ќе пораснат, дали спортуваат и какви се нивните навики. Одговорите предизвикаа многу насмевки и можете да ги погледнете на следниот линк:

За родителите, пак, УНИБанка обезбеди слободен ден, за да можат да бидат покрај своите деца во овој значаен момент и да создадат заеднички семејни спомени.

УНИБанка континуирано се грижи за благосостојбата на своите вработени и за подобар баланс меѓу работата и приватниот живот. Освен овој слободен ден, Банката нуди и други бенефиции како, слободен ден за роденден, слободен ден за загуба на домашно милениче како и Surprise day, односно дополнителен слободен ден како награда за исклучителен придонес и резултати.

Со вакви иницијативи, Банката уште еднаш ја потврдува својата посветеност кон семејните вредности, грижата за своите вработени и поддршката кон нивните семејства.

УНИБанка им посакува среќен и успешен почеток на сите првачиња во нивните нови училишни авантури.

Тагови: УНИ БАНКА АД

Од денеска стапува во сила новиот Правилник кој воведува промени согласно европските стандарди во процесот за одобрување на типот на возилото. Министерството за енергетика објави дека по 17 години законодавството за возила ќе биде целосно прилагодено на ЕУ барањата.

Главните промени се однесуваат на одобрување на тип за сите варијанти и изведби според WVTA документот. Единечно одобрување ќе се врши само за возила без типизација во државата или ЕУ. Возилата со претходно одобрен тип директно ќе се испраќаат на идентификација и оценка на техничката состојба.

Новината ќе овозможи значителни заштеди – според груби пресметки, 1,3 милиони евра годишно оделе за TÜV потврди, кои сега ќе се регулираат преку домашните овластени застапници. Пониските трошоци и побрзите постапки ќе придонесат кон ефикасноста на процесот.

Тагови: автомобили Европа

Училишното ѕвонче денеска ќе го означи почетокот на новата учебна 2025/2026 година за 245 илјади ученици, односно 177.800 основци и 67.200 средношколци. До Министерството за образование се пристигнати податоци за 17.250 првачиња и 17.230 ученици во прва година во средното образование, но податоците не се конечни, со оглед дека училиштата се уште доставуваат бројки.  

Настава ќе има до 10 јуни, а исклучок ќе бидат матурантите за кои редовните часови ќе траат до 15 мај. Обезбедени се учебници за сите ученици, а првпат по седум години ќе има и учебници по странските јазици. Вештачката интелегенција влегува во наставата, а образовни асистенти ќе можат да добијат и средношколци. 

Министерката за образование и наука Весна Јаневска вчера на прес-конференција информираше дека во повеќе училишта условите за настава се подобрени, а инклузијата е подигната со ангажирање на зголемен број образовни асистенти во основното и првпат во средното образование. 

Втора учебна година по ред започнува со учебници за сите ученици. Целосно нови учебници има за седмо одделение во основното образование и за прва година во гимназиите, поради примената на нови наставни програми и најавувам дека овој процес на обнова на наставните содржини ќе има континуитет. Првпат после седум години, учениците ќе добијат и учебници по странски јазици – англиски, француски, германски и италијански јазик, истакна Јаневска, нагласувајќи дека сите се испечатени и над 90 проценти од тиражот е веќе испорачан.

Од оваа учебна година започнува примената на нов електронски дневник кој има значително подобри перформанси од претходниот и наставниците ќе можат да се најават и пополнуваат податоци во секој момент.

Вештачката интелигенција влегува во наставата за што е изготвен сеопфатен прирачник за едукација и на наставници и на ученици, со јасни инструкции за етичка и ефикасна примена на новите технолошки алатки за образовни цели.

Тагови: Весна Јаневска училиште