Вчера се одржа деветтото месечно извлекување на 15 награди од 20.000 денари од наградната игра МојДДВ#МојаНаграда.

На главното извлекување на 19 декември, пак, ќе се доделат 1.000.000 денари, наместо иницијално предвидените 3.000.000 денари.

Ова се добитниците: Ивана Митрески – Неготино, Весна Стаменковска Митковска – Скопје, Станко Јовановски – Македонска Каменица, Татјана Гнип Катароска – Прилеп, Ѓоре Гиновски – Охрид, Габрјела Николиќ – Скопје, Нели Нелковска – Ресен

Неџмије Алиу – Тетово, Татјана Руневска Ѓоргиевска – Скопје, Сања Станишковска – Куманово, Александра Смилевска – Скопје, Игор Цветковски – Скопје, Марко Наумовски – Скопје, Елена Катранова – Велес, Ивана Митковска – Теовска – Скопје.

Епидемиолозите и предложија на грчката влада да воведе 30 дневен карантин во целата држава, откри министерот за здравство на Грција Василис Кикиљас говорејќи вечерва за грчката телевизија „Антена“, јави дописничката на МИА од Атина.

–ПРЕПОРАКАТА НА КОМИСИЈАТА НА ЕПИДЕМИОЛОЗИ ДО ВЛАДАТА Е LOCKDOWN ВО ЦЕЛАТА ЗЕМЈА ЗА СЛЕДНИОТ МЕСЕЦ. ПРЕМИЕРОТ НА ЗЕМЈАТА, ЌЕ ИЗЛЕЗЕ УТРЕ СО СООПШТЕНИЈА, ОЧИГЛЕДНО ЗЕМАЈЌИ ЈА ПРЕДВИД ОВАА ПРЕПОРАКА, РЕЧЕ КИКИЉАС.

Грчкиот премиер Кирјакос Мицотакис заедно со шефот на Комисијата на епидемиолози во Министерството за здравство на Грција, професорот Сотирис Циодрас, утре напладне ќе излезат со соопштенија за справување со епидемијата, а ќе одговараат и на новинарски прашања.

Во Грција денеска беа регистрирани рекордни 2.646 нови случаи.

Извор:МИА

Шефот на Амазон, Џеф Безос, оваа недела продал акции на неговата компанија, во вредност од над три милијарди долари, според „ОпенИнсајдер“.

Безос ја забрза продажбата на своите акции во последната година. Во август акциите на Амазон стигнаа вредност од над 3,1 милијарди долари, откако во февруари им продаде акции во вредност од над 4,1 милијарди долари.

Оваа недела, нејзината вкупна продажба во 2020 година изнесува повеќе од 10,2 милијарди долари, што е значителен скок од 2019 година, кога Безос продаде акции во вредност од „само“ 2,8 милијарди долари.

Дури и по последната продажба на акции, Безос сепак поседува над 53 милиони акции во вредност од скоро 170 милијарди долари, што го прави најбогата личност на светот.

Трансакциите беа извршени како дел од однапред договорен план за тргување 10б5-1. Амазон одби да ја коментира најновата продажба. Безос претходно изјави дека продава акции на Амазон во вредност од околу милијарда долари секоја година, за да го финансира својот стартап „Blue Origin“.

Покрај тоа, извршниот директор на Амазон во февруари лансираше Earth Fund од 10 милијарди долари за борба против ефектите од климатските промени, што ќе додели грантови на научници, активисти и други организации.

Иако сè уште не ги објави примателите на Фондот, Атлантик во вторникот објави дека се очекува Безос да даде 100 милиони УСД на следниве организации: Заштита на природата, Фонд за одбрана на животната средина, Совет за одбрана на природните ресурси и Светски фонд за диви животни”.

Заболените од Ковид, лицата кои се во самоизолација и вработените со симптоми ќе добиваат цела плата додека се на боледување, одлучи Владата на вчерашната седница. До сега лицата кои имаа потврден позитивен  тест добиваа 70% од платата, додека останатите , кои беа во самоизолација - 100 отсто. Со новата одлука, оваа дискриминација ќе биде надмината, сметаат работодавачите  и Синдикатот. Надоместокот за првите 15 дена  останува на товар на газдата, додека остатокот, во целост ќе ги покрива Фондот.

Кога велиме дека ќе користат боледување и дека 100 процентно ќе биде покриено, тоа значи дека Фондот го презема товарот. Значи, остануваат законските одредби, 15 дена работодавачот, после тоа, законската обврска ја презема Фондот“, појасни Битиќи, одговарајќи на новинарски прашања по денешниот настан во Старата Скопска Чаршија.

Од Синдикатот кои ги штити работничките права задоволни што Владата го  прифатила нивното укажување дека заболувањето од Ковид 19 не само кај здравствените, туку кај сите работници изложени на вирусот треба да се третира како професионална болест со право на 100 процентен надомест на плата. Додаваат дека во Правилникот за професионални болести треба да се вметне и Ковид, затоа што голем дел од работниците, вршејќи ги своите работни задачи се заразија или им беше определана изолација поради изложеност на вирусот на работното место, се наведува во соопштението на ССМ.