Можност за предвремено пензионирање до максимум пет години пред остварувањето на правото на пензија, ама со намален износ, планира да овозможи Владата во следниот мандат. Мерката стои во владината програма за работа од 2020 до 2024 гоидна но поради тоа што таму не се наведени рокови, не е прецизирано кога ќе бидат донесени овие законски измени.

Владата се обврзува да обезбеди нова повисока минимална пензија која ќе изнесува најмалку 10.700 денари за сите. Се најавува и можност за докуп на стаж за да се добие пензија.

„Обезбедување грижа од заедницата кон возрасните преку воспоставување локални услуги за грижа и нега. Ќе овозможиме флексибилен пензиски систем со воведување можност за предвремено пензионирање до максимум 5 години пред остварувањето на правото на пензија, со пропорционално намален износ на редовната пензија. Зајакнување на улогата на старите лица во локалните заедници и обезбедување услови за вклучување во јавниот живот. Ќе овозможиме волонтирање и работно ангажирање на возрасните лица кои сакаат исполнети денови. Воведуваме програми за поголема мобилност за старите лица преку субвенциониран меѓуградски превоз, стои во програмата.

За пензионерите се најавува воспоставување 10 центри за активно и здраво стареење, со програми кои ќе се грижат за менталното и физичкото здравје, социјализацијата и меѓуврсничката комуникација на старите лица.

Владата планира да ја прошири програмата за бањско-климатска рекреација.

Извор: Фактор

Приватните установи за деца и игротеките бараат итна финансиска помош и веднаш да се донесе одлука за рестартирање на нивните бизниси. Тие реагираат откако вчера на владината седница повторно не стана збор за нивно отварање. Според извори од владата, можно е приватните градинки да добијат дозвола за работа од 1 октомври, кога впрочем ќе започне и училишната година, но не се знае што со игротеките.

„Ние би работеле со соодветни протоколи бидејќи работењето по протоколи е побезбедно и многу посигурно и за нас и за нашите посетители, отколку истите такви веселби да се освиваат на места, каде што многу е тешко и просто невозможно да речеме на еден фамилијарен собир да воведеш протокол во домашни услови”, вели Трајко Николовски, претседател на Групацијата на забавни и рекреативни дејности во рамки на Услужната комора при ССК.

„Прашуваме: Зошто надлежните до сега сè уште молчат и не носат никаква одлука? Во интензивни средби и разговори сме и со министерот за здравство, Венко Филипче, кој сè уште тврди дека нема никакви пречки за отварање на оние градинки кои можат и ги исполнуваат протоколите. Притиснати од родителите, кои немаат каде да ги згрижат децата, бидејќи мерките од Владата за родители на деца до 10 години во приватниот сектор не е задолжителна, очекуваме дека новата Влада уште утре ќе даде насока за отварање на приватните градинки или за решавање на нашиот статус во ваквата состојба”, вели Билјана Караманолевска од Асоцијацијата на приватни установи за деца ПОЛЕТ.

И приватните установи за деца и игротеките поради пандемијата беа затворени на почетокот од месец март. Велат дека финансиски веќе не можат да издржат бидејќи речиси шест месеци се со клуч на врата.

„За некој ден доаѓа септември, а ние немаме никаква поддршка ниту за вработените, ниту за останатите режиски трошоци, кои што ги плаќаме секој месец од наш џеб. Се наоѓаме во една апсурдна ситуација, каде што забрането ни е да работиме, а немаме никаква поддршка. Тотално дискриминирани во однос на јавните установи, каде што основачи се општините, а финансирани се со полн буџет од државата”, вели Билјана Караманолевска од Асоцијацијата на приватни установи за деца ПОЛЕТ.

„Доведени сме буквално до економски колапс. Овие правни субјекти замислете 6 месеци се затворени и освен трите плати, за кои сме благодарни, друга помош не сме добиле. Ние сме премногу скромни во нашите барања. Што бараме ние? Значи, човек за да живее треба да прима плата. Без плата не може ни сметки да плати, ни да се прехрани. Пазете, во овие дејности, особено игротеките, претежно се семејни бизниси. Јас викам камо среќа едниот да работеше на друго место полесно ќе беше. Освен вработените од страна, претежно работат маж, жена и потесното семејство”, вели Трајко Николовски, претседател на Групацијата на забавни и рекреативни дејности во рамки на Услужната комора при ССК.

Освен поддршка во делот на платите сè до нивното повторно отварање, бараат мораториум на плаќањето на кредити и комунални сметки, одложено плаќање на данокот по сите основи, но и еднократна финансиска помош за воопшто да можат да стартуваат со работа.

Самостојниот синдикат на новинари и медиумски работници (ССНМ) и Медиумската информативна агенција (МИА) денеска (04.02.2019) потпишаа колективен договор со кој покрај повеќето придобивки вработените добиваат работна седмица од 36 часа, платен дополнителен ангажман, заштита од арбитрарно отпуштање, загарантирана слобода на информирање и други клаузили кои обезбедуваат подобри услови за работа.

Колективниот договор беше финализирани минатата недела, по речиси две годишни преговори и е прв колективен договор на ССНМ со медиум во Македонија.

По потпишувањето, в.д претседателот на ССНМ, Звездан Георгиевски рече дека ова е историски момент кој ја отвора вратата за пошироко и посеопфатно подобрување на условите за работа на новинарите. Според него, овој колективен договор е гарант дека без членовите на Синдикатот нема да може да се чепка по правата на новинарите.

„Се надевам дека многу брзо добивките од овој договор ќе бидат видливи, не само за вработените туку и за раководството на МИА, дека ќе стане добар пример што ќе го следат и другите медиуми за да дојдеме до нашата дефинитивна цел на колективен договор на ниво на гранка“, рече Георгиевски.

Директорот на МИА, Драган Антоновски, пак, смета дека секогаш може подобро, но дека во моментов ова е решението кое двете страни успеале да го испреговараат, но и дека од имплементацијата на колективниот договор ќе се увиди во кои делови е потребно подобрување.

„Може да се постигнуваат големи успеси со задоволни новинари кои ги имаат своите права, очекувам дека како МИА ќе добиеме поголема ефикасност и ќе бидеме подобри од тоа што сме“, рече Антоновски по потпишувањето.

Ќе воведеме европски стандарди во осигурувањето од автомобилска одговорност преку намалување на цената на чинење на зелениот картон, како производ на либерализирањето на цената на автоодговорност и решaвање на проблемот со неосигурени возила. Ова стои во најновата програма на Владата која денеска беше пратена во Собранието.

Сепак нема детали за колку и кога ќе биде оваа мерка. Има и други најави поврзани со автомобилите.

„Ќе продолжиме да го унапредуваме системот за поддршка на еколошки возила (со фокус на електрични и хидроген возила) и за возилата со пониска до средна вредност преку укинување или намалување на даночните и неданочните давачки (како данок за возила, ДДВ, царина, трошоци за регистрација, патарини итн...). Силно ќе се посветиме на регулирање на пазарот на половни возила и заштита на потрошувачите преку систем за проверка на квалитетот и декларираните параметри на возилото, како и воведување казнена одредба поврзана со измами на поминатиот број километри на возилото, пишува во програмата.