На 31 јули и 1 август, нашата екипа од KARIERA.mk со насмевки, подароци и позитивна енергија ги испрати патниците на летување токму од Граничен Премин „Богородица“

Импресиите се феноменални – луѓето беа воодушевени, насмеани и пријатно изненадени што некој се сетил да им го разубави почетокот на патувањето. Разменивме убави зборови, направивме заеднички фотографии и ги испративме со добра енергија и позитивен дух.

Ова е само потсетување дека летото не е само време за одмор, туку и инспирација за нови цели – и кога сте на плажа, и кога сте на пат. KARIERA.mk секогаш е со вас – чекор понапред, и со работа, и со уживање!

Денес ви ги издвојуваме најпосетуваните работни позиции од реномирани компании на KARIERA.mk, се надеваме дека ќе го најдете вашето идеално работно место меѓу нив.

H&M е компанија водена од вредности која сака да го поведе патот кон поинклузивен свет. За нас, Разновидноста и инклузијата се однесуваат на тоа кои сме ние и кои сакаме да бидеме. Придружете ни се во правењето стилот поодржлив, а модата поинклузивна. Во H&M, ве покануваме да бидете свои и ве предизвикуваме да растете и да направите разлика. Добредојдовте во H&M, каде што можете да бидете свои и повеќе.

Моментално вработува:

ВИЗУЕЛЕН АРАНЖЕР – ТЕТОВО
МЕНАЏЕР НА ОДДЕЛ - ТЕТОВО

Еast Gate Mall e најголем трговски центар во земјата и регионот кој ќе понуди богата и уникатна содржина на шопинг, гастрономија, забава, релаксација и култура.

Моментално вработува:

IT SYSTEM ADMINISTRATOR
СЕРВИС ДЕСК АДМИНИСТРАТОР

Лидл е семеен бизнис заснован на едноставна филозофија: дека клиентите заслужуваат најквалитетни стоки и намирници по цени што секој може да си ги дозволи. Веќе повеќе од четириесет години, уникатниот пристап на Лидл ги менувa и подобрувa заедниците во 30 земји, каде што Лидл се прошири и оперативно работи со околу 12.200 продавници и вработува повеќе од 376.000 луѓе.

Моментално вработува:

СПЕЦИЈАЛИСТ ЗА ПРИВЛЕКУВАЊЕ НА ТАЛЕНТИ
ЦАРИНСКИ ДЕКАЛАРАНТ
СПЕЦИЈАЛИСТ ЗА НАБАВКА НА ОПРЕМА ЗА МАРКЕТИ
СПЕЦИЈАЛИСТ ЗА ПРОМОЦИЈА НА ПРЕХРАНБЕНИ ПРОИЗВОДИ
СПЕЦИЈАЛИСТ ЗА НАБАВКИ - ОВОШЈЕ, ЗЕЛЕНЧУК, ЦВЕЌИЊА И РАСТЕНИЈА
ПРОЕКТЕН МЕНАЏЕР ВО ОДДЕЛ НАБАВКИ - ПРЕХРАМБЕНИ ПРОИЗВОДИ
ЕКСПЕРТ ЗА HACCP
СПЕЦИЈАЛИСТ ЗА ЕТИКЕТИРАЊЕ И ПРЕВОД

Издавачки центар ТРИ се наметнува како мошне сериозен и инвентивен издавач на македонската културна сцена, пред сè поради својата ориентација кон најактуелните книги во светот. Денес ТРИ ја продолжува својата мисија – секогаш да биде во чекор со важните случувања на светската книжевна и културна сцена. Како свој приоритет ја поставува целта да ја направи книжевноста достапна до сите.

Моментално вработува:

МАГАЦИОНЕР/ДИСТРИБУТЕР НА КНИГИ

ВДЛ Ван Хоол Македонија е дел од холандската Групација ВДЛ. Компанијата дојде во земјава во 2012 година кога ја изгради и фабриката во Технолошко индустриската развојна зона Скопје2 во Бунарџик, со што ја врати традицијата на автобуската индустрија во земјата.

Сите огласи од Ван Хоол Македонија можете да ги најдете ТУКА.

Рамстор Македонија е ланец од 27 маркети, еден онлајн маркет „Рамсторе до дома” и еден трговски центар Рамстор мол кој ги искористи можностите на пазарот на труд да се докаже како работодавец кој нуди успешна кариера за своите вработени.

Сите огласи од Рамстор Македонија можете да ги најдете ТУКА.

Триглав Осигурување АД, Скопје, лидер на пазарот на неживотно осигурување и дел од најголемата осигурителна и финансиска групација во регионот Адриа.

Моментално вработува:

СОРАБОТНИК ЗА ПОДДРШКА НА ОСИГУРУВАЊЕ

Групацијата Виндија опфаќа 14 компании, од кои 8 се со седиште во Хрватска и 6 во соседните земји. Вработува повеќе од 4.000 луѓе. Беспрекорниот квалитет на производите на Виндија е препознаен на бројни меѓународни саеми, што со гордост ја направи компанијата добитник на бројни награди.

