Утврден е договорот за набавка на вакцини за КОВИД-19 преку КОВАКС механизмот. 

Ваква одлика е донесена на 11-се седница  на Владата. 

Владата побара од Бирото за јавни набавки да предложи најсоодветен начин за остварување на оваа набавка. 

При тоа го овласти министерот за здравство доц. д-р Венко Филипче да го потпише Договорот за преземени обврски со Глобалниот сојуз за вакцини за набавка на вакцини за КОВИД-19 преку COVAX и во координација со Министерството за финансии и Генералниот секретаријат на Владата да ги обезбедат потребните финансиски средства за да се изврши уплата на аванс и да се обезбеди финансиска гаранција согласно потпишаниот Договор за преземени обврски со Глобалниот сојуз за вакцини (ГАВИ) (GAVI ALLIANCE), за набавка на вакцини за КОВИД-19 преку COVAX механизмот за пристап до безбедни и ефективни вакцини за COVID-19, потврдени и регулирани од Светската здравствена организација.

За 24 часа имаме 80 нови заразени со коронавирусот во земјава. 

Авиокомпанијата „Визер“ е во процес на суспензија на околу 50 авиолинии од земјите од поранешна Југославија, објави специјализираниот портал Екс-Ју Авијација, посочувајќи дека најголем број од нив ќе бидат од Скопје, Тузла, Охрид, Подгорица, Белград, Ниш, Приштина, Љубљана, Сплит и Сараево.

Неколку летови што се уште се активни, како што се Виена-Охрид, Стокхолм Скавста-Скопје и Меминген-Подгорица, ќе бидат суспендирани за две недели и нема да ги има во текот на зимската сезона.

 Премиерот, но и вицепремиерот за борба против корупцијата, Љупчо Николовски, повикуваат да се искористи денешниот последен ден за викенд без ДДВ. 

Еве што напиша на својот фејсбук профил премиерот Заев.
Денеска е последниот ден од „Викенд без ДДВ“, искористете го за купување македонски производи или услуги, како и за компјутерска опрема.Со скенирање на сметките преку апликацијата МојДДВ (во рок од 3 дена од издавањето на фискалната сметка), ќе ви биде вратен целосниот износ на пресметаниот ДДВ од македонски производи и услуги и од компјутерска опрема.Да ја поддржиме домашната економија, да купуваме домашни производи.Иста објава имаше и вицепремиерот Љупчо Николовски. 

Дали можеби викендот без ДДВ не ги даде очекуваните резултати, па врвните владини функционери решија да ги повикаат граѓаните да го искористат последниот ден.

Или, пак, станува збор само за потсетување до граѓаните да ја искористат оваа последна од четвртиот сет економски владини мерки за спас на економијата која е погодена од кризата од коронавирусот.

Некои од продавниците што продаваат македонски производи, главно облека и постелнини, на социјалните мрежи наголемо се рекламираат и ги повикуваат граѓаните да го искористат викендот без ДДВ, најавувајќи и дека нивните салони и денеска ќе бидат отворени, некои до 18 часот.

Владата очекуваше на викендот без ДДВ да се свртат 170 милиони евра, од кои 17 милиони евра би се вратиле назад кај граѓаните.

Дел од граѓаните се жалеа дека некои од продавниците каде што би пазареле, се затворени.

После првиот ден, од Управата за јавни приходи соопштија дека прометот со македонски производи е зголемен за три пати.

Колку бил успешен викендот без ДДВ, ќе се знае од утре, откако ќе се направат анализите.

Граѓаните од Скопје, особено оние чии домови не се на сонце, се жалат дека наутро и навечер им е навистина ладно.

Но, радјаторите во сите изминати денови се студени, бидејќи се уште не е вклучен систем за градско парно греење. 

Како што е познато, според новите правила, иако грејната сезона почнува официјлно на 15 октомври, сепак имаше шанса парно да се пушти уште на први месецов, доколку прогнозата за утрешниот ден говорела дека надворешната дневна просечна температура ќе биде под или 12 степени целзиусови. 

Очигледно дека досега, на три дена пред официјалниот старт на грејната прогноза, не се случила таква прогноза за граѓаните да почуствуваат топлина во својот дом.

Многумина беа принудени да уклучуваат или клима уреди, греалици ичи друг начини за затоплување додека да го премостат овој период. 

За утре и за среда се најавуваат пониски температури, но останува да видиме каков ќе биде очекуваниот просек и дали тоа ќе биде доволно за надлежните и за снабдувачите за да се приклучи парно. 

Претседателот на Регулаторната комисија за енергетика, Марко Бислимовски, за Фактор неодамна ги објасни правилата кои важат сега.

Имено, почнувајќи од први па се до 15 октомври, има можност да се пушти толинска енергија, но само доколку Регулаторната комисија за енергетика добие известување од Управата за хидрометеоролошки работи дека во текот на утрешниот ден надворешната дневна просечна температура ќе биде под или 12 степени целзиусови.

УХМР се раководи од прогнозата за следниот ден, и тоа за 24 часа, со тоа што ги собира очекуваните температури за секој час, и потоа збирот го дели со 24, со што се добива средната дневна просечна температура.

Такви известувања регулаторите добиваат секој ден, почнувајќи од завчера, па се до 15 октомври.

Како што е познато, до пред извесен период важеше правилото парно да се пушти доколку прогнозата е три дена по ред под 12 степени целзиусови во вечерните часови, но сега, како што вели Бислимовски, се применува ново правило, а тоа е со средната дневна температура. Според него, ова се направило со цел да се заштити интересот на граѓаните, односно да не се чека три дена за да се пушти парно ако е ладно, туку таква одлука да се носи ден за ден.  

Тагови: парно греење