Apple секоја година не изненадува со нови модели на iPhone. Оваа година направија неколку подобрувања на претходниот модел, а највисоката класа iPhone 13 PRO и PRO MAX се анализирани во видеото:

Тагови: iPhone

Освен кратењето на работното време во петок дел од администрацијата ќе можат да одат во пензија со 55 години старост.

Предлог-законот за кратење на работните часови на администрацијата кој се најде на ЕНЕР и кој предизвика лавина реакции има уште еден спор член. Во него се предвидува нераспоредените државни советници да можат да одат во пензија со навршени 55 години и 15 години стаж.

Државните советници вработени до денот на започнување со примена на овој закон, за кои нема да има работни места на кои би биле распоредени може: да бидат предвремено пензионирани доколку на денот на влегување во сила на овој закон имаат навршени 55 години старост и имаат 15 години работен стаж или спогодбено да им престане работниот однос со отпремнина во износ од ___________.  Државните советници кои нема да  прифатат ниту една од можностите од став (2) на овој член ќе бидат распоредени на работно место во институцијата за кое исполнуваат услови, се вели во предлог законот.

Предлог-законот предизвика многу негативни коментари во јавноста, а премиерот Зоран Заев денеска кажа дека станува збор само за предлог даден од коалициски партнер и оти Законот е нивно предизборно ветување.

-Допрва ќе се отвора дискусија по ова прашање, граѓаните треба да го кажат своето мислење, а Владата внимателно слуша, рече Заев.

Рече дека граѓаните очекуваат администрацијата што ја плаќаат да работи поефикасно, а не помалку ефикасно.

Ги знаете моите ставови и за севкупната продуктивност на населението и севкупната продуктивност и ефикасност на администрацијата. Како народ, треба повеќе да работиме, не помалку. Но, како ветување предизборно на политичките партиципиенти во власта, тоа е ставено на ЕНЕР и допрва ќе се отвора дискусија за ова прашање. Верувам дека граѓаните ќе си кажат тоа што е реалноста во државата, а реалноста е дека сите ако сакаме швајцарски плати, треба да работиме многу повеќе – од таа продуктивност што денеска ја имаме, почнувајќи од себе, па секако, до сите работници во приватниот и во јавниот сектор. Вториот дел, ефикасноста на јавната администрација е нешто што е сериозен фокус и мора да биде фокус. Видовме дека целиот систем со 38 отсто на работа луѓе за време на брановите на пандемијата, функционираше. Тоа само по себе кажува дека постојните капацитети на администрацијата мора да бидат максимално искористени. Тоа е очекувањето на граѓаните, но кога имате нешто отворено на ЕНЕР, несоодветно е премиерот да каже кои се очекувањата на граѓаните, туку граѓаните да си ги кажат своите очекувања, истакна Заев.

Македонските граѓани имаат најмали плати споредено со работниците во земјите од регионот. 

Во јули највисоката просечна нето плата е забележана во Словенија, и таа изнесува скоро 1.250 евра. За разлика од нив, Хрватите земаат 940 евра (7.046 куни), а Србите 550 евра (64.731 динари) ). Нашата земја е најниско на скалата со нешто повеќе од 464 евра (28.540 денари) нето.  Просечната плата во Црна Гора без даноци и придонеси во август била 532 евра, што е за 0,4 проценти повеќе отколку во јули. Под Црна Гора во однос на нето просечната плата, освен Македонија, е БиХ со нешто повеќе од 513 евра. Со години, Словенците имаат највисоки плати од земјите од бивша Југославија. 

 

Стартува најголемиот хакатон ВО СВЕТОТ - NASA Space Apps Challenge - ПАТУВАЊЕ ВО NASA за најдобрите НА НАЦИОНАЛНО И ГЛОБЛАНО НИВО

Викендов Скопје е домаќин на најголемиот хакатон во светот NASA Space Apps Challenge кој овој пат се одржува јубилејно по 10-ти пат од 1-ви до 3-ти октомври 2021 година и ќе донесе можност за 2-ца учесници да патуваат во посета на NASA Kennedy Space центарот, во Флорида, САД во првата половина на 2022 година.

Досега се пријавени над 150 учесници во сите категории, и оформени се над 20тина тимови кои конкурираат за глвната награда. Регистрирањето е сѐ уште во тек и ќе биде отворено се до 9:00 изутрина на 2 октомври (сабота), а може да го направите индивидуално доколку немате свој тим, или пак како член на тим преку овој линк https://forms.gle/wYx9nGXtsSvGK1XK9.

