Стандардната работна недела, од девет до пет, можеби станува историја. Основачот на „Microsoft“, Бил Гејтс, верува дека вештачката интелигенција (AI) ќе ги замени луѓето на повеќето работни места, овозможувајќи работа само два дена неделно. Тој нагласува дека AI ќе ја направи „интелигенцијата бесплатна“, со далекусежни последици за пазарот на трудот.

Ризици и предизвици

Гејтс алудира на доаѓањето на вештачката општа интелигенција (AGI), кога AI ќе ги надмине способностите на луѓето во многу области. Тој предупредува на суштински промени во вработувањето, каде што многу работни места ќе исчезнат. Џефри Хинтон дополнително истакнува дека може да се создаде нееднаквост во општеството, а иднината ќе зависи од поддршка на луѓето и без класично вработување.

Етички дилеми и визии за иднината

Иако визијата на Гејтс за изгледот на работата звучи примамливо, се појавуваат важни етички прашања: кој ќе ја контролира оваа напредна технологија и како ќе се користи? Ватикан предупредува за потенцијалните опасности, ако AI се најде „во погрешни раце“. Радикалното кратење на работната недела изгледа како сон, но полн со непознати. Светот на работата е пред големи промени, и тоа побрзо од кога било.

Тагови: Microsoft вештачка интелигенција работна недела Бил Гејтс

Цените на горивата драстично се разликуваат од земја до земја – и тоа не е случајно. Економските услови, политичките одлуки и географската положба играат клучна улога во формирањето на цената што граѓаните ја плаќаат на бензинските пумпи.

На самиот врв на листата со најскап бензин се наоѓа Хонг Конг, каде литар ЕУРОСУПЕР 95 чини дури 3,45 евра – тоа се околу 215 денари! Следуваат Исланд со цена од 2,35 евра, Данска (2,21 €), Холандија (2,20 €) и Лихтенштајн (2,14 €).Причината за овие високи цени најчесто лежи во високите државни даноци, но и во трошоците за увоз и складирање на горивото, особено кај земјите кои немаат сопствена нафта.

Од другата страна на спектарот, нафтата е речиси бесплатна. Во Либија, литар бензин чини само 0,027 евра, што е отприлика 1,7 денари. По неа следат Иран со 0,029 евра и Венецуела каде литар гориво се продава за само 0,035 евра.

Овие ниски цени се резултат на државно субвенционирање и големи домашни резерви на нафта, што им овозможува на овие земји да ја одржуваат цената на бензинот вештачки ниска.

Тагови: гориво цени на горивата

Во последниве неколку години, такси услугите во Скопје доживеа значителен напредок и модернизација. Со зголемената конкуренција и потребите на граѓаните за сигурен, брз и удобен превоз, неколку такси компании се издвојуваат како најбарани и најдоверливи во главниот град.

Најбарани и најпопуларни такси компании во Скопје:

🚕 Global Taxi (Глобал Такси)

Една од најпрепознатливите такси компании во Скопје. Познати се по брзината, професионалноста и чистите возила.

Телефон: 15180

Мобилна апликација: Да

🚕 Nashe Taxi (Наше Такси)

Долгогодишна компанија која важи за многу сигурна, со пристојни цени и корисничка поддршка.

Телефон: 15152

🚕 Експрес Такси Скопје

Експрес Такси е една од постарите служби во Скопје, со стабилна клиентела и познати по тоа што секогаш имаат слободно возило, дури и во шпиц термин.

Мобилен: 070 451 157

🚕 Вардар Такси

Најчесто го избираат луѓето кои сакаат сигурна услуга без изненадувања. Идеален избор за секојдневно движење низ градот.

Телефон: 15195

Цени и начини на плаќање

• Цените на такси услугите во Скопје во последниве години се движат во стандардни рамки:
• Почетна тарифа: 50 денари
• Цената по километар: од 23 до 27 денари, во зависност од компанијата

Повеќето компании овозможуваат и плаќање со картичка, преку мобилна апликација или во готово. Во последно време, сѐ поголем број корисници користат и мобилни апликации за нарачка на возило со точна локација.

Тагови: такси цени

Во последниве 20 години, Париз направи драстични промени: велосипедски патеки наместо булевари за коли, нови паркови и укинување на 50.000 паркинг места. Резултатот? Драстично почист воздух.

Според Airparif, независна организација за следење на квалитетот на воздухот, од 2005 година наваму, нивото на штетните честички PM 2.5 е намалено за 55%, а на азотниот диоксид – за 50%. Главната причина: јавни политики што го ограничуваат сообраќајот и ги исклучуваат најзагадувачките возила од улиците.

Картите за загаденост покажуваат дека црвените зони – порано распространети низ целиот град – денес се сведени само на неколку прометни булевари. Овие бројки се доказ дека храбра политика може директно да влијае на јавното здравје. PM 2.5 и азотниот диоксид се поврзуваат со срцеви заболувања, рак, бронхитис и астма.

Под водство на градоначалничката Ан Идалго, Париз стана „град што дише“. И покрај отпорот од дел од јавноста, нејзините политики добија поддршка: минатиот месец, Паризјани изгласаа нови 500 улици да станат пешачки зони. Претходно, беа воведени и трипати повисоки паркинг такси за SUV возила.

Париз не само што го намали сообраќајот – тој ја врати улицата на граѓаните.

Тагови: автомобили Европска Унија загадување Франција