ПЗУ Клиничка болница ЖАН МИТРЕВ Скопје

За потребите на работниот процес, ПЗУ Клиничка болница ЖАН МИТРЕВ Скопје објавува оглас за вработување на:

Машински инженер

Потребни квалификации

• Завршено високо образование – Машински факултет (VII/1 степен или 240 ЕКТС кредити);
• Работно искуство во областа на машинските инсталации, техничко одржување или управување со технички системи ќе се смета за предност;
• Познавање на HVAC системи (греење, вентилација и климатизација), водоводни и други машински инсталации;
• Познавање на Building Management System (BMS) и принципите на автоматско управување со HVAC системи ќе се смета за предност.
• Познавање на системи за вентилација и климатизација во здравствени установи, вклучително и HEPA филтрација, контролиран притисок и чисти простории, ќе се смета за предност.
• Познавање на принципите на превентивно одржување и управување со техничка документација.
• Познавање на MS Office пакетот;
• Познавање на постапки за прибирање, анализа и евалуација на понуди;
• Познавање на стандарди за квалитет и акредитациски барања ќе се смета за предност.

Работни задачи и одговорности

• Следење, контрола и координација на работата на машинските системи и инсталации во рамките на болницата;
• Планирање и организирање на превентивно и корективно одржување на техничките системи;
• Подготовка на техничка документација, извештаи и предлози за подобрување на техничката инфраструктура;
• Координација и комуникација со надворешни изведувачи, добавувачи и овластени институции;
• Следење на законските и техничките барања поврзани со работењето на здравствените установи;
• Активно учество во процесите за акредитација, контрола на квалитет и унапредување на безбедноста на техничките системи.
• Водење техничка евиденција, сервисна документација и електронска документација во Microsoft Navision, како и подготовка на редовни неделни, месечни, квартални и годишни извештаи.
• Одговорност за организација, координација и надзор на превентивното и корективното одржување на сите HVAC системи, системите за вентилација, климатизација, греење и ладење во болницата.
• Следење на работата, исправноста и функционалноста на БМС (Building Management System – Siemens), како и координација со овластени сервисери за редовно одржување и интервенции.
• Контрола и координација на одржувањето на клима комори, HEPA филтри, CAV/VAV системи, пленум системи, системи за негативен притисок и останатите системи за контролиран воздух согласно пропишаните стандарди и протоколи.
•  Организација и надзор на редовните проверки, тестирања, чистење и замена на филтри, вентилациони канали и останата HVAC опрема преку овластени надворешни компании.
• Следење на работата на хидрауличните системи, топлинските пумпи, системите за складирање на топла и ладна вода, пумпните станици и системите за третман и омекнување на вода.

Специфични задолженија поврзани со акредитациски и контролни процеси

Во рамки на своите работни задачи, избраниот кандидат ќе биде задолжен за:

1. Координација на постапки за избор на акредитирани лаборатории за мерење на бројот на честички (степен на чистота) на HEPA филтри H13 и H14, согласно важечките стандарди и процедури.
2. Организирање и спроведување на постапки за избор на изведувач за чистење на отсисни хауби и отсисни канали во кујнските простории.
3. Подготовка и координација на постапки за набавка и имплементација на системи и опрема за подобрување на водоснабдителната инфраструктура, вклучително и пумпни станици и системи за проточен режим на вода.
4. Координација на мерења и контроли од страна на акредитирани лаборатории за проверка на негативен притисок во простории со контролирани услови, како што се стерилизација, микробиологија, изолациони соби и единици за интензивна нега.
5. Подготовка на извештаи, техничка документација и докази за усогласеност со акредитациските стандарди и интерните процедури на болницата.

Потребни компетенции

• Високо ниво на професионалност и одговорност;
• Одлични организациски и аналитички способности;
• Способност за планирање, поставување приоритети и почитување на рокови;
• Развиени комуникациски и координациски вештини;
• Способност за самостојно и тимско работење;
• Проактивен пристап кон решавање на проблеми;
• Флексибилност и адаптибилност во динамична работна средина;
• Посветеност на континуирано професионално усовршување.

Ние нудиме

• Работа во една од најсовремените приватни здравствени установи во регионот;
• Професионална и динамична работна средина;
• Можности за професионален развој и континуирана едукација;
• Конкурентни услови за работа и можност за долгорочен професионален ангажман.

Сите заинтересирани кандидати кои ги исполнуваат наведените услови можат да достават своја биографија (CV) преку полето за аплицирање.

Само кандидатите кои ќе влезат во потесен избор ќе бидат контактирани.