Традиционално овој натпревар кај нас се организира од страна на Њуменс Бизнис Акцелераторот и Фондацијата Голдилокс Скопје, а со поддршка на Амбасадата на САД во земјава, како и локални поддржувачи, компании, волонтери и ентузијасти. Од оваа година партнер на натпреварот е и Асоцијацијата на советници за развој на кариера - АСК.

Имајќи ја во предвид пандемијата на COVID-19 и во интерес на здравјето и безбедноста на нашата глобална заедница, овогодинешниот хакатон ќе биде целосно виртуелен настан, но доделувањето на наградите за победниците ќе се организира во живо во Скопје на 7 октомври (четврток), за што деталите ќе бидат дополнително објавени. 

Теми и предизвици на натпреварот

За секој Space Apps хакатон, експерите од NASA презентираат предизвици со кои тие реално се соочуваат на Земјата и во Вселената, а за време на натпреварот ќе може да комуницирате токму со креаторите како и со тимови од други локации кои работат на истиот предизвик со цел добивање дополнителни информации, разменување на идеи и мислења. Предизвиците се вкупно 28 на број, од повеќе различни области како AI/ML, Apps, Data Organization, Game, Hardware, Knowledge, Moon, Risk, Science Applications, Space Travel, Youth-friendly, а детално може да ги разгледате на следниов линк https://2021.spaceappschallenge.org/challenges/

Натпреварувачки категории и награди - Патување во NASA и гледање на лет на ракета

Во чест на 10 годишнината, NASA додададе 4 нови категории, а воедно со тоа и можност вкупно 10те обеднички тимови од целиот свет (од кои еден може да биде и токму твојот) да патуваат во NASA Kennedy Space центарот во Флорида и да проследат полетување на вселенско летало! Дополнително на ова, 2 члена од нашиот победнички тим на национално ниво со поддршка на локалните партнери и спонзори ќе ја добие истата можност.

Во продолжние е АГЕНДА за NASA SPACE APPS CHALLENGE - Скопје, МКД 2021 (1-3 октомври 2021, петок, сабота и недела)

- 1 октомври (петок), 14:00 ч. - Официјално отворање на натпреварот

- 2 октомври (сабота), Цел ден - Работење на предизвиците и менторски сесии

- 3 октомври (недела), Цел ден - Работење на предизвиците, подготовка на материјалите за презентирање и за прикачување на проектите на глобалната страна на локацијата Скопје https://2021.spaceappschallenge.org/locations/skopje/

- 3 октомври (недела), 17:00 - 21:00 ч. - Презентирање ОНЛАЈН од страна на учесниците пред жири комисија (7 минути презентација + 3-5 минути прашања и одговори) - Секој тим може да се вклучи само во одредениот термин за неговата презентација, но доколку сака може да ги следи сите презентации

- 3 октомври (недела), 21:00 ч. - КРАЕН РОК за прикачување на проектите на глобалната страна на локацијата Скопје

- 3 октомври (недела), 22:00 ч. - Прогласување на 3 тима финалисти

• 7 октомври (четврток), 15:00 - 16:30 ч. - ФИНАЛЕ НА NASA SPACE APPS CHALLENGE - Презентирање ВО ЖИВО во Скопје (точната локација ќе биде дополнително објавена) од страна на учесниците пред жирито. Прогласување на 1во, 2ро и 3то место, доделување на ваучер за патувањето и други награди за останатите финалисти.

Повеќе информации за главната категорија на натпреварот има на https://fb.me/e/10IXDCYVO 

Во истиот период ќе се одвива и NASA Kids & Youth Space Challenge - 2 и 3 октомври 2021 (сабота и недела)

АГЕНДА:

2 октомври 11:00 ч. - Отворање на натпреварот

2 октомври 22:00 ч. - Испраќање на слики и видео од сработеното на организаторите

3 октомври 09:00 ч. - Известување на сите учесници за изборот на финалистите

3 октомври 11:00 ч. - Презентирање онлајн од страна на финалистите пред жирито

3 октомври 12:00 ч. - Прогласување на 1во, 2ро и 3то место

Повеќе информации за оваа категорија има на https://fb.me/e/1354Bh96P

Линк за пријавување на линк https://forms.gle/wYx9nGXtsSvGK1XK9.

Следете нѐ за редовни дополнителни информации на: https://www.facebook.com/NASASpaceTechMK и https:// www.facebook.com/NewMansBA