Компаниите често нудат производи или услуги бесплатно со цел да привлечат корисници или да изградат добра волја, но тоа носи скриени ризици. Штом потрошувачите ја прифатат „бесплатната“ цена како нормална, подоцна е тешко да се наплати. Бесплатното често води до недоволна вреднување, злоупотреба и нереални очекувања што ја загрозуваат одржливоста на понудата.

Истражувањата покажуваат дека луѓето повеќе ја ценат и правилно користат услугата кога плаќаат, дури и мал износ. Примерот со двата парка во Египет – еден со влезница и добро одржуван, друг бесплатен и запуштен – покажува како малата цена гради одговорност и обезбедува средства за одржување. Исто така, поставување на „сидрена вредност“ преку промоции, видливи пакети и фремиум модели може да го обликува перцепираниот квалитет, дури и ако наплатата не е веднаш.

Луѓето полесно прифаќаат повисоки цени ако навреме се информирани и ако ја разбираат вредноста што ја добиваат. Стратегиите како порано известување за промени, користење на ограничени бесплатни понуди и нагласување на заштеденото време или придобивки, го подготвуваат теренот за плаќање. Ова создава чувство дека се инвестира, наместо да се губи нешто што порано било бесплатно.

Тагови: пари производ ризик

Во многу култури бројките имаат симболично значење. Најпознат пример е „петок, 13-ти“, кој се смета за несреќен ден. Овој страв потекнува од скандинавска митологија, каде 13-тиот бог Локи предизвикал смрт и темнина. Слично суеверие постои и во Шпанија, но за „вторник, 13-ти“, кој се поврзува со богот на војната Марс, падот на Константинопол и библиската Вавилонска кула.

Среќните и несреќните бројки се разликуваат ширум светот. Во Кина бројот 8 се смета за среќен, додека бројот 4 е несреќен поради сличноста со зборот „смрт“. Наспроти тоа, бројот 7 е среќен во западните култури. Бројот 666 е симбол на ѓаволот и Антихристот, според христијанската Библија.

Во САД, бројот 23 има посебно место меѓу суеверните – се поврзува со убиството на Јулиј Цезар, рок-легендата Курт Кобејн и терористичкиот напад на 11 септември. Оваа опсесија кулминирала со холивудскиот филм „Бројот 23“ со Џим Кери. Сето ова покажува колку нумерологијата, митологијата и културните верувања влијаат на луѓето ширум светот

Тагови: традиции петок 13-ти несреќа

Секојдневно се враќате дома „исцедени“, иако физички не сте помрднале. Ви се чини дека е нормално, но дали е? Можеби не е обемот на работа тоа што ве троши туку скриените извори на стрес кои тивко ви ја црпат енергијата.

Еве неколку чести (но често игнорирани) виновници:

1. Непостојани очекувања

Кога задачите постојано се менуваат, а роковите стануваат сè покуси — се јавува чувство на изгубена контрола, што директно води до анксиозност.

2. Недостаток на јасна комуникација

Нејасни инструкции, пасивно-агресивни пораки или тишина од менаџментот можат да бидат понапорни од секој Excel sheet.

3. Секогаш „онлајн“ култура

Ако сте достапни 24/7, дури и по работно време мозокот никогаш не добива сигнал да се „исклучи“. Тоа го забрзува менталното прегорување.

4. Ограничено признание

Кога вашата работа не се препознава, мотивацијата опаѓа, а фрустрацијата расте. Секој сака да чуе „браво“ понекогаш.

5. Токсична работна атмосфера

Негативни колеги, интриги, фаворизирање... сето тоа создава средина каде стресот станува хроничен, а желбата за работа исчезнува.

Што можете да направите?

• Водете си дневник на стресни ситуации
• Отворено комуницирајте со тимот/менаџерот
• Не се плашете да поставите граници
• Размислете дали е време за промена

На крајот од денот, не сте создадени да „се жртвувате“ за работата. Работата треба да биде дел од животот, не извор на постојан стрес.

Сакате поголем успех на работа? Прочитајте и за: Микронавики за големи резултати: Како мали промени водат до поголема продуктивност на работното место

Тагови: HR совети за работа стрес на работно место

Со гордост сакам да ви соопштам дека вчера, на Комисијата за транспорт и дигитална трансформација, 4 клучни закони кои се однесуваат на дигитализација на државните служби и услугите кон граѓаните, го поминаа првиот собраниски филтер, изјави Тони Јаревски, пратеник на пратеничката група на ВМРО-ДПМНЕ.

Станува збор за Законот за електронски комуникации, Законот за безбедност на мрежи и информациски системи, Законот за архивски материјал, како и Законот за електронски документи и електронска идентификација.

Со ова, Собранието даде зелено светло за владата да ја направи најтемелната трансформација на односите, односно начинот на кој комуницираат граѓаните и државните органи. Со овие реформи, граѓаните ќе можат од својот дом да симнат и испечатат документи кои ќе имаат правна важност еднаква како оние издадени на шалтер, документи кои ќе содржат QR-код како безбедносен елемент и доказ за автентичност, рече Јаревски.

Тој додаде дека се воспоставува и целосен инспекциски надзор над дигиталните услуги, со јасно утврдени 22 задолженија на инспекторите кои ќе дејствуваат под капата на новото Министерство за дигитализација односно за дигитална трансформација.

Предвидените глоби за институциите што нема да ги прифатат дигиталните документи се јасен сигнал дека дигиталната реформа не е опција, туку обврска, рече Јаревски.

Тој додаде дека ќе следи јавна расправа за овие закони со цел во овој, како што рече, сериозен државен зафат да се вклучи експертската и стручната јавност. 

Тагови: Тони Јаревски дигитализација