Отворени се огласи за 119 вработувања во јавната администрација, претежно во локалната и централната власт. Според огласите објавени преку Агенцијата за администрација, најмногу работници бараат општините, вкупно 46. Предводник е општина Струга, со дури 24 отворени работни места. Платата во Општина Струга, зависно од позицијата, започнува од 15.500, а достигнува дури до 40.000 денари, што всушност претставува и највисока плата од сите активни огласи во јавниот сектор во моментов.

Освен Струга, огласи за вработување објавиле уште девет други општини.

Вработува и централната власт и нејзините институции, кои објавиле огласи за 28 работни позиции. Најмногу, дури 15 лица, вработува Управата за водење матични книги.

Огласи за работа објавиле и неколку јавни претпријатија, каде предводник е ЈП Железничка инфраструктура. Ова претпријатие вработува 15 лица за плата од 19.000 до 27.400 денари.

Огласи има и во образованието и во здравството. Се вработуваат 23 лица, но не се бара наставнички или здравствен кадар, туку сите огласи се однесуваат на работни позиции во администрација.

Од друга страна, денеска во Собраниска процедура влегоа измените од Законот за работни односи, според кој се предвидува задолжително пензионирање во јавниот сектор на 64 години. Тоа треба да претставува прв посериозен чекор во реформирање на администрацијата. А, властите очекуваат дека законските измени ќе создадат услови да се намали бројот на вработени во јавниот сектор и конечно да се создаде поефикасна администрација.

Предлог на законот за изменување и дополнување на Законот за работни односи влезе во Собранието, според кој сите работници, освен докторите од јавното секундарно здравство и професорите од високото образование, постари од 64 години ќе мора да се пензионираат до 31 декември 2021.

За поднесените изјави за продолжување на договорот за вработување до 31 август 2020 година се применуваат одредбите од Законот за работните односи. Договорот за вработување од ставот 1 на овој член важи до истекот на времето за кое е продолжен, а најдоцна до 31 декември 2021 година“, се вели во измената во членот 104 кој го регулира одењето во пензија.

Се изменува и Законот за здравствена заштита со кој здравствените работници ќе може на 64 години да го продолжат договорот и да работат до 67 години, но само во јавна здравствена установа која врши здравствена дејност на секундарно ниво, продолжувањето на договорот се врши еднаш годишно, а потпис ќе треба да стави и министерот за здравство.

Се менува и Законот за високо образование каде што професорите исто така ќе можат да одат во пензија на 67 години, со годишно продолжување на договорот од управителот на високообразовната установа.

Ќе има промени и во членот 174 од Законот за внатрешни работи каде што досега постои можност работник на Министерството за внатрешни работи да поднесе писмена изјава за да му се продолжи договорот за вработување и да работи најмногу до навршување на 45 години пензиски стаж, без оглед на неговите години на возраст.

Сега се предлага да се укине можноста за поднесување на такви писмени изјави и на тој начин работникот задолжително ќе се пензионира со навршување на 40 години пензиски стаж без постоење на законска можност за продолжување.

Денот на самците 11.11 (единаесетти ноември) се одбележува од 1990г., како спротивност на Денот на заљубените, со цел луѓето кои не се во врска да купуваат производи за себе. Согласно податоците од ланската вкупната продажба, 11.11 е четири пати поголем од Црн петок и Сајбер понеделник, двата најпопуларни шопинг дена во светот. На овој ден, компаниите нудат огромни попусти на своите производи за период и важност од 24 часа. Во оваа акција земаат учество најголемите светски компании за онлајн продажба, но и компании за малопродажба од целиот свет. Лани на овој ден, за само 24 часа, една од најголемите светски компании за онлајн продажба направила вкупна продажба од над 38 милијарди долари, со што беше поставен нов рекорд на најголемиот малопродажен настан на светот.

И оваа година, оваа среда 11.11, празникот ќе земе замав и кај нас. Најголемиот бренд за малопродажба на апарати за домаќинство “Нептун” организира голема акција по повод овој светски настан. Акцијата “AЈДЕ, само еден ден 11.11” ќе нуди огромни попусти и супер понуди од сите продуктни категории. Потрошувачите ќе може да купат производи по најниски цени, со супер услови и можност да плаќаат до 60 рати. Акцијата ќе важи за купување во “Нептун” продажните салони ширум Македонија, но и за онлајн продажба преку веб сајтот Neptun.mk и преку нивната мобилна апликација за онлајн шопинг NEPTUN достапна на Play Store и App Store. Ајде, Не пропуштајте ја оваа идеална прилика за шопинг по супер цени, посетете ги “Нептун” продавниците и уживајте во шопингот!

