Кафето е еден од најконсумираните пијалаци во светот, и со причина – освен што не разбудува, има и бројни корисни својства за здравјето. Богато е со антиоксиданси и може да помогне во намалување на ризикот од некои хронични болести, како што се Паркинсонова болест, Алцхајмерова болест и тип 2 дијабетес. Умерената консумација (2–3 шолји дневно) може да го подобри менталниот фокус, расположението и општата когнитивна функција.

Сепак, прекумерното внесување кофеин може да има и негативни последици. Премногу кафе може да предизвика несоница, вознемиреност, забрзано чукање на срцето или зголемен крвен притисок. Исто така, кај луѓе со осетлив стомак, кафето може да доведе до појава на киселина или дигестивни проблеми. Бремените жени и луѓето со кардиоваскуларни болести треба да бидат особено внимателни со количината на кофеин што ја внесуваат.

Најдобриот пристап е рамнотежа – кафето може да биде дел од здрав животен стил ако се консумира умерено и без прекумерни додатоци како шеќер и калорични сирупи. За максимален бенефит, препорачливо е да се комбинира со здрава исхрана, физичка активност и доволно сон.

Тагови: здравје кафе

Универзитетот „Св. Кирил и Методиј“ во Скопје годинава одбележува 76 години од своето основање, со тридневна програма на настани што се одржуваат на 23 и 30 мај. Свеченостите започнуваат со концерт на АКУД „Мирче Ацев“ во Дом на АРМ. Централниот настан ќе се одржи на 24 мај пред Ректоратот, каде ќе се положи цвеќе на споменикот на светите Кирил и Методиј, а потоа ќе следи свечена програма со говори и доделување награди за најуспешните студенти.

Свеченоста вклучува и обраќања на ректорката проф. д-р Биљана Ангелова и студентскиот претставник Александар Николовски, доделување на наградата „26 Јули“ од Фондацијата „Франк Манинг“ и уметничка програма од студентите на Факултетот за музичка уметност. Како дел од јубилејот, на 30 мај ќе се додели и титулата professor honoris causa на професорот д-р Питер Марк од Рурскиот универзитет во Германија.

Од УКИМ истакнуваат дека Универзитетот останува симбол на академска извонредност и двигател на знаењето, науката и општествениот прогрес. Прославата на годишнината е потсетник за важноста на УКИМ како темел на високото образование и најдобра основа за градење на успешна кариера.

Тагови: образование УКИМ факултет

Нептун е најголемата малопродажна и дистрибутивна мрежа на производи од бела техника, апарати за домаќинство, ТВ/Аудио/Видео, компјутери, телефони, фото апарати и камери, производи за нега и убавина, ладење и греење, во Македонијa.

Моментално вработува:

Референт за продажба во Велес
Референт за продажба во Тетово
Референт за продажба во Штип
Референт за продажба во Скопје

Се уште невработени?! Сите останати активни работни позиции ќе ги најдете ТУКА.

Тагови: Нептун Македонија

Околу 2.200 припадници од армиите на 7 НАТО земји и две партнерски држави, меѓу кои 950 од македонската Армија, ќе учествуваат во мултинационалната воена вежба „Immediate Response 25“. Вежбата ќе се одржи од 26 мај до 9 јуни на армискиот полигон „Криволак“ и ќе вклучи борбени сценарија како боеви гаѓања, премин преку река, сајбер-одбрана и АБХО активности. Учесниците ќе користат напредна воена опрема како хеликоптери AH-64 Apache, тенкови Leopard, минофрлачи и оклопни возила со цел зголемување на интероперабилноста и подготвеноста на силите.

Началникот на Генералштабот на АРМ, генерал Сашко Лафчиски, истакна дека оваа вежба е значајна за унапредување на регионалната безбедност и претставува тест за лесната пешадиска баталјонска бригада. Командантот на Командата за операции, генерал Мирче Ѓоргоски, додаде дека „Криволак“ станува стратешки важна локација за НАТО, каде се разменуваат искуства и се покажува високо ниво на подготвеност на учесниците.

Покрај Македонија, вежбата ќе се одржува истовремено и во Албанија, Бугарија, Хрватска, Грција, Косово, Црна Гора и Словачка како дел од серијалот „Defender 25“. За време на вежбата ќе се користи само стандардна муниција во согласност со еколошките стандарди. На 1 јуни во Кавадарци ќе се организира отворен ден за граѓаните со изложба на воена опрема, а во Штип, Битола и Скопје ќе се одржат концерти на воени оркестри од АРМ и Националната гарда на Вермонт.

Тагови: Армија на РСМ НАТО