Во август годинава продолжи трендот на намалување на просечната каматна стапка на вкупните кредити и таа се сведе на ниво од 4,49 проценти, а просечната каматна стапка на вкупните депозити во август изнесува 0,79 отсто.

 Просечната каматна стапка на вкупните кредити, во август 2021 година изнесува 4,49 проценти и оствари месечен и годишен пад од 0,01 прроцентни поени и 0,24 процентни поенти, соодветно. Просечната каматна стапка на вкупните депозити се намали на месечно и годишно ниво за 0,04 процентни поени и 0,20 процентни поени соодветно и изнесува 0,79 отсто, соопшти денеска Народната банка.

Во август година, просечната каматна стапка на новоодобрените кредити изнесува 3,78 проценти и бележи месечно зголемување од 0,16 процентни поени, додека на годишно ниво се намали за 0,16 процентни поенти. Кај новопримените депозити просечната каматна стапка изнесува 0,50 проценти и е пониска на месечна и на годишна основа за 0,01, односно 0,04 процентни поени.

Податоците на централната банка покажуваат дека во август годинава просечната каматна стапка на вкупните кредити одобрени на корпоративниот сектор е намалена за 0,01 процентен поен на месечна основа и изнесува 3,60 проценти. Каматната стапка на новоодобрените кредити во овој сектор изнесува 3,23 отсто и во споредба со претходниот месец забележа раст од 0,19 процентни поени. Каматната стапка, пак, на вкупните депозити на корпоративниот сектор, во август, изнесува 1,09 проценти и тоа е месечен пад од 0,02 процентни поени. Во анализираниот месец Овој каматната стапка на новопримените депозити на корпоративниот сектор оствари раст од 0,04 процентни поени на месечна основа и изнесува 0,46 отсто.

Според НБ, просечната каматна стапка на новоодобрените кредити на домаќинствата исто така бележи месечен пад од 0,16 процентни поени и изнесува 4,42 проценти. Падот е резултат на намалувањето на каматните стапки на денарските кредити без валутна клаузула и на кредитите во странска валута (за 0,52 процентни поени и 0,06 процентни поени, соодветно), во услови на остварен раст на каматните стапки на денарските кредити со валутна клаузула (за 0,03 процентни поени). Каматната стапка на новоодобрените кредити на домаќинствата е повисока за 0,05 процентни поени, споредено на годишно ниво.

Од Народната банка информираат дека во август годинава каматната стапка на вкупните депозити на домаќинствата изнесува 0,75 проценти што претставува пад од 0,04 процентни поени на месечна основа. Каматната стапка на новопримените депозити на домаќинствата, во август, оствари месечно намалување од 0,04 процентни поени и изнесува 0,53 проценти. На годишна основа, каматната стапка на новопримените депозити на домаќинствата е пониска за 0,13 процентни поени.

Во вашиот стан не можете да правите што сакате. Законот дозволува да се вршат преправки во станот, но тоа да бидат само козметички интервенции кои нема да ја нарушат статиката на станот над, под или до вас.

Исто така доколку ги вознемирувате станарите, тие може да се обратат до управителот или претседателот на Заедница на сопственици. За значително нарушување на мирот во зградата, сопствениците имаат право да се обратат и до надлежната полициска станица, стои во Законот.

Исто така, а согласно со Законот за домување, ако при користењето на својот дел од зградата сопственикот причинил штета на други делови од зградата што се во сопственост на други лица, тој е строго должен да ја надомести таа штета, односно да ги отстрани другите пречки кои се создаваат.

Биткоинот, најтргуваната криптовалута во светот, има потенцијал да се трансформира во „дигитално злато на 21 век“, оценува Марион Лабур, виш економист и пазарен стратег во „Дојче банк“. Етереум може да се смета за еквивалент на „дигитално сребро“, додаде таа.

Важно е да се има предвид дека биткоинот е ризичен: тој е премногу нестабилен за да биде сигурна резерва на вредност денес. Очекувам [БТК] да остане крајно нестабилен во догледна иднина. Има три причини за оваа нестабилност, прво, биткоин има ограничена продажба, второ, приближно две третини од криптовалутата се користи за инвестиции и шпекулации и трето, нестабилноста на биткоинот редовно ќе се менува врз основа на перцепцијата на инвеститорите за вредноста на криптовалутата, рече Лабур.

Лабур, исто така, ги предупреди инвеститорите почетници дека биткоинот има ограничена понуда од помалку од 21 милион, а речиси 90% од таа понуда веќе во оптек. Но, таа не е изненадена што водечката криптовалута создаде толку многу бучава и верува дека готовината и криптовалутата ќе коегзистираат на долг рок.

Луѓето отсекогаш барале средства што не се контролирани од владите. Парите сигурно нема да исчезнат, но очекуваме да ја намалат улогата како платежно средство, додаде таа.

Професор по финансии од Харвард рече дека пазарната капитализација на криптовалутите ја направи индустријата „премногу важна за да се игнорира“, но дека во моментов страда од недостаток на регулатива и наводно слабо влијание врз животната средина.

Со последната одлука на Кралството Холандија, се укинува задолжителниот карантин од десет дена за оние патници кои се целосно вакцинирани, без разлика дали доаѓаат од групата високо ризични земји, каде спаѓа и Република Македонија.

Како што соопшти МНР, во исто време, и Кралство Шведска ја укина привремената забрана за влез во земјата. Со најновата одлука усвоена од Владата на Кралство Шведска, луѓето кои патуваат во Шведска и коишто можат да презентираат сертификат за вакцинација издаден во Македонија, Сан Марино, Швајцарија, Турција, Украина или Ватикан, се ослободени од забраната за влез и од условите за тестирање.

Инаку, според одлуката на Европската комисија, сертификатите за вакцинација издадени во овие земји се еквивалентни на дигиталниот COVID сертификат на ЕУ (што значи дека таквите сертификати можат да се проверат и потврдат на ист начин со користење на истите технички системи како и сертификатот на ЕУ). Соодветно на високата стапка на вакцинација, слични олеснителни мерки кои би се примениле наскоро најави и Белгија, и тоа почнувајќи од први октомври.

Покрај проширувањето на употребата на КОВИД сертификатот, од Белгија најавија и намалување или целосно укинување на обврската за носење заштитни маски, стои во соопштението од МНР.