КС Групацијата во чиј состав влегуваат компаниите Евротип, Голд Слот, Голд Фелициа, Премиум Сејфти Солушн, 77 Ентертејмент и 77 Софт и оваа година на сите свои вработени им подели велигденски вредносни ваучери.

КС Групација одвои над 1.000.000 денари за традиционалните велигденски ваучери. Вработените имаа можност да изберат помеѓу ваучер од Голд Фелициа, ваучер од МинтИнс и ваучер од маркет. Со ваучерите групацијата им го честита големиот христијански празник Велигден на своите вработени. 

Вработените се најважниот ресурс во работењето на секоја компанија и затоа заслужуваат да бидат ценети и вреднувани. 
Менаџерскиот тим на КС Групација секогаш наоѓа начин како да им изрази благодарност на своите вработени за нивната посветеност кон работата. Ваучерите се само мал знак на внимание со кој групацијата покажува поддршка и почит кон своите вработени.

КС Групација ќе продолжи и во иднина да ги поддржува своите вработени бидејќи тие се главната карика во целосното компаниско работење.

Тагови: КС Групација

Од 18 април, новите регулативи внесуваат промени во начинот на објавување на цените, објави министерот за економија и труд, Бесар Дурмиши. Според новиот Правилник, сите трговци кои вршат малопродажба ќе мора да ги обновуваат цените на своите веб-страници на дневно ниво, со исклучок на оние со помалку од 10 вработени.

• Министерот Дурмиши истакна дека „градјаните ќе можат да изберат каде да ги трошат своите пари, бидејќи истите ќе можат да споредат во кој маркет имаат најниски цени“. Се очекува, оваа нова мерка да доведе до натамошно намалување на цените во наредниот период.

Овој Правилник бара цените да бидат лесно достапни на веб-страниците на трговците, без потреба од регистрација. Ценовниците мора содржат детални информации за производите, вклучувајќи и промотивни цени и услови. Во случај на грешки, трговците имаат рок од 24 часа да ги коригираат истите.

Тагови: маркети онлајн купување

Халкбанк е еден од најголемите и најсилни брендови на македонскиот финансиски пазар. Лидери во понуда на персонализирани банкарски услуги, како и во воведување на нови технологии и обезбедување на брза услуга преку високоразвиена, модерна платформа на алтернативни канали.

Моментално вработува:

Референт/Самостоен референт во дирекција за кредитни политики
Референт во Одделение за Хелп 24/7 Кол Центар
Референт во Дирекција за наплата на ризични побарувања
Референт во Дирекција платен птомет во земјата/операции
Помлад референт за банкарски операции во Скопје

Се уште невработени?! Сите останати огласи за вработување можете да ги најдете ТУКА!

Тагови: ХАЛК БАНКА АД Скопје

Интервјуата за работа можат да бидат стресни, но ако однапред знаете што да очекувате, ќе имате многу поголеми шанси да оставите одличен прв впечаток. Постојат неколку прашања што се појавуваат речиси на секое интервју – без разлика дали аплицирате за административна позиција, дизајнер, програмер или менаџер. Еве ги 5-те најчести прашања и совети како да одговорите на нив:

1. Кажете ни нешто за себе.

Ова е моментот да се претставите – кратко, концизно и професионално. Не раскажувајте ја целата биографија. Фокусирајте се на вашето образование, искуство и клучни вештини кои се релевантни за позицијата.

Совет: Помислете на ова прашање како на “мини-пич” за себе.

2. Зошто сакате да работите токму кај нас?

Тука се мери вашата мотивација и истражување. Покажете дека сте го разгледале нивниот веб сајт, вредности, производи или култура. Изразете искрен интерес за тимот или индустријата.

Совет: Поврзете ги вашите цели со мисијата на компанијата.

3. Кои се вашите најголеми слабости?

Класика. Трикот е да одберете нешто реално, но не пресудно за работата – и да покажете како работите на подобрување.

Совет: Пример: „Имав трема кога презентирам пред поголема група, но запишав курс по јавен настап и сега се чувствувам многу посигурно.“

4. Раскажете за момент кога се соочивте со предизвик и како го надминавте.

Овде се бара конкретен пример. Користете ја STAR техниката (Ситуација, Задача, Акција, Резултат) за да ја структурирате приказната.

Совет: Изберете ситуација поврзана со работата, каде што вашата одлука направила разлика.

5. Каде се гледате за 5 години?

Компаниите сакаат да знаат дали имате визија и дали ќе останете подолго. Избегнувајте премногу општи или нереални одговори.

Совет: Поврзете ја вашата професионална амбиција со развојот во рамки на таа компанија или индустрија.

На крај – Подгответе се, но останете природни.

Интервјуто не е само тест – тоа е разговор. Важно е да покажете самодоверба, ентузијазам и искрен интерес за работата. Со добра подготовка, ќе бидете чекор поблиску до вашето следно вработување!

Се уште го немате изградено тимот од соништата, прочитајте за 5 клучни совети како да изградите лојален и мотивиран тим

Тагови: интервју за работа