Меѓународна возачка дозвола – Што треба да знаете

Секој возач кој поседува валидна македонска возачка дозвола може, доколку има потреба, да поднесе барање за издавање меѓународна возачка дозвола.
Важно е да се напомене дека оваа дозвола не може да се издаде доколку на возачот му е изречена забрана за управување со моторно возило – додека трае забраната, тој нема право на меѓународна дозвола. Дополнително, меѓународната дозвола издадена во Македонија не важи на територијата на самата држава, туку исклучиво за странство.
Благодарение на билатералните договори, македонските возачи не мора да имаат меѓународна дозвола за да управуваат возило во следниве земји: Албанија, Италија, Шпанија, Србија, Црна Гора, Босна и Херцеговина, Германија и Косово.

Што ви е потребно за аплицирање?

За да добиете меѓународна возачка дозвола, треба да поднесете:

• Важечка македонска возачка дозвола
• Важечка лична карта или пасош
• Две колор фотографии со димензии 3,5 x 4,5 cm (една за образецот, една за самото барање)

Рок на важност

Меѓународната возачка дозвола важи до три години од денот на издавање, или до истекот на вашата национална возачка дозвола – во зависност од тоа кој датум ќе настапи прв.

Тагови: меѓународна возачка дозвола Министерството за внатрешни работи-(МВР)

Не секој проблем на работа значи дека сте во токсична средина. Но кога секој ден ви станува тежок, кога чувствувате анксиозност уште од недела вечер и кога мотивацијата исчезнува – можеби не е само до вас. Токсичните работни места се почести отколку што мислиме, а последиците од нив може да се одразат сериозно врз вашето ментално и физичко здравје.

Еве 7 знаци дека вашата работна средина можеби е токсична:

1. Континуиран стрес и анксиозност

Ако чувствувате постојана напнатост, немир или ви е тешко да се опуштите дури и по работното време – тоа е јасен сигнал дека нешто не е во ред. Токсичната средина ве држи под постојан притисок.

2. Недостаток на почит и комуникација

Кога шефот или колегите ве игнорираат, ве навредуваат, или ве прекинуваат без причина – тоа е знак на непочит. Во здраво работно опкружување, комуникацијата е отворена и базирана на взаемна почит.

3. Манипулација и фаворизирање

Токсичните лидери често користат манипулативни тактики – ве критикуваат во четири очи, а пофалбите ги чуваат за "омилените". Ако чувствувате дека нема фер третман, тоа може да влијае на вашата самодоверба и кариерен развој.

4. Недефинирани улоги и нереални очекувања

Ако постојано добивате задачи кои не се дел од вашата работна улога, со кратки рокови и без поддршка – тоа не е „тимска работа“, туку експлоатација. Јасната улога и границите се основа за здрава работна средина.

5. Отсуство на поддршка и развој

Во токсична околина, нема простор за раст. Не постојат обуки, фидбек или охрабрување. Наместо тоа, има „држи го главата долу и работи“. Добрите работодавци вложуваат во своите луѓе.

6. Токсични колеги и озборување

Ако постојано сте сведок на трачеви, саботажи, пасивна агресија или „играње игри“ меѓу колегите – тоа сериозно го нарушува тимскиот дух. Некогаш не е до работата, туку до луѓето во неа.

7. Физички симптоми

Хроничен замор, главоболки, проблеми со спиење или гастроинтестинални тегоби? Телото ви испраќа сигнали. Стресот од токсично работно место може да остави сериозни последици по вашето здравје.

Што можете да направите?

Ако препознавте некои од овие знаци – не ги игнорирајте. Разговарајте со доверливи колеги, обратете се до HR (ако постои), и размислете дали вреди да останете таму. Вашето здравје, достоинство и кариерен напредок секогаш треба да ви бидат приоритет.

Запомнете: Работа има секогаш – но вие имате само едно здравје.

Надредениот цело време ги проверува твоите работни обврски, прочитајте и за: Микроменаџирање: Тивок убиец на продуктивноста и довербата во тимот

Тагови: HR совети за работа токсично работно место

Од институтот за јавно здравје известуваат дека ризикот за ширење на болеста МРОХ останува низок со оглед на брзата реакција. Двете позитивни лица од МРОХ се во стабилна состојба.
Епидемиолозите од Институтот за јавно здравје (ИЈЗ) се во постојан контакт со двете лица кај кои е потврден MPOX, како и со нивните блиски контакти. Според последните информации, двајцата пациенти се во добра здравствена состојба, нема пријавени нови сомнителни случаи ниту нови потврдени инфекции.

Никој од идентификуваните контакти не покажува симптоми на MPOX. ИЈЗ веќе објави препораки за граѓаните на својата веб-страница, како и отвори две телефонски линии за консултации – достапни за јавноста и здравствените работници. Дополнително, изработен е водич со јасни препораки и протоколи за идентификација и постапување со сомнителни случаи, кој е доставен до Министерството за здравство и понатаму проследен до сите релевантни здравствени установи.

Во следните денови, ќе се одржи и онлајн обука за здравствените работници со цел унапредување на спроведувањето на протоколите. Благодарение на навремената реакција и координираните мерки, ризикот од ширење на MPOX во земјава засега се смета за низок. Институтот за јавно здравје, заедно со Министерството за здравство и другите надлежни институции, продолжува активно да ја следи ситуацијата и да презема соодветни чекори за заштита на јавното здравје.

Тагови: здравје пандемија Министерството за здравство МРОХ

Ракометната федерација на Македонија (РФМ) реагираше на неодржаниот натпревар поради нејавување на РК АЕК, оценувајќи го како сериозно прекршување на спортскиот кодекс и обврските кои произлегуваат од учество во натпреварувања под покровителство на ЕХФ. Федерацијата најави дека до ЕХФ ќе достави официјално известување со барање за преземање соодветна постапка и санкции, согласно важечките прописи.

Од РФМ потенцираат дека очекуваат праведна одлука која ќе го зачува интегритетот на натпреварувањето и ќе обезбеди фер третман за клубовите што доследно ги почитуваат правилата на играта. Според нив, ваквите ситуации не смеат да останат без последици, бидејќи директно влијаат врз спортската коректност и натпреварувачкиот дух.

Во исто време, РФМ упати безрезервна поддршка до РК Алкалоид, нагласувајќи го нивниот професионален пристап и подготвеност за настап. Според федерацијата, ваквото однесување заслужува почит и претставува пример за спортска култура, на што треба да се стремат сите клубови и учесници во меѓународните натпреварувања.

Тагови: кодекс ракомет РФМ санкции