Единствено нешто што ќе се случи во однос на рестриктивните мерки е тоа што сигурно на 21 јануари, односно следната недела, кафулињата, рестораните и останатите угостителски објеќти ќе работа до 21 часотр, истакна Министерот за здравство Венко Филипче по неговата посета на Институтот за судска медицина.

Вели дека во моментов во земјава имаме стабилна епидемиолошка слика, и како што рече, се намалува бројот на хоспитализираните пациенти, во моментов нема пациенти на болничко лекување во модуларната болница на Клиниката за инфективни болести. Ваквата состојба според него овозможува угостителските објекти да може да имаат продолжено работно време од три часа, односно да работат до 21 часот.

Од 21 јануари сигурно е дека угостителските објекти ќе работат до 21 часот. Тоа е единствената мерка која ќе биде олабавена. Во меѓувреме ќе ја следиме состојбата и согласно тоа можеме да го разгледаме и нивното барање да работат до 23 часот. Но, се останато останува исто. На сила остануваат сите остѕанати мерки, истакна министерот Филипче. 

26 возила биле одземени од страна на полицијата откако стапи во сила новиот Закон за безбедност во сообраќајот. Станува збор  за нерегистрирани, стари возила кои ја нарушуваат безбедноста, но и возила кои испуштале чад и ја загадувале околината.

Со новиот Закон полицијата ваквите возила ќе може да ги задржи максимум до три дена.

-Секое возило кое што создава прекумерна бучава или кое што испушта очигледни издувни гасови што ја загадуваат животната средина може да биде одземено или исклучено од сообраќај и да се утврди преку вештачење кои проблеми ги има тие возило и дали понатаму ќе може да продолжи, вели министерот за внатрешни работи, Оливер Спасовски.

Министерот појаснува дека најважно е што ќе се одземаат нерегистрираните возила кои всушност се и најголема опасност во сообраќајот.

Во последните неколку месеци полицијата спроведува засилени акциски контроли во сообраќајот, па во билтените на МВР често може да се види висок број на пропишани казни. Надлежните велат дека во минатата година за 40 отсто е намален бројот на сообраќајки кои резултирале со смрт. Сепак, мора да се има предвид дека речиси цела година поради пандемијата од Ковид во сила се рестриктивни мерки, а пролетта ограничено беше и движењето низ цела Македонија.

Во Македонија има најефтини патарини тврди надлежниот министер и порача дека за побезбедно патување, мора да се плати. По најавта  дека ќе се градат две нови патарини на  автопатот. Скопје – Штип кои ќе чинат 50 и 70 денари, Бочварски им порача на граѓаните ако не можат да платат да возат по алтернативни патишта.

Ако некој од  Штип работи во Скопје за да пристигне на работно место и да се врати дома, според најавените давачки,  дневно ќе троши 320 денари за патарини. Месечно од својата плата ќе издвојува 8000 денари а годишни цели 1500 евра. Доколку пак лицето прима просечна македонска плата, според пресметките половина плата ќе дава за патарини а остатокот за гориво.

Од Макам- транс  здружението на превозници сметаат дека воопшто не се ефтини патарините во Македонија, особено за оние кои се постојано на патиштата. Како здружение уште  од порано предлагале воведување на европски систем на наплата, како што се вињетки.

Странците кои постојано транзитираат низ земјава постојано се жалат на лоши и небезбедни патишта. Од макам транс сметаат дека македонските цени на патарини не се согласно животниот стандард на граѓаните што не е случај во европските земји. Покрај ова, се внимава и на животната средина и оној кој загадува повеќе плаќа поскапо патни давачки.

Благој Бочварски, министерот за транспорт и врски, денеска им порача на граѓаните дека кога ќе се воведат двете нови патарини на автопатот Миладиновци - Штип, доколку им е скапа наплатата, ќе можат да патуваат преку Велес или преку локалните патишта.

Следниот месец почнува изградбата на двете нови патарини на автопатот Скопје Штип. Едната патарина е во Преод, а другата во Кадрифаково. Со изградбата патувањето ќе поскапи за 120 денари затоа што патарината кај Преод ќе чини 50 денари, а кај Кадрифаково 70 денари. Досега од Скопје до Штип се патуваше за 40 денари - сега 160 денари. 

- Цената на патарините законски изнесува 2,57 денари по километар, без разлика дали се работи за еден или друг автопат, патарините се исти, дали кон Гевгелија, Велес или Куманово. Автопатиштата се начин за побрзо и побезбедно движење на граѓаните и за нивно одржување потребно е за тоа да се плати. Граѓаните имаат и втора можност да патуваат преку Велес, или преку регионалните патишта каде нема патарина, рече Бочварски на денешната прес-конференција во министерството давајќи коментар на реакцијата на граѓаните дека цените на наплатните рампи ќе бидат високи.

Според Бочварски, Македонија има релативно ниски цени на чинење на патарините, а за да имаме квалитетна патна инфраструктура , патиштата треба да се одржуваат и сервисираат тековно, што тоа ја чини државата и граѓаните.