Не треба да прават ПЦР тестови при влез во земјава, но сите македонски и странски државјани кои ќе влезат во земјава од странство ќе мора во текот на првите 14 дена да почитуваат некои правила. Владата го објави протоколот за спречување и ширење на Ковид-19 при влез во земјава, а во нив стои меѓудругото и дека ако овие лица се движат надвор задолжително треба да одржуваат дистанца и да носат маски. 

Но, ним им е забрането и да се возат во тие 14 дена во јавен градски и меѓуградски превоз. Едно од правилата е тие секој ден наутро да си мерат температура.

„Мерење теелсна температура наутро и доколку е поголема од 37,2 степени целзиусови или ако лицето има симтоми односно треска, кашлица, отеженато дишење, сува надразителна кашлица да го контактира телефонски својот матичен лекар или со сопствено возило и еден придружник се јавува на преглед во најблиската здравствена установа каде врз основа на клиничката слика се одлучува за понатамошен третман, стои во протоколот.

На 14.366.000 скокна бројот на невработени во Европската Унија поради пандемијата на коронавирусот. 

Невработеноста во 19 држави на ЕУ во мај годинава беше 7,4 отсто, за 0,1 процентен поен повеќе од април, иако националните влади користат активни програми за поддршка на пазарот на трудот и за задржување на работните места, со цел ублажување на последиците од пандемијата. 

Ова го покажуваат официјалните податоци на Евростат што беа објавени денеска. .

Во мај 2020 година во ЕУ вкупно без работа имало 14.366.000 граѓани, од кои 12.146.000 се од еврозоната. 

Во однос на април, бројот е зголемен за 253.000 во ЕУ, а во еврозоната за 169.000. 

Невработеноста во мај изнесувала 15,7 отсто кај младите во ЕУ, а 16 отсто во еврозоната. Во однос на април годинава, невработеноста кај младите се искачила за 64.000 во ЕУ, и за 42.000 во еврозоната.

Над половина милион луѓе Италијанци ги загубија своите работни места од февруари до мај годинава, како резултат на пандемијата и економската криза што следеше, јавија локалните медиуми.

Најбогатиот човек во светот поседува богатство вредно 171 милијарда долари. 

Се зголемува богатството на Џеф Безос и тој сега е побогат од било кога. 

Луѓето ширум светот поради кризата со коронавирусот се фокусираа кон онлајн тргување, а Амазон има сериозни приливи на средства.

Дури и по разводот, поради кој Безос беше  приморан на својата поранешна сопруга да и исплати 36 милијарди долари, неговото растечко богатство е незапирливо.

Неговиот претходен рекорд е регистриран во септември 2018 година. 

Во тој период, Амазон вредеше 167,7 милијарди долари. Сега овој број се искачи на 171,6 милијарди долари.

Во 2018 година беше објавено дека Безос за само една година двојно го зголемил своето богатство. 

До 31 август македонските државјани нема да може да патуваат во Шведска. 

Владата на Шведска ги продолжи ограничувањата за патувања во земјата до 31 август. 

Одлуката се носи на препорака на Европскиот совет.

„Забраната за влез нема да се однесува на новите жители и студентите кои допрва треба да се преселат во земјата“, информираа од владата.

Оваа мерка беше воведена во март за да се спречи ширењето на коронавирусот и исклучок од сегашната одлука ќе бидат истите 14 „безбедни“ држави кои се најдоа на последната листа на Европската Унија: Алжир, Австралија, Грузија, Јапонија, Канада, Мароко, Црна Гора, Нов Зеланд, Руанда, Србија, Јужна Кореја, Тајланд, Тунис и Уругвај.

Македонците можат слободно да патуваат во Србија, Албанија, Косово и Турција. 

Во ЕУ засега се затворени вратите за нашите државјани. 

Во Македонија бројката на починати од коронавирусот се искачи над 300. 

Само за 24 часа има 15 починати во земјава од Ковид -19. 

Во меѓуреме, можно е Македонија да ја затвори границата кон Србија и Косово затоа што бројот на заразени расте во овие земји.  

За ова одлука ќе има утре.