Во никој случај нема да биде услов за некој да влезе во Грција, да мора претходно да прими вакцина, потенцираше министерот за туризам на Грција, Харис Теохарис во гостување во програмата на Скаи Тв.

На предложените сертификати за вакцинација, Теохарис јасно стави до знаење дека вакцинацијата нема да биде услов некој да може влезе во земјата, а за невакцинираните ќе има брзи тестови. Но, здравствената комисија ќе одлучува дали тие ќе бидат извршени или не на сите.

“Би сакал да разјаснам што нашата земја им предложи на другите членки на ЕУ. Како прво, се чини дека писмото имаше ефект што сакавме да го постигнеме, односно да ја “протресеме“ Европа за да може конечно да се координира. Координацијата е неопходна и нашата земја е во првите редови во оваа област. Не смееме да направиме чекор назад. Минатата година имавме ограничувања во движењето на туристите. Оваа година мора да има движење на туристи. Првата опција е брз тест, кој е и побезбеден и поевтин и ќе ни овозможи да ги намалиме непријатностите за патниците“, изјави Теохарис.

Тој очекува престојното лето да биде подобро од ланското. Исто така истакна дека навиките на потрошувачите се смениле и дека никој не резервира патување шест или осум месеци однаред, како во минатото.

Тагови: туризам

Од утре, четврток 21-ви јануари, рестораните и угостителските објекти ќе работат до 21 часот со некои исклучоци. 
Владата на 40-тата седница, по препорака на Комисијата за заразни болести, донесе измени на одлуката за работното време на рестораните и другите угостителски објекти согласно која од 21-ви јануари се укинува одлуката за ограничување на работното време на рестораните и другите угостителски објекти за работа до 18:00 часот.

Согласно овие измени, рестораните и угостителските објекти од 21-ви јануари ќе работат до 21:00 часот, после што ќе бидат затворени за посетители сите угостителски објекти и ресторани, како и угостителските објекти или делови за исхрана во угостителските објекти за сместување во хотелите, мотелите, хостелите, пансионите и други објект за сместување, како и објектите со угостителска дејност на бензинските станици. Исклучок од оваа одлука се угостителските објекти на Меѓународниот Аеродром Скопје и Аеродромот „Св. Апостол Павле“ во Охрид, како и рестораните или деловите за исхрана во угостителските објекти за сместување во хотелите, мотелите, хостелите, пансионите и други објекти за сместување за лицата сместени во овие објекти. Угостителските објекти кои вршат подготовка и продажба на храна можат да остваруваат продажба на алтернативен начин со онлајн или телефонски нарачки и да вршат достава или да овозможат самостојно подигнување на нарачката надвор од угостителскиот објект преку штанд или пулт со почитување на основните мерки за дезинфекција, носење маски и одржување дистанца, соопштија од Владата. 
Во последните 24 часа има 72 нови заразени и 13 починати од коронавирусот. 

Во Словенија, минималната бруто плата годинава ќе се зголеми на 1.024 евра.

Министерот за труд Јанез Циглер, по денешната средба со претставниците на словенечките синдикати објави дека годинава минималецот ќе се зголеми од сегашните 941 на 1.024 евра бруто. Ова се смета за втора најважна од осумте мерки во законот за економска помош за време на епидемијата на корона вирусот во Словенија, пренесува СТА. Новата формула за пресметување на минималната загарантирана плата во Словенија предвидува дека таа мора да биде најмалку 20, но не повеќе од 40 проценти над минималните трошоци за живот. Синдикатите не се задоволни од ваквиот пристап на владата. Велат дека зголемувањето не вклучува реални зголемувања на трошоците за живот од 2017 година, кога последен пат беа пресметани таквите трошоци. Словенија е земја од екс Југославија која има највисоки плати. Во регионот, Македонија и Албанија имаат најниски плати. 

Еден од најголемите кинески претприемачи, милијардерот Џек Ма, објави видео на Интернет. Со ова заврши неговото скоро тримесечно „исчезнување“ од јавноста, што доведе до шпекулации за неговиот статус и судбината на неговата деловна империја.

На видеото, кое трае 50 секунди, Ма им честиташе на наставниците поддржани од неговата хуманитарна фондација, но не го коментираше неговото исчезнување од јавниот живот и фактот дека неговата група Алибаба и групацијата Ент се под надзор на инспекцијата.

Ма последен пат беше виден на 24 октомври, кога ја критикуваше финансиската инспекција на кинеската влада на самитот во Шангај.