Промовирани огласи »

Сакал на „обичните луѓе“ да им покаже колку всушност е богат Безос, и тоа со помош на – ориз

Џеф Безос, основачот и генерален директор на компанијата „Amazon“, е еден од најбогатите луѓе на светот

Џеф Безос, основачот и генерален директор на компанијата „Amazon“, е еден од најбогатите луѓе на светот.

Тој исто така е и првата личност во светот чие приватно богатство достигнало трицифрен износ во милијарди. Во овој момент неговото богатство се проценува на 116,7 милијарди американски долари.

Хамфри Јанг се потрудил на „обичните луѓе“ да им претстави колку пари се всушност тоа со помош на ориз.

Тој тргнал од тоа дека едно зрно ориз одговара на износ од 100.000 долари. Потоа изброил 10.000 зрна ориз и дошол до сумата од милијарда долари.

За да илустрира колку всушност е богат Џеф Безос, Јанг морал да набави повеќе пакетчиња ориз.

На интернет пронашол дека Безос располага со приватно богатство од 122 милијарди долари, а тоа е голема количина на зрна ориз, поточно нешто повеќе од 26,3 килограми ориз.

По експериментот, Јанг оризот го дал на неколку семејства. 

Погледнете го видеото: 

Промовирани огласи »

Има уште три дена од пописот: Ќе има ли во Македонија барем 1,8 милиони жители?

Во дијаспората до утрово нема ниту 200.000 иселеници

Државниот завод за статистика претпладнево ги објави новите бројки од пописот на населението.  Според резултатите обработени до 20.00 часот синоќа на 27 септември, се попишале 1.695.549 граѓани. Бројот на домаќинства е 526.605 и 752.916 станови.

Самопопишани граѓани од дијаспората до денеска наутро во 7.30 часот има попишани 199.819 иселеници.

Официјално до вчера, односно еден ден претходно, во статистиката влегоа вкупно 1.619.857 лица, а од дијаспората тој број изнесува 198.589 граѓани.

Пописот ќе трае уште денес, утре и задутре, односно ќе заврши на 30 септември.

Промовирани огласи »

БИТИЌИ УВЕРУВА: Не е точно дека струјата ќе поскапи после локалните избори

Вели дека цената е одредена во јуни и таква ќе остане до јуни годинава

Заменикот на претседателот на владата за економски прашања, Фатмир Битиќи, во гостувањето во емисијата „Утрински брифинг“, посочи дека изјавата дека електричната енергија ќе поскапи по локалните избори, е потполно неточна изјава, со оглед на тоа дека цената се регулира од Регулаторната комисија за енeргетика еднаш во годината, а веќе таа цена е донесена во јуни 2021 година.

Сега ги гледаме предностите на либерализацијата на пазарот на електрична енергија. Кога имаме либерализиран пазар, се зголемува конкуренцијата, но и се презема ризик за евентуални движења на глобално ниво. Тоа сега се случува во овој момент. Сите оператори кои влегоа во овој енергетски пазар, за дистрибуција на електрична енергија до одредени потрошувачи, знаеја дека преземаат ризик во либерализираниот пазар. Во одреден период купуваат електрична енергија со пониска цена и ја продаваат за повисока, со маржа за добивка, но во друг момент цената може да порасне толку, па да се појави загуба. Тоа се пазарните движења. Лоша е изјавата, кој и да ја кажал, дека по одржувањето на изборите ќе има покачување на цената на електричната енергија, нагласи вицепремиерот.

Битиќи посочи дека Владата, во согласност со преземените меѓународни обврски и во насока на зачувувањето на здравјето на граѓаните, влезе во процес на транзиција на производството на електрична енергија од конвенционални извори кои загадуваат - кон производство на електрична енергија од обновливи извори, а каде како транзиционо гориво ќе се користи и природниот гас.

Промовирани огласи »

Општина Чаир ќе се справува со бездомните кучиња

Чаир со цел да нема кучеа бездомници во општината

Градоначалникот на Чаир, Висар Ганиу, денеска потпиша меморандум за соработка со организацијата за заштита и третман на животните ‘Happy Shelter’, Кемал Незири. Овој меморандум доаѓа како трајно решение за бројните барања на жителите на Чаир, кои поднеле жалби до општина Чаир и до органите на редот во врска со бездомните кучиња.

За ова сме информирани од нашите тимови. Бездомните кучиња обично се присутни рано наутро и навечер. Ги загрозуваат нашите жители, старите лица, жените, главно мајките со деца кои одат на прошетки на јавни простори во општина Чаир , изјави градоначалникот на Чаир Висар Ганиу, додавајќи дека од денес започнува теренската активност за НУЛА КУЧИЊА БЕЗДОМНИЦИ ВО ЧАИР.

Ганиу рече дека преку овој меморандум за соработка, на граѓаните на Чаир, па и пошироко на Скопје, ќе им се понуди целосна безбедност, избегнувајќи евентуални напади од бездомните кучиња.

Бездомните кучиња ќе бидат собрани, идентификувани и вакцинирани од експерти за ‘Happy Shelter’. Дополнително, за разлика од досегашните искуства, кучињата ќе ги имаат потребните услови да останат во овој центар, а подоцна да бидат посвоени од луѓе, главно во странство , рече градоначалникот на Чаир, Висар Ганиу.

Претседателот на организацијата за заштита и третман на животните ‘Happy Shelter’, Кемал Незири по потпишувањето на меморандумот, изрази благодарност до општината Чаир и градоначалникот Ганиу за оваа иницијатива која е во корист на граѓаните на Чаир, но која нуди достоинствен живот за животните на улица, апелирајќи до другите општини да го следат овој чекор на општина Чаир.

Градоначалникот на Чаир и кандидат за нов мандат на оваа функција, Висар Ганиу апелираше до граѓаните да ги известат општинските власти за присуство на кучиња скитници на електронската адреса на општината или преку испраќање порака директно на социјалните мрежи.  „Ние сме во целосна услуга за граѓаните на Чаир”, заклучи градоначалникот Висар Ганиу.

Вчитај повеќе вести...
барај огласи за вработување »