Границите на Швајцарија и понатаму остануваат затворени за земјите од Западен Балкан, освен Албанија. Македонија, Косово и Србија остануваат на „црниот список“ за слободно движење кон Швајцарија и обратно, а швајцарската Влада денеска го ажурираше списокот со додавање на Црна Гора и Босна и Херцеговина меѓу 45-те земји во светот како опасни за патувања поради пандемијата.

Ова значи дека нашите иселеници што живеат во Швајцарија ќе имаат условно враќање во татковината за време на летните одмори. Но, оние што сакаат да дојдат, според швајцарските здравствени власти, дефинитивно мораат да одат во домашна изолација 14 дена по нивното враќање во Швајцарија.

Во понеделникот, ЕУ ги разгледа и одлуките на условното движење за други земји, меѓу кои, покрај Србија, останатите земји од Западен Балкан остануваат на списокот.

„Врз основа на епидемиолошките податоци од СЗО, ЕУ препорачува рестриктивни мерки на секои две недели“, објави Европската комисија.

Нашите иселеници од Европа треба да чекаат до 2 август во случај земјите-членки на ЕУ да ги олабават мерките за слободно движење. Во моментов, нивното патување до овие дестинации е условено од негативен PCR-тест и двонеделен карантин по враќањето во нивните матични земји.

Од Ушравата за јавни приходи преку соопштение во јавноста ги демантираат последните натписи дека  со новите пресметки ќе има доцнење на повратот на ДДВ за граѓаните кои скенираат фискални сметки.

Единствената промена, според управата, е тоа што наместо досегашните 15 отсто од платениот ДДВ, ќе се враќа 20 проценти од оној за домашни производи и 10 од оној за странски производи.

„Управата за јавни приходи во ниту еден сегмент од текстот со кој најави дека брзо и ефикасно ја приспособи апликацијата МојДДВ преку која на граѓаните кои скенираат фискални сметки за купените македонски добра и услуги ќе им се изврши поврат во висина од 20%, а за останатите добра и услуги во висина од 10% од пресметаниот данок искажан во фискалната сметка, не најави дека ќе има доцнење во исплатата на повратот од Мој ДДВ за второто тримесечје“, гласи демантот на УЈП.

Од таму додаваат дека изнесените невистини ги сметаат како обид да се наруши имиџот на УЈП и истовремено јавноста да се револтира и да се доведе во заблуда со шпекулации и невистинити информации.

Тагови: Мој ДДВ УЈП

Вредноста на златото и на среброто утрово достигна највисоко ниво од 2011 односно од 2013 година.

Златото се продава за 1.860 долари за унца, додека среброто за 23 долари.

Цената на златото за испорака во август на њујоршката берза „Комекс“ се золеми за 0,77 проценти и достигна 1.858,05 долари за унца, откако претходно се искачи на 1.866,75 долари, што е највисока вредност о 9 септември 2011 година.

Додека сребрто за испорака во септември се продава за 23,185 долари,. Што е рекордна цена од 19 септември 2013 година.

Според експертите, порастот на цената на златото и среброто е поради пад на вредноста на доларот во споредба со еврото. Послабиот долар доведе до зголемување на цената на златото, кое е поефтино за инвеститорите кои тргуваат со други валути.

Фармацевтскиот концерн „АстраЗенека“ планира вакцината против коронавирус да ја изнесе на пазарот до крајот на годинава, а како што најави претседателот на компанијата, Паскал Сориот, таа ќе чини 2,50 евра.

Солио изјави за француската радиостаница РТЛ дека целта на компанијата е вакцината да биде достапна за сите луѓе.

Фармацевтската компанија се надева дека вакцината ќе биде произведена до крајот на годината, а според Солио, дури и малку порано, ако се оди како што треба.

Претходно беше објавено дека вакцината на „АстраЗенека“, која е направена во Оксфорд, во првите две фази на тестирање се покажала како добра и дека придонесува за создавање на антитела, како и имунизација против Ковид-19.

Исходот од третата фаза од тестирањето се очекува во есен, а доколку е успешна, тогаш вакцината може да се произведува масовно и да се пушти на пазарот.