Нептун Македонија периодов претстави нова маркетинг комуникација преку зборот „АЈДЕ“ и новиот слоган „ЖИВЕЈ ПОДОБРО, СЕКОЈ ДЕН“. Зборот „АЈДЕ“ кој е карактеристичен за ова поднебје, е покана, поттик за купувачите да влезат во НЕПТУН светот и преку нивните работни процеси да им овозможи на потрошувачите подобар живот. „АЈДЕ“ значи „АЈДЕ во Нептун“, „АЈДЕ дојди кај нас“, „Ајде истражи“, „АЈДЕ купи на рати без камата“ и многу повеќе. Значи, за подобар квалитет на живот, кој подразбира комфорт, удобност, избор, заштеда на време, пари, АЈДЕ, посети го Нептун! АЈДЕ! – ЖИВЕЈ ПОДОБРО, СЕКОЈ ДЕН.

„Нептун Македонија“ најголемата малопродажна и дистрибутивна мрежа во Македонија на апарати за домаќинство, уреди за ладење и греење, телевизори, гејминг опрема, смартфони и ИТ уреди, е присутна 22 год. на македонскиот пазар преку 25 продажни салони во 21 град во Македонија. Со брендови во своето портфолио како Beko, LG, Samsung, Sony, Apple, Philips, Bosch, Asus, Huawei, Hitachi, Fuego и многу други, „Нептун” е позициониран како апсолутен лидер на пазарот во државава. Нептун Македонија има и широка палета на услуги за своите клиенти како: happy лојалната програма, инстант кредити, дополнителни гаранции, премиум достава, онлајн продажба, мобилна апликација за онлајн шопинг, кредитна и кешбек картичка haPPy MasterCard.

Ќе поскапи ли струјата поради прекинот на производство од хидроцентралите? Недостатокот ќе се обезбедува од увоз, се додека условите не се нормализираат. Од државните електрани велат сеуште е рано да се формира нова цена, до крајот на годината ќе важи постојниот шестмесечен договор помеѓу ЕСМ и Универзалниот снабдувач. За првите три месеци од наредната година, цената ќе се знае до средината на декември.

,До 31.12.2020год. на сила е 6 месечниот договор со Универзалниот снабдувач, и струјата од страна на ЕСМ ќе му се испорачува по цената која ЕСМ ја даде на тендерот распишан од У.Снабдувач. Берзанските цени на струјата за првото тромесечје во 2021год ќе бидат познати на 15.12.2020год., а потоа и за вториот квартал. Тогаш ќе се прават и пресметките за цената која ЕСМ ке ја даде на тендерот на Универзалниот снабдувач за испорака на струја за периодот 1-6.2021 година.Во овој момент е рано да се формира цената, но АД ЕСМ континуирано работи на намалување на производната цена на струјата со цел на обезбеди стабилност на истата за домаќинствата, односно за крајните потрошувачи, се вели во дописот од ЕСМ

Дали увозот ќе ги натера енергетските компании повторно да бараат ново зголемување на цената, од регулаторна уверуваат нема да дозволат нов скок. 

Поради лошата состојба на природните и вештачките езера државата донесе одлука да го прекине производството на струја од хидроцентралите со образложение дека ако продолжат со работа има опасност да се загрози животниот свет. Од УХМР за Сител велат дека проблемите со сушата ќе продолжат и во следниот период.

Во изминатиот период преовладува исклучително сушно време кое предизвика намалување на водостојот на реките и езерата  во земјава. Врнежите кои беа во летниот период помогнаа моментално да се зголеми водостојот. Во наредниот период не очекуваме врнежи и нема изгледи за подобрување на хидролошката состојба, така што овој летен сушен период се очекува да продолжи и понатаму. За решавање на загрижувачката состојба неопходни се врнежи особено на снег, вели за Сител Атанас Угриновски од УХМР.

Инаку во август годинава струјата поскапе за 7,4 процетни  со образложение дека државните енергетски компании поради пандемијата имале намалени приходи.