Lear Corporation е една од водечките светски компании во автомобилската индустрија, специјализирана за развој и производство на автомобилски седишта и електрични системи за возила.

Lear Corporation има производствени капацитети во Технолошко-индустриската развојна зона Тетово, каде што произведува навлаки за автомобилски седишта за глобалниот автомобилски пазар. Компанијата претставува еден од значајните странски инвеститори во земјата и обезбедува можности за професионален развој, обуки и кариера во динамична меѓународна работна средина.

Моментално вработува:

Transportation Administrator – Logistic Center in Skopje Office
Materials Administrator – Logistic Center in Skopje Office

Се уште невработени?! Сите останати работни позиции можете да ги најдете ТУКА.

Тагови: ЛЕАР ЦОРПОРАТИОН МАКЕДОНИЈА ДООЕЛ

Во свет каде што работните обврски лесно се прелеваат во приватниот живот, одржувањето на добар work-life баланс станува сè поважно. Постојаната достапност, долгите работни часови и чувството дека мораме секогаш да бидеме продуктивни можат да доведат до стрес, исцрпеност и намалена мотивација.

Добриот баланс не значи да работите помалку туку да го организирате времето така што ќе имате простор и за работа, и за себе.

1. Поставете јасни граници

Кога ќе заврши работното време, обидете се да се исклучите од работните обврски. Избегнувајте проверување службени е-пораки и пораки доцна навечер, освен ако навистина не е неопходно. Одморот е важен дел од продуктивноста.

2. Планирајте го денот однапред

Направете листа со најважните задачи и поставете реални приоритети. Кога знаете што треба да завршите, полесно ќе го организирате времето и ќе избегнете непотребен стрес.

3. Научете да кажете „не“

Не мора секогаш да прифаќате дополнителни задачи ако вашиот распоред е веќе исполнет. Поставувањето здрави граници покажува одговорност и добра организација, а не недостаток на посветеност.

4. Одвојте време за себе

Физичката активност, хобијата, прошетките или времето поминато со семејството и пријателите не се губење време тие се неопходни за полнење на енергијата и подобро ментално здравје.

5. Искористете го годишниот одмор

Многу вработени го одложуваат или не го користат целиот годишен одмор. Редовните паузи од работата помагаат да се намали стресот, да се подобри концентрацијата и да се вратите со нова енергија и мотивација.

Зошто е важен work-life баланс?

Добриот баланс помеѓу работата и приватниот живот придонесува за:

• Помал стрес и ризик од burnout;
• Подобро физичко и ментално здравје;
• Поголема продуктивност и концентрација;
• Подобри односи со семејството и пријателите;
• Поголемо задоволство од работата и животот.

Успешната кариера не се мери само со бројот на завршени задачи или часовите поминати во канцеларија. Вистинскиот успех е да изградите кариера која ви овозможува професионален развој, а истовремено да имате време за луѓето што ги сакате, за вашето здравје и за работите што ве исполнуваат.

Кога ќе воспоставите здрав work-life баланс, не само што ќе бидете посреќни, туку и поефикасни, покреативни и помотивирани на работното место.

Прочитајте и за: 7 совети за CV што привлекува внимание

Тагови: совети за работа

Европската автомобилска индустрија продолжува да се соочува со големи предизвици. По најавите за реструктурирање во Volkswagen и Mercedes-Benz, сега и BMW потврди дека до 2027 година ќе намали околу 8.000 работни места, како дел од стратегијата за намалување на трошоците и прилагодување кон новите услови на пазарот.

Според компанијата, кратењата ќе се реализираат преку програма за доброволно заминување на вработените, без присилни отпуштања. Најпогодени ќе бидат административните и развојните позиции, додека производствените капацитети засега нема да бидат директно засегнати.

Што стои зад оваа одлука?

Автомобилската индустрија се наоѓа во период на една од најголемите трансформации во својата историја. Преминот кон електрични возила, зголемената конкуренција од кинеските производители, забавената побарувачка на одредени пазари и високите оперативни трошоци ги принудуваат компаниите да ги оптимизираат своите организации.

