Иуте Македонија е дел од естонската дигитална банкарска групација Иуте – групација која го редефинира начинот на управување со личните финансии, плаќањата и осигурувањето низ Југоисточна Европа преку технологија, иновации и паметни дигитални решенија.

Сега го шириме тимот и бараме личност која ќе ја гради следната фаза од нашиот раст: Раководител на дигитални кориснички операции

Твојата мисија?

Одговорен/на за развој и управување со дигиталните кориснички операции преку интеграција на AI-решенија, со цел создавање едноставно, брзо и персонализирано корисничко искуство, раст на продажбата и зголемување на долгорочната вредност на клиентите.

Што ќе движиш?

• Ќе управуваш со моделот на работа во кој вештачката интелигенција и човечките агенти работат интегрирано.
• Ќе го водиш целиот кориснички пат – од првиот контакт, продажбата и поднесувањето барање, до проценката на кредитоспособноста, одлуката, реализацијата на финансиската услуга, дополнителната продажба, корисничката поддршка и задржувањето на клиентите.
• Ќе управуваш со AI-поддржани дигитални кориснички операции.
• Ќе развиваш и унапредуваш дигитални процеси за сите финансиски услуги во екосистемот.
• Ќе идентификуваш процеси кои можат да бидат дигитализирани и автоматизирани преку вештачка интелигенција.
• Ќе ја следиш и подобруваш успешноста на автоматизираните и човечките интеракции со клиентите.
• Ќе работиш на зголемување на продажбата и користењето на дигиталните финансиски услуги преку персонализирани понуди и data-driven пристап.
• Ќе ги следиш клучните показатели за продажба, продуктивност, квалитет на услугата, задоволство на клиентите и ефикасност на автоматизацијата.
• Ќе ја водиш трансформацијата од традиционален контакт-центар кон интелигентна, дигитална и автоматизирана корисничка операција.

Кого бараме?

• Универзитетско образование.
• Најмалку 3–5 години искуство во управување со операции, корисничко искуство, дигитални канали, контакт-центар или сродни функции.
• Искуство во водење тимови и управување со перформанси.
• Разбирање на AI, автоматизација и дигитални платформи, како и нивна примена во подобрување на корисничкото искуство и продуктивноста.
• Докажано искуство во управување со KPI-и и реализација на деловни цели преку анализа на податоци.
• Искуство во управување со трансформациски проекти и воведување нови процеси или технологии ќе се смета за предност.
• Дигиталните производи, продажбата и аналитиката ти се природен јазик.
• Одлично комуницираш на македонски и англиски јазик.
• Проактивен лидер со силни комуникациски и преговарачки вештини, ориентиран кон резултати и носење одлуки.

Што добиваш?

• Работа во една од најбрзо растечките дигитални банкарски групации во регионот.
• Меѓународна средина и директна соработка со тимови низ различни пазари.
• Простор за идеи, иницијативи и вистинско влијание.
• Континуиран развој, учење и професионален раст.
• Подароци за родендени, годишнини и важни животни моменти.
• Тимбилдинзи во земјата и странство.
• Спортски активности.
• Дополнителни здравствени прегледи.

Ако веруваш дека иднината на финансиските услуги се гради преку технологија, дигитални екосистеми и исклучително корисничко искуство – време е да се запознаеме.

Само кандидатите кои ќе влезат во потесен избор ќе бидат контактирани. Сите апликации ќе се третираат доверливо.