АРС СТУДИО е основано во 2000 година. Од скромните почетоци како центар за едукација на деца и возрасни, набрзо скокнавме во бурните преведувачки води и, пловејќи по бранот на барањата на љубителите... повеќе за компанијата »

(преземи го огласот во Word)

АРС СТУДИО вработува

Деловен асистент

АРС СТУДИО има потреба од деловен асистент со или без работно искуство чија одговорност ќе биде следење и организирање на деловни активности, извршување на секојдневните деловни операции во компанијата, изготвување извештаи, помагање во имплементирањето на процедурите и интеракција со клиентите. Тоа подразбира спроведување на сите деловни операции и активности за компанијата, од почеток до крај.

Потребно е кандидатот да има познавање и интерес за образовни политики, формално и неформално образование, превод и толкување, издаваштво, а пожелно е и искуство во работа сo институции, меѓународни организации, компании. Неопходни се одлични способности за пишување, истражување и организирање. Кандидатот би бил во постојана комуникација со клиентите и сите вклучени во проектите, за што се потребни и одлични комуникациски вештини.

Одговорности:

• Извршување на канцелариски и административни задачи (организација на административните задачи); 
• Организирање состаноци, работилници, презентации и сл.;
• Комуникација со странски партнери, комуникација со клиенти и вработени и останати работи по барање на менаџментот;
• Правни задачи (изработка на договори, решенија, дописи, одлуки и сл.);
• Финансиски задачи (размена на информации со сметководство, следење на рокови за плаќање, усогласувања со клиенти);
• Подготовка на договори и архивирање;
• Подготовка на понуди, испратници, фактури, одобренија и слично;
• Следење на компаниските правила и процедури;
• Прием и проследување на повици, прием на нарачки;
• Организирање на логистиката за дистрибуирање на нарачките;
• Водење евиденција на побарувања и извршување наплата;
• Водење на архивата како и познавање на норми за канцелариско работење и Закон за архивска работа;
• Води грижа за потребите на компанијата од оптимални залихи на канцелариски и други материјали и врши навремено информирање на надлежните за преземање активности за набавка на истите.

Кандидатот треба:

• Да има завршено високо образование;
• Претходно искуство во администрација ќе се смета за предност;
• Познавање на архивско работење;
• Да има добро познавање и будно да ги следи трендовите во бизнис секторите – образование, превод/толкување и издаваштво;
• Да поседува одлични вештини за комуникација и пишување;
• Да биде проактивна и организирана личност, способна да работи на повеќе проекти истовремено и да исполнува рокови;
• Да биде вешт со компјутери; задолжително познавање на Windows, Microsoft Office, Adobe Acrobat, интернет апликации;
• Да биде подготвен за индивидуална и тимска работа;
• Одлично да го познава англискиотјазик;
• Да има око за детали и аналитика.

Што нудиме:

Позицијата овозможува:

• Одлични услови, компетитивна плата и можност за напредок;
• Супер искусен тим;
• Можност за доквалификации и посета на обуки и семинари;
• Пријатна работна атмосфера;
• Можност за проширување на знаењето.

За АРС СТУДИО

АРС СТУДИО е основано во 2000 година. Kако центар за едукација и издаваштво на книги, се стреми кон обезбедување на високо-квалитетна услуга за одржување на курсеви, реализација на преведувачки услуги, издавачка дејност и продажба на книги, согласно законската регулатива и меѓународните стандарди од оваа област. АРС СТУДИО континуирано го следи степенот на задоволство на клиентите и ги проучува нивните препораки и барања, а притоа истите ги користи за подобрување на карактеристиките на своите производи и услуги. 

Во рамките на АРС Студио можностите да се биде успешен и шансите да напредува се еднакви за сите оние што ќе успеат да се квалификуваат да бидат членови на нашето семејство.

Пријавете се со CV и мотивациско писмо задолжително на следните е-адреси истовремено: [најави се за да го видиш е-маилот] ,  [најави се за да го видиш е-маилот] , [најави се за да го видиш е-маилот] со назнака за „Деловен асистен” ” најдоцна до 7.2.2024 година. Само кандидатите кои ги исполнуваат горенаведените услови, ќе бидат контактирани!