За HR секторот, ваквите промени претставуваат сериозен предизвик. Освен управувањето со процесите на реструктурирање, HR тимовите имаат задача да ја задржат довербата кај вработените, да обезбедат транспарентна комуникација и да ја поддржат трансформацијата на организацијата.

Нови вештини наместо повеќе работни места

Иако бројот на традиционални работни позиции се намалува, побарувачката за кадар не исчезнува таа се менува. Компаниите сè повеќе инвестираат во профили поврзани со:

• Електрична мобилност,
• Развој на софтвер,
• Вештачка интелигенција,
• Автоматизација,
• Анализа на податоци и дигитално инженерство.

Ова испраќа јасна порака и до работодавачите и до кандидатите: континуираното учење и преквалификацијата стануваат неопходни за долгорочна конкурентност на пазарот на труд.

Поука за HR лидерите

Реструктурирањата повеќе не се само финансиска одлука тие се тест за организациската култура. Начинот на кој компанијата ќе комуницира со вработените, ќе ги поддржи погодените тимови и ќе инвестира во развој на нови вештини ќе има директно влијание врз нејзиниот employer branding и способноста да привлече таленти во иднина.

Случајот со BMW уште еднаш покажува дека иднината на работата нема да зависи само од бројот на работните места, туку од способноста на компаниите и вработените навреме да се адаптираат на промените.

Прочитај и за: HR под притисок: Зошто професионалците за човечки ресурси носат товар што често останува невидлив?

Тагови: HR трендови давање отказ BMW

Евростат ги објави најновите податоци за минималната плата во државите од Европската унија и во земјите кандидати. Според стандардите за куповна моќ (PSS), најголем напредок бележат Македонија и Романија кај кои е забележан скок за осум места по што следи Србија која има напредок од пет места.

Според овој параметар, Македонија е држава која е рангирана пред седум земји членки на Европската унија. Според овој показател, Македонија со 1.142 единици на куповна моќ се рангира пред Малта, Словачка, Унгарија и Чешка.

Кога се споредуваат рангирањата во номинални услови и PPS низ 27-те земји, најголемите победници се Романија и Северна Македонија. Романија се искачува од 20-то на 12-то место, додека Северна Македонија се искачува од 24-то на 16-то место, при што обете напредуваат за осум места. Србија напредува за пет места, Хрватска и Бугарија за три места. Најголем губитник е Естонија, која паѓа од 16-то на 26-то место, додека Латвија, Чешка и Кипар исто така губат четири места, велат од Евростат.

Од државите членки на ЕУ, според овој параметар, на прво место е Германија по што следуваат Луксембург, Холандија, Унгарија и Чешка.

Од јануари до јули 2026 година, Македонија забележала најголемо зголемување на минималната плата меѓу анализираните земји – 6,9 проценти. Следуваат Романија и Естонија со по 6,8 проценти, Белгија со 5,8 проценти, Грција со 4,5 проценти, Луксембург со 2,5 проценти, Франција со 2,4 проценти и Холандија со 1,9 проценти.

Податоците на Евростат покажуваат дека само осум држави од 29 европски земји ја зголемиле бруто минималната плата од јануари наваму. На прво место е Луксембург каде бруто минималната плата изнесува 2.771 евро по што следуваат Ирска со 2.391 евро, Германија со 2.343 евра, Холандија со 2.338 евра и Белгија со 2.234 евра.

Македонија, Црна Гора и Србија, како држави кандидати за Европската унија, имаат повисока бруто минимална плата од Бугарија, која е членка на ЕУ.

Од државите членки на Европската унија најниска бруто минимална плата има Бугарија - 620 евра, додека повисока од неа имаат некои држави кандидати за Европската унија како што се Македонија со 624 евра, Црна Гора со 670 евра и Србија со 743 евра минимална плата.

Тагови: Евростат Македонија минимална плата Романија