Моментално вработува:

ВОЗАЧ ДИСТРИБУТЕР - Ц КАТЕГОРИЈА

b watch 1920 нашата мисија е задоволување на барањата и потребите на купувачите во Македонија, бидејќи сме најценет и добро познат бренд за продажба и дистрибуција на часовници и накит.

Моментално вработува:

АСИСТЕНТ ЗА ПРОДАЖБА – БИТОЛА
AСИСТЕНТ ЗА ПРОДАЖБА – СКОПЈЕ
АДМИНИСТРАТОР

Зегин ДОО е првата приватна компанија во Република С. Македонија регистрирана за продажба на лекови.

Сите огласи од Зегин можете да ги најдете ТУКА.

Се уште невработени?! Сите останати активни работни позиции можете да ги најдете ТУКА.

Преговарањето за плата може да биде стресно, но исто така е и вештина што може да се научи. Многу луѓе прават грешки кои ги чинат буквално илјадници денари. Ако си подготвен/а да бараш повисока плата, добро е да знаеш што не смееш да направиш. Еве ги најчестите стапки во кои не треба да западнеш:

1. Да молиш, наместо да аргументираш

Барањето покачување не треба да звучи како молба од очај. Фокусирај се на вредноста што ја носиш, резултатите што си ги постигнал/а и зошто твојот придонес заслужува повисока компензација. Самодовербата е клучна – не убедувај со емоции, туку со факти.

2. Да се споредуваш со колегите

„Знам дека Марко зема повеќе од мене…“ – ова е неприфатливо во разговор за плата. Работодавците сакаат да слушнат што ти индивидуално придонесуваш, а не што прави некој друг. Преговарањето не е натпревар, туку разговор за твојата вредност.

3. Да прифатиш веднаш, без размислување

Ако ти понудат покачување или нова плата, не ја прифаќај веднаш – дури и ако изгледа добро. Побарај време за размислување, направи споредба со пазарот, и одговори информирано. Брзото „да“ може да те чини подобра понуда.

4. Да не се подготвиш пред разговорот

Преговарање без подготовка е како да одиш на испит без учење. Истражи ги просечните плати за твојата улога, подготви конкретни примери за твојата успешност и вежбај го твојот настап. Колку повеќе вежбаш, толку помалку ќе звучиш несигурно.

5. Да поставиш ултиматум (освен ако навистина си подготвен/а да заминеш)

„Или ќе ми ја зголемите платата, или давам отказ!“ – звучи храбро, но ако не си подготвен/а да си заминеш, ова може да биде ризично. Уцени ретко водат до позитивен исход. Наместо тоа, настапи професионално и покажи отвореност за дијалог.

Заклучок:

Платата не е табу тема – твојата работа има вредност, и нормално е да бараш соодветна компензација. Но за да бидеш сериозно сфатен/а, мораш да настапиш паметно, сигурно и подготвено. Запомни: првиот чекор до повисока плата е да знаеш што да избегнеш.

Прочитајте и за: Пет техники за ослободување од стресот по професионален неуспех

Тагови: HR зголемување на плата плата совети за работа

Што е Лабубу и зошто е популарен?

Лабубу е кукла од серијата „The Monsters“ создадена од хонгконшкиот уметник Кејсинг Лунг и произведена од кинеската компанија Pop Mart. Куклата има уникатен изглед со остри уши, големи очи и препознатлива насмевка, и често се купува во „слепи кутии“ каде не знаете која варијанта ќе ви се падне. Иако Лабубу почнал како локален тренд во Кина, глобалната популарност експлодирала кога ѕвезди како Лиса од Blackpink, Ријана и Ким Кардашијан почнале да објавуваат фотографии со куклите.

Како стана глобален хит?

Популарноста на Лабубу порасна драстично во 2024 година, откако неколку селебрити личности го промовираа на Инстаграм. Побарувачката стана толку голема што во продавниците низ светот се редат редици. Pop Mart, благодарение на Лабубу, ја зголеми својата вредност на берзата за повеќе од 500%, а куклата стана симбол на модерната колекционерска култура и неочекувана форма на „мека моќ“ од Кина.

Што ја прави куклата толку привлечна?

Опсесијата со Лабубу е тешко објаснива – комбинација од уникатен дизајн, елемент на изненадување, влијание од социјалните мрежи и чувството на ексклузивност. Колекционерите, како Дезмонд Тан од Сингапур, велат дека задоволството доаѓа и од „ловот“ – да се најде ретко парче без да се знае што има во кутијата. Овој тип на интеракција, заедно со емоционалната поврзаност што се гради преку видеа за „распакување“, ја одржува опсесијата жива

Тагови: тренд Лабубу кукла