Короната не и може ништо на кинеската економија, и ова го покажуваат најновите податоци. 

Кина покажа дека е можно брзо опоравување на економијата. 

Во третиот квартал кинеската економија има раст од 4,9 отсто споредено со истиот период минатата година. 

Според анализата на Њу Јорк Тајмс, растот најмногу се должи на мерките со кои државата ја зголемува куповната моќ на населението и со тоа ја поттикнува домашната потрошувачка. Удел имаа и масовните капитални инвестиции.

Регулаторната комисија за енергетика и водни услуги донесе одлука со која се намалуваат малопродажните цени на нафтените деривати во просек за 0,41 отсто, соопштија регулаторите. 

Од вечерва на полноќ малопродажните цени ЕУРОСУПЕР БС-95 иЕУРОСУПЕР БС-98се намалуваат за 0,50 денар/литар. Цените на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) остануваат на исто ниво, односно не се менуваат.

Од 20.10.2020 годинаод 00:01 часот максималните цени на  нафтените деривати ќе изнесуваат:

Моторен бензин  ЕУРОСУПЕР БС-95                    59,00 (денари/литар)

Моторен бензин  ЕУРОСУПЕР БС-98                    61,00 (денари/литар)

Дизел гориво  ЕУРОДИЗЕЛ БС (Д-Е V)                  50,50 (денари/литар)

Масло за горење  Екстра лесно 1 (ЕЛ-1)                50,50 (денари/литар)

Мазут М-1 НС                                                            26,754 (денари/килограм)

Малопродажната цена на Мазутот М-1 НС се намалува за 0,109 ден/кг и ќе изнесува 26,754 ден/кг.

Во изминатиот седумдневен период референтните цени на светските берзи бележат намалување кај бензинот за 2,515 отсто, кај дизелот има зголемување за 0,074 отсто, намалување има кај екстра лесното масло за 0,415 отсто и кај мазутот намалувањето е за 0,633%  .

Во истиот период курсот на денарот во однос на долароте повисок за 0,006%.

„Напоменуваме дека ова се максималните цени на нафтените деривати од 00:01 часот на 20.10.2020 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени“, велат од Регулаторна.

Како што продолжува здравствената криза ширум светот, а десетици милиони луѓе се чини дека уште долго ќе работат од дома, се појавуваат важни прашања. На пример, кој и колку плаќа за чај, кафе или тоалетна хартија потрошена дома за време на работното време?

Холанѓаните може да се каже дека се светлосни години понапред од половина Европа, па затоа сега тврдат дека ваквата обврска паѓа на вашите шефови, односно компанијата. Според нив за овие работи треба да се одвојат околу две евра на ден, во просек, пишува Ројтерс.

Ова вклучува не само кафе, чај и тоалетна хартија што ги трошите дома, туку и дополнително греење, струја и вода, како и амортизација за употреба на маса и стол – основни работи што никогаш не сте помислувале да ги платите во канцеларија.

На оваа реалност се прилагодуваат и други земји, свесни дека многу вработени нема да бидат воодушевени со враќање во канцеларија кога ќе помине пандемијата.

Шпанија пропиша дека работодавците мора да плаќаат за одржување на работниот простор и опремата, Германија расправа за закон што се однесува на правата на работниците кои работат на далечина, Франција усвои регулатива што ги штити од и-меил надвор од работното време, додека Велика Британија посочи дека може да ја „олабави“ даночната политика во врска со одбивање на данокот при купување на опрема за работа од дома за време на пандемија.

Сепак, оваа приказна има и друга страна. Шефовите на компаниите тврдат дека дополнителните плаќања имаат малку смисла во време кога пандемијата ја осакати светската економија.

Извор: Б92

Малкумина се оние кои работејќи на некој проект активно ќе работат осум часови. Не, всушност ги нема! Тоа не е возможно, дури и да мислите дека сте работеле, верувајте мозокот и телото повремено се одмарале.

Во текот на осумчасовното работење ја губиме концентрацијата, ни опаѓа продуктивноста, се намалува квалитетот на она што го работиме, често грешиме, не обрнуваме доволно внимание, а и сето ова остава тешки последици на нашето здравје.

Секое седење на компјутер кое е подолго од 3-4 часа предизвикува симптоми на физичка нелагода и ментален замор. Работниците тогаш ја губат нивната способност да ја извршат квалитетно својата работна задача. Идеално би било после три часа работа да направите нешто сосема друго,бидејќи на овој начин му се дава можност на мозокот да ја собере потребната сила.

Што ја зголемува продуктивноста

Промената на активностите или одморот ја зголемуваат продуктивноста бидејќи на тој начин се спречува падот на енергијата. Во реалноста, повеќе работници се приморани да работат иако нивото на ментална енергија е ниско. Затоа такви се и нивните резултати. Монотонијата ја попречува креативноста.

Кое е решението?

Идеално е да го поделите работниот ден на неколку сегменти. Некои компании ја проучија сериозноста на овој проблем, па затоа во своите канцеларии вметнаа топол оброк, фитнес центар и катчиња за релаксација. Проблемот е во тоа што овие работи се скапи за работодавецот, а и повеќето имаат средства но не сакаат ова да го спроведат, сметајќи дека тие ги плаќаат вработените за да работат, а не да се релаксираат.

Би било одлично доколку може да се скрати ова осумчасовно работење, тогаш работниците би биле повеќе одморени и при извршување на работните задачи би обезбедиле поголем квалитет. Се до овој момент, ние работниците, на секои два до три часа ќе се обидеме да направиме мала пауза со цел да си ја повратиме силата.