Најатрактивна припејд понуда на пазарот лансираше компанијата А1. Сите нови корисници на припејд услуги добиваат 10 GB интернет.

Поаѓајќи од зголемената потреба од гигабајти, неопходни за комуникација, забава и нови возбудливи доживувања, А1 Македонија креираше понуда која ќе ги задоволи токму овие потреби на корисниците, соопштуваат од компанијата.

Со активација на А1 Припејд СИМ –картичката од 299 денари или пак со А1 Duo од 399 денари, корисниците добиваат почетен пакет од 10GB интернет. Дополнително, покрај овие 10 GB интернет, сите нови припејд корисници на А1 добиваат и: неограничени разговори во мрежата на А1 во првата недела од активацијата, 50 денари кредит кој може да се искористи по желба на корисникот, како и активација на пакетот А1 Пријатели со кој 30 дена се добиваат бесплатни и неограничени разговори со сите А1 Припејд корисници.

Промотивните 10GB интернет можат да се искористат во првите 2 недели од активирањето на СИМ картичката. По истекот на промотивниот период наведените пакети автоматски се обновуваат и тоа месечниот пакет со 10GB интернет за 499 денари, неделниот пакет со неограничени разговори во А1 за 79 денари и месечниот пакет A1 Пријатели за 59 денари.

Постоечките А1 Припејд корисници можат да го активираат месечниот пакет со 10GB интернет преку испраќање СМС порака на 1410 со текст – „START MESECEN 10GB“ за 499 денари.

Повеќе информации можете да најдете на www.a1.mk или со јавување во Контакт центар на 077 1234.

Во рамки на третиот пакет економски мерки од КОВИД-програмата, 405 милиони денари се наменети за Министерството за образование. 

Ресорниот министер Арбер Адеми на својот фејсбук-профил објави дека средствата ќе бидат поддршка за учениците, студентите и младите.

– Ваучери од 6.000 денари се наменети за студенти кои потекнуваат од семејства со ниски приходи за покривање на партиципацијата за студирање, сместување во домови, приватно сместување итн. Ваучери до 30.000 денари се за кофинансирана обуки и академии, за информатика и дигитални вештини и ваучери од 3.000 денари по студент што може да се користи за услужни активности според кодот на активноста, напиша Адеми за поддршката од новиот пакет мерки за ублажување на последиците од пандемијата кои ги донесе Владата и денеска ги соопшти премиерот Оливер Спасовски. /МИА

Понеделник, 25 мај е неработен ден за сите граѓани на Република Северна Македонија, соопшти Министерството за труд и социјална политика.

Министерството информира дека согласно со Законот за празниците на РМ („Службен весник на РМ“ бр.21/98 и 18/07), 24 мај (недела) е државен празник „Св. Кирил и Методиј“ Ден на сесловенските просветители. Исто така, 24 мај (недела) е државен празник на Република Северна Македонија – Рамазан Бајрам, првиот ден на Рамазан Бајрам.

Министерството за труд и социјална политика им ги честита празниците на граѓаните.

Регионот не чека. Балканските земји се координираат за отворање на границите, на заеднички, но и на билатерални видео средби. Првиот знак за гранична либерализација  дојде од Белград. Српската премиерка најави дека од први јуни ке се отворат границите за граганите на Македонија, Црна Гора, Албанија и БИХ,без карантин и без тестови.

Денеска и  бугарскиот премиер Борисов по видео конференцијата со  грчкиот, српски и романски колега, објави дека од почетокот на следниот месец  границите без карантин и без тестови ке се отворат мегу Бугарија, Србија и Грција. На премините ке треба само да се пополни потврда дека лицата која ја поминуваат границата немаат симптоми.

Со ова се согласни и останатите премеиери, а Мицотакис предложил границите за туристички патувања да се отворат на 15 јуни. Тој изразил надеж дека и покрај здравствената криза, Грција ова лето традиционално ке ја посетата голем број туристи од Балканот. Утре се очекува грчката валдата да излезе и со детален план кога ке се отворат рестораните и хотелите  и кои ке бидат директивите за практикување на турзимот во Грција во текот на оваа сезона.

Тагови